1 Tɛsalɔnik munu 4:16 - Kazambale lé Sebe Sauunu 1979

¹⁶ Naa, dé tɔmase do bɔ, dé lanjenuzan siaa, dé Kazambale lé béli we, ’bɛ bléyi nya tɔɔn, ’té Mizan bozen é dan si lɛ la gi yé é zun, yé munu lé wo ga Krist gi, wo dan nwa lɛ é vinin.

1 Tɛsalɔnik munu 4:16 ပူးပေါင်းရင်းမြစ်များ

Lɛrɛvɔ Sɛbɛ 47:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. Lɛrɛ do lé.

Lɛrɛvɔ Sɛbɛ 47:5

É fɛna si a va kozé nya, Jakɔb lé é sɔ a lɛ, alé fua lé. Ka ye do.

Fwile 19:16

A yi yaazan nya bladi, zagele ban, ’té lɛɛ yuɛ wuo éé vɔa, yé lati borozan zun gɔ ma; béli we plɛplɛ; yé kana zén munu faa lé wo ke sɔkɔndɔna, wo gi.

Fwile 20:18

Munu faa éé zagele banle valé béli fɛnle maan yé lɛɛ yuɛwuovɔle koo, kyɛgoi sɔɔlale gɔ ta koo, woo wo yé. Fɛ ’konu yele ma lé munu ma éé nyɔɔn‐an, ’té wa é dɔle baa.

Ézai 27:13

A yi la, wo dan béli blɛn fɛn lɛ, yé munu lé wo vo lu la Asiri tɛrɛ la, ’bɛ valé munu lé wo yɔɔ Éjipiti tɛrɛ la, wo dan da lɛ yé wo dan dia lɛ ’wo bli la Gakelebale ’lɛ, gɔ sauun nwiin, Jérusalɛm.

Joɛl 2:11

Gakelebale éé dére fé élé sunyanu lɛ, Naa, wo nyanana a blɛɛn. Mian éé a dére tawe kɛla, ’bɛzan a plɛplɛ; Naa, Gakelebale lé yi a blɛɛn; éé di kinié mi gi. De ɛ bɔa dɔle lɛ ’bɛ yi laa?

Zakari 4:7

Bii gɔ blɛn, i a mɛ fɛ nya Zorobabɛl ’lɛɛ? É dan i na bɔ lɛ ékema. É dan kɔnsun gɔlɛ vɔ lɛ, ’té munu éé siaan léé: Gɔlɛ ’ko ’é vo anaoo na! É a é zimaoo é zima!

Zakari 9:14

Gakelebale é dan bɔra lɛ wo ta loru Yé alé sawɔlɛ é dan go lɛ bélé lɛɛ yuɛwuovɔle zo; Mizan Gakelebale, é dan béli fɛn lɛ, É dan bié lɛ barikoko plɛplɛ lé éé sié yirinwana bɛyilazia, a gi.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Mi Nɔnɔle 23:21

É ’ka weple yé Jakɔb gi monomono lo, Wean é ’ka tegele lo, é ’ka a yé Izraɛl gi monomono lo. Gakelebale, alé Bale a a va, É a a nwiinzan blɛn nya, Bale a Izraɛl ginanamazan nya.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 16:28

Maa a fe ka lɛ webozen nya léé: Munu lé wo ke ’ko, wo va mi kenu ’ka dan ga lɛ lo fɔɔ yé wo maa blami Be ye dana plale munu nwiin we ma.

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.

Matio 26:64

Jézu a zi pa a lɛ léé: Yee lé bé fe bɛ. ’Bɛ ta loru, maa lé ka lɛ léé, é sia bléyi ’ko va, ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.

Kelewenu 1:11

yé wo léé: ’Kaa Galilé munu, mɛwemalé ka dɔ la gi gininaa? Jézu bozen lé, wa si ka worona yé wo goan la gi, fɛan zo lé ka a ye gona la gi, a zo lé é dan da lɛ é ziin.

1 Korent munu 15:18

’té munu lé wo ga Krist gi, ’té wa é sanle é ziin.

1 Korent munu 15:20

Naa, webozen lé, Krist nwa gale va; é a mi vinin lé é nwa gamunu va, a nya.

1 Korent munu 15:23

naa, wo faa do do é dan nwa lɛ ’wo nwabléyi va. Krist ɛ ke wo vininzan nya; ’bɛ zuo, Krist dabléyi va, munu lé wo ke azé nya, wo dan nwa lɛ.

1 Tɛsalɔnik munu 1:10

Yé Bale Be Jézu lé é a nwa gamunu va bɛ, ’té éé ko sié Bale lé bliflile lé é dan da lɛ bɛ, a wuo, ka a a sile la gi lɛbɛnna fɛan zo, wa faa zuo fe ko lɛ.

1 Tɛsalɔnik munu 3:11

Kaa Ti Bale bozen valé Kaazan Jézu ’wo zi nɔ ko lɛ yé ko go ka va tegele.

2 Tɛsalɔnik munu 1:7

Yé ka lé wa kle pana ka ta bɛ, é dan flinle nɔ lɛ kaa lɛ, bléyian va lé Mizan Jézu é dan si lɛ la gi yé é zun, yee valé élé lanje plɛplɛnu nya, ’bɛ bléyi va.

2 Tɛsalɔnik munu 2:1

Bwenu, é sɔ an lɛ léé, maa we pla ka lɛ Kaazan Jézu Krist dale valé kaa zénle ékeva a va lé we ma.

2 Piɛri 3:10

Mizambale lé yi é dan bɔ lɛ bélé kyeenwozan zo; yi ’ko nya lanu é dan gié lɛ é vun wele blɛn nya; fɛnu faa lé Bale wo kɛlɛ é wɔlɛnu nya, wo ’yi é dan bo lɛ kyɛ plɛplɛ baba lé we ma, yé tɛrɛ valé é tafɛnu yee é dan bo lɛ.

SEBE LÉ JUD A GYE (Épitre de Jude) 1:9

Yé lanjenu faa ’lɛzan Misɛl boen ke aan wo za kɛlɛna yonufaatagɔné va Moizi kɔlɛ ta, é ’ka dɔ lɛ a gi léé, é sɔnɔdére fe a ma lo, naa, é we dɔ é wo a nwiin léé: Mizambale ’é ilé we ble ma.

Wegɔɔnle 1:10

Maa a ’bɛna aan wo, an si an pɔlɛ gi yé an nɔla miléli nya Mizan lé yi la, yé maa dére plɛplɛ do ’ma an zuo bélé béli dére zo yé é léma:

Wegɔɔnle 1:7

Bé ye, é dan latinu ta. Mi faa é dan a ye lɛ, a fɔnmunu koo é ziin; tɛrɛ la bɛnnu faa é dan wuvɔ lɛ alé we ma. Iin. Amɛɛn.

Wegɔɔnle 14:13

Yé maa dére do ’ma la gi yé é léé: ’Bé gyɛ léé: É sia bléyi ’ko va, munu lé wo ga Mizan gi, wozé a néné. Kazambale Léli léé: Iin, wa flinna wolé nyanama ma, naa, wo kɛlɛwenu éé goo wo zuo.

Wegɔɔnle 8:13

Maa a nagini yé gola lé é ke sina la méléna, maa a dére plɛplɛ ’ma yé é léé: We tɔntɔn, we tɔntɔn, we tɔntɔn é dan kɛlɛ lɛ tɛrɛlamunu lɛ, béli bɛ yaa lé lanje yaa é dan a fɛn lɛ bɛ, alé we ma.

Wegɔɔnle 8:2

Lanjenu sɔrafié lé woo dɔa Kazambale ’lɛ, maa wo ye, yé wo béli sɔrafié nɔ wo lɛ.