1 Tɛsalɔnik munu 3:2 - Kazambale lé Sebe Sauunu 1979

² yé ko zuané Timoté lé é ke Kazambale wuozan nya Krist lé Wenéné gi, maa a pa ka lɛ zia, léé, ’é ka bli ta dɔ plɛplɛ, yé ka bli ’é vo Kazambale lɛ tegele,

1 Tɛsalɔnik munu 3:2 ပူးပေါင်းရင်းမြစ်များ

Kelewenu 16:1

’Bɛ zuo yé wo go Dɛɛbe valé Lisitre. ’Bɛna mi Jézu zuomi do ana, wa laama Timoté. A bu a Krétiɛn Juifi le nya yé a ti a Grɛki mi nya.

Kelewenu 16:5

Léglizigimunu dɔ gligli Bale lé we gi, yé wo ’léé gi vo gyɛna yi faa do do ma.

Kelewenu 18:5

Naa, Silas valé Timoté si aan wo Masédɔane, Pɔl daan we bɛnu ma yé ébo nɔ Kazambale dére saa fele lɛ, yé é vo we fena Juifinu lɛ léé, Jézu ɛ ke Krist nya.

Rom munu 16:21

An va nyanamapa béé Timoté we ka va, é valé an lelenu Lusius koo, Jazɔn koo, Sosipatɛɛ koo, wo we ka va.

1 Korent munu 3:10

Kazambale lé zin lé é a kɛlɛ an lɛ, a nya lé maa kɔngane vɔ bélé kɔn ninikinizan lé é we dɔɔ, a zo; ’té mi bɛ éé kɔn dɔa a ta. Ka faa do do, ’ka yuɛ pa kabozen va a dɔle a ta lé we ma.

1 Korent munu 4:17

Bɛwemalé maa Timoté nwunvɔ ka lɛ, yee ɛ ke anlé blibɔmané nya; é a yarapawelazan nya Mizan gi; anlé Krist gi tawobɛ lé maa paan munu gi léglizinu faa gi, é dan a sele dɔ lɛ ka gi.

2 Korɛnt Munu 1:1

Maa Pɔl lé an ke Jézu Krist lé nwunvɔzan nya Kazambale lé blibɔmale nya, maa valé bwe Timoté, ko ɛ ke sɛbɛ ’ko gyɛna ’kaa Korɛnt munu lɛ. ’Kaa Kazambale lé léglizigimunu lé ka ke Korɛnt, ko we ka va. ’Kaa Kazambale lé munu faa lé ka ke Akai tɛrɛ faa la, ko we ka va. Sɛbɛ ’ko a kazé nya é ziin.

2 Korɛnt Munu 1:19

Naa, Kazambale Be Jézu Krist lé, maa koo, Silvɛn koo, Timoté koo, ko alé we fe ka méléna bɛ, é ’ka kɛlɛ lɛ iin valé gba nya lo; naa, yee ɛ ke iin nya.

2 Korɛnt Munu 2:12

We pɔné lé é ke ’ko: an bɔ aan wo Troas Krist lé Wenéné fele we ma, Mizan zi nɔ aan wo an lɛ, maa ’ka aan wo an bwe Tite ye lɛ lo, amalé an gi ’ka ma lɛ an ma lo.

2 Korɛnt Munu 2:13

Bɛwemalé maa wo yai vɔ yé maa go Masédɔane.

2 Korɛnt Munu 8:23

Dé é a Tite nya, é a an bɔluzan valé anlé nyanamapa béé nya, kalé we ma. Dé é a ko bwenu nya, wa léglizinu lé nwunvɔzannu nya, yé wa Krist lé fua nya.

Filip munu 1:25

An gi dan tirilii, yé maa a ma kunna ye, yé maa a gi dɔɔ léé, maa dan vo lɛ ana, yé an kɛlɛ ka faa va, léé, an bɔ ka va yé ka bɔ baa Bale lé we gi, ’té ka gi éé nanaan.

Kolɔs munu 1:1

Maa Pɔl lé an ke Jézu Krist lé nwunvɔzan nya Kazambale lé blibɔmale nya, maa valé bwe Timoté, ko ɛ ke sɛbɛ ’ko gyɛna ka lɛ.

Kolɔs munu 1:7

Épafras lé é ke ko sɔlɛbéé nya nyanama ’ko gi, ’té é ke yarapawelazan nya Krist lé nyanama pana ka lɛ, yee ɛ we ’ko gɔɔn ka lɛ.

Kolɔs munu 4:12

Épafras lé é ke ka va mi do nya bɛ, é we ka va; é a Jézu Krist wuozan nya, yé é ’ka daanma ka ta gulidanle ma bazorole nya lo léé, ’ka dɔ gligli yé gun ’é si ka ma, yé ’ka ’wuo dɔ Kazambale lé blibɔmawe faa wuo.

Kolɔs munu 4:9

Yee koo, yarapawelazan Onézim, kaa sɔlɛbwe lé é ke ka va mi do nya bɛ, ’bɛ koo, maa wo paan ka lɛ zia. We faa lé éé kɛla ’ko, wo dan a fe lɛ ka lɛ.

1 Tɛsalɔnik munu 3:13

’É ka bli ta dɔ plɛplɛ, yé Jézu valé élé munu dabléyi va yé ka kɛlɛ sauun kaa Ti Bale ’lɛ, ’té gun ’ka ka ma lo.

1 Tɛsalɔnik munu 3:5

Amalé dé an ’ka bɔa we ’ko vole lɛ ’ko zo lo, an Timoté pa ka lɛ zia léé, dé kalé blipale a kaa? ’é da ’é a zuo fe an lɛ. Kana a an gi léé, dé migidanzan ka gi dan mii? yé nyanama lé ko pa, dé é vo é plaa?

2 Tɛsalɔnik munu 2:17

’wo ka tɔrɔ paa yé ’wo plɛplɛ nɔ ka lɛ nyanama zin faa pale valé dére zin faa fele we ma.