1 Tɛsalɔnik munu 4:1 - Kazambale lé Sebe Sauunu 1979

¹ É ziin, bwenu, é a lé kalé tawogane é kɛlɛ fɛan zo yé kalé we é sɔ Kazambale lɛ, ko a fe ka lɛ. Yé ka a tawona ko dére ta. Ko a zanté vɔna ka lɛ, ’té ko we plaan ka lɛ Mizan Jézu tɔ nya léé, ’ka a kɛlɛle gi gyɛ.

1 Tɛsalɔnik munu 4:1 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 17:4

Naa, éé é ti lé Bale naginian, yé éé tawoo alé bélidɔwenu yɛrama. É ’ka Izraɛl kɛlɛwenu zuo sona lɛ lo.

JOB (Job) 17:9

Duowo, mi tegele a é dɔle gligli ézé zi ta, Mi lé a bɛ ma ke é bɔle a suni taa wɔra.

Lɛrɛvɔ Sɛbɛ 92:14

Wa é surule Gakelebale lé kɔn gi, Wolé we nyian é wo kolé Bale lé gɔrɔ gi;

Wegɔnévɔlenu 4:18

Mi tegelenu lé zi a bélé san lé éé bié nyananyana, a zo; a bile gi éé goo gyɛle nya fɔɔ yé yiéyi é pa.

WENÉNÉ LE JAN A GYE (Évangile selon Jean) 15:2

An bɛ faa lé wo ke an ma yé wo ’ka baan lo, éé wo kinié an ma, yé an bɛnu faa lé woo baan éé wo ma bɔié yé wo va ’é kɛlɛ é sésé, wo taa baale é ziin wo ma we gi.

Rom munu 8:8

Amalé munu lé woo tawoo ’wo dɔbɛ kyɛn lé tawobɛ nya wo ’ka bɔa sɔle lɛ Kazambale lɛ lo.

1 Korent munu 11:23

We lé maa a paa ka gi bɛ, Mizan ɛ gɔɔn an lɛ. Yee lé ke ’ko: yian nya lé wo dan Mizan Jézu pa lɛ munu lee, é buru si,

1 Korent munu 15:1

Bwenu, Wenéné ’ko lé maa a fe ka lɛ bɛ, yee lé ka a nyi si, ’té ka a é dɔle a gi gligli,

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

2 Korɛnt Munu 10:1

Maa Pɔl lé ka fe an ma léé, dé maa a ’wo va maa a bo?-?kiénézan nya, yé dé maa si ’wo va an bli a ’wo ma tɔntɔn, maa zanté vɔ ka lɛ Krist lé drɔɔ valé alé zin we ma.

2 Korɛnt Munu 13:11

An bwenu, we voéla lé é ke ’ko: ka gi ’é nana ma; ’ka gun faa si ka ma ma; ’ka ka ke tɔrɔ paa; ka gibɔrɔle ’é kɛlɛ do ma; ’ka vo drɔɔ ma yé sɔlɛle valé mi vo drɔɔ Bale é dan kɛlɛ lɛ ka va.

2 Korɛnt Munu 5:9

Bɛwemalé, ko ke kwa kulina léé, dé ko a kɔlɛ ’ko gioo, dé ko si a gioo, ’ko kɛlɛ mi zinnu nya a yuɛ gi.

2 Korɛnt Munu 6:1

Ko a Kazambale va nyanamapa béénu nya, bɛwemalé ko we plaan ka lɛ léé, Kazambale lé zin lé ka ye, té é vo ka ma é pla lo.

Galasi munu 6:1

Bwenu, dé ka a ye léé, mi do saanwe kɛlɛ, ka lé ka ke lélimunu nya, ’ka bɔ ’bɛzan va bli drɔɔ nya yé é dɔ é dɔbɛ gi. Ka faa ’é yuɛ pa kabozen va do do, dé wo da ka gi dan.

Éfez munu 4:1

Bɛwemalé, maa, Mizan lé bokɔngizan, maa we plaan ka lɛ léé, we lé wo ka laa a ma, ’ka tawo a yɛrama;

Éfez munu 4:20

Yé ka ’ka a ’ma lɛ léé, Krist lé we a ’bɛ zo lo,

Éfez munu 5:17

Bɛwemalé, té ka kɛlɛ ’tugyɛzannu nya lo, naa, Mizan lé blibɔmawe a fɛan zo, ’ka a dɔɔ ma.

Filip munu 1:27

Naa, munu lé wo bli ke Krist lé Wenéné lɛ, é a lé wo tawo fɛan zo bɛ, ’ka tawo ’bɛ zo léé, dé an da ka vaoo, dé an ’ka da lɛ ka va looo, yé maa ka tawe ’ma léé, ka a é dɔle gligli bli do nya, ’té blipale lé éé sié Wenéné va bɛ, ’té ka a ta guli daan bli do nya,

Filip munu 1:9

Yé wean maa a ma laan kazé nya, yee lé é ke léé, kalé sɔlɛle gi ’é go gyɛle nya, wedɔɔle valé gikinile gɔnɔ faa nya,

Filip munu 3:14

’té an vlanburuwo a ’wuoplana zia, a ma ban lé é ke Kazambale lé an laale loru Jézu Krist lé we ma, a yele we gi.

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

Kolɔs munu 2:6

Ka Jézu Krist si kazan nya, amalé, sin, ’ka tawo a gi;

1 Tɛsalɔnik munu 3:12

Mizan Jézu ’é ka sɔle ka ke lɛ valé munu faa sɔle ka lɛ gi gyɛ, yé é gié é glɛ ta, bélé fɛan zo lé ka sɔ ko lɛ, a zo.

1 Tɛsalɔnik munu 4:2

Wenu lé ko wo pla ka lɛ Mizan Jézu dére nya, ka wo dɔɔ.

1 Tɛsalɔnik munu 5:12

Bwenu, kalé zanté; munu lé woo Bale lé nyanama paan ka va, ’té wa ka zilɛzannu nya Mizan gi, ’té woo we plaan ka lɛ bɛ, ’ka wo lɛdɔma.

2 Tɛsalɔnik munu 1:3

Bwenu, kalé blipale gi a gyɛna, yé ka sɔle ka ke lɛ gi a gyɛna, bɛwemalé é a lé ko Kazambale bɔ vɔ kalé we ma bléyi faa ma. ’Bɛ a we tegele nya.

2 Tɛsalɔnik munu 2:1

Bwenu, é sɔ an lɛ léé, maa we pla ka lɛ Kaazan Jézu Krist dale valé kaa zénle ékeva a va lé we ma.

2 Tɛsalɔnik munu 3:1

Yé sin, bwenu, ’ka bazoro ko tɔ ma léé, Mizambale dére ’é nwɛɛn fɛfaana yé ’wa nyi si é zima bélé fɛan zo lé ka a nyi si é zima, a zo ma,

2 Tɛsalɔnik munu 3:13

’Kaa bwenu, té ka wɔlɛgi é nyaan ka ma wezin kɛlɛle nya lo.

1 Timoté 5:21

Kazambale koo, Jézu Krist koo, lanjenu lé Bale wo si a va koo, ko a wo faa ’lɛ; maa lé i lɛ léé, ’i tawo dére ’ko ta; té i we do kpen ble é voro va lo; té i we do kpen kɛlɛ lele valé béé ma lo.

2 Timoté 4:1

Kazambale valé Jézu Krist lé é dan mi galenu valé mi yuɛmalenu lé we ble lɛ bɛ, ko a wo ’lɛ; maa lé i lɛ Jézu dale valé a plale mi nwiin tɔ gi léé,

Ébrunu 11:6

naa, dé mi bli ’ka Kazambale lɛ lo, ’bɛzan ’ka bɔa sɔle lɛ Kazambale lɛ lo. Naa, mian éé biéan Kazambale sɔnɔ é a lé é pa a ta léé, Bale a, yé munuan wa naginina é a wo goolipazan nya.

Ébrunu 13:16

Yé té ka gi é san wezin kɛlɛle valé fɛ nɔle kiɛre ma lo ma; a zo sarakanu lé Kazambale éé wo ban‐ɛn blé.

Ébrunu 13:22

Bwenu, kalé zanté, we lé maa pla ka lɛ ’ko, ’ka ’ma ma; naa, sɛbɛ lé maa a gyɛ ka lɛ, sɛbɛ tégéléné lé.

2 Piɛri 3:18

Naa, ’ka tin Kaazan, kaa Bélizan Jézu Krist lé zin valé a dɔɔle gi ma. ’Wo fua nɔ a lɛ sin bléyi ’ko va, é valé lɛɛfaama ma. Amɛɛn.

1 Jan 3:22

Dé kaa fɛofɛan laa Bale lee, kaa a yé a va, kaa a alé bélidɔwenu kɛlɛna, é valé a sɔlɛwenu nya, azama.