1 Tɛsalɔnik munu 2:9 - Kazambale lé Sebe Sauunu 1979

⁹ Bwenu, kolé nyanama valé kolé nyanéblele sele a ka gi. Ko Kazambale lé Wenéné fe ka lɛ, yé tu valé é kinile ma ko a nyanama ta, té ko kɛlɛ kɔné nya ka va mi do kpen nwiin lo we ma.

1 Tɛsalɔnik munu 2:9 ပူးပေါင်းရင်းမြစ်များ

2 Minwiinzannu 6:2

Kaa go Juudɛn yuu ma, yé ko faa do do ’é da kɔnyili nya, yé ko ko nyanana kɛlɛ. Élizé lé wo lɛ léé: ’Ka go.

Néémi 5:15

Munu lé wo wo dɔ gbɔrɔnamanu nya an ’lɛ é vinin, wo pla munu nwiin plɛplɛ; woo buru valé dɔrɔ sié wo lee; ’bɛ ta loru, woo gɔɔlifu sikla yɔ fié sié wo lee; wo wuozannu é ziin, wo yaa munu ta. An kanaan Bale lee, amalé an ’ka anzé kɛlɛ lɛ ’bɛ zo lo.

Néémi 5:18

Fɛblele lé wa ma’lɛra an lɛ yi faa do do ma, yee lé ke ’ko: dirigɔné do koo, ’bla zima suiɛdo koo, mianénu koo, woo lé, yé a yi vu vu faa bɔle nya, dɔrɔ faa lé ko mawe ke a gi, wa ma’lɛra di. Naa, duowo, maa ’ka fɛblegɔɔli si lɛ gbɔrɔnama lee lo; kɔné a Juifinu nwiin blɛn, azama.

Lɛrɛvɔ Sɛbɛ 32:4

Naa, é béli valé é yiéyi i bɛ a é dɔrale an ta klilii, An fuu si an ta yé an ga bélé yɛrɛ gabléyi va fɛnu zo. Ka ye do.

Lɛrɛvɔ Sɛbɛ 88:1

Ezra mi Éman lɛrɛ ’ko vɔle gɔɔn lɛrɛvɔmunu zilɛzan lɛ. Bale tɔbɔlɛrɛ lé. Koré kulunu lé lɛrɛ lé. ’Wa vɔ séén va.

Wegɔnévɔlenu 31:18

É a ye léé, élé nyanama tɔnɔ a; alé kyɛbɔ ’ka dirian é béli lo.

Jérémi 9:1

Yiba! dé é kɛlɛ kɔɔn léé, an ’wuo a é fanle ’yi nya, Dé an yuɛ a kɔɔn ’yibɔna zo, ’Té maa dan anlé munu galenu wuvɔ lɛ, Bladi nyanadi.

WENÉNÉ LÉ LUK A GYE (Évangile selon Luc) 18:7

Yé munu lé Bale wo si a va ézé nya, ’té woo siaan a lɛ bladi nyanadi, é ’ka dan wo nyanémunu lé we ble lɛ loo? É dan mɔn lɛ faa ’lɛ yé é wolé we blee?

WENÉNÉ LÉ LUK A GYE (Évangile selon Luc) 2:37

’Bɛ zuo yé é vo gyɛzarale nya, yé a lɛɛ a yɔ ziɛn wɔlɛ ziɛn. É ’ka sié Balebangikɔn gi lo, ’té é Kazambale bɔa lɔrɔ sɔnle valé bazorole nya, bladi nyanadi.

Kelewenu 18:3

Wo faa panyanama ke aan wo do, yé é nyana wo va yé wo nyanama pa ékeva. Wa sɔkɔn kɛlɛzannu nya.

Kelewenu 20:24

Naa, an ’ka we do kpen kɛla anlé tɛrɛla we ma, bélé fɛan zo lé a we a an lee, a zo lo. We fié lé ke an bli gi, yee lé é ke ’ko: zi lé Mizan a gɔɔn an lɛ, maa lé a ta tawole lɛsɔɔle gi nanale nya a do; nyanama lé Mizan Jézu a nɔ an lɛ, Bale lé zin lé Wenéné fele nya, ’bɛ lɛsɔɔle a do, woo lé ke bɛ; an ma we bɛ ’ka lo.

Kelewenu 20:31

Lɛɛ yaa gi maa ’ka daan lɛ we plale ma ka lɛ lo, é béli koo, é yiéyi koo, maa vo we plana ka faa do do lɛ an yuɛyi zénle nya. ’Bɛ sele ’é dɔ ka gi ma. Bɛwemalé ’ka vo é vuole.

Rom munu 1:1

Maa Pɔl lé an ke Jézu Krist lé luugɔnéné nya, maa ɛ ke sɛbɛ ’ko gyɛna ’kaa Rom munu lɛ. Bale an laa léé, an kɛlɛ nwunvɔzan nya, yé é an dɔ élé Wenéné fezan nya.

Rom munu 15:16

Bale va nyanama lé ke Kazambale lé Wenéné fele nya, yee lé maa ke a pana bɛn bɛnu va léé, Léli Sauun lé we ma bɛnnu ’é kɛlɛ saraka lé é sɔ Kazambale lɛ, a nya.

Rom munu 15:19

gyɛzorowenu valé weblɛnblɛnnu kɛlɛle koo, Léli Sauun lé plɛplɛ koo, wo nya lé Jézu Krist bɛn bɛnu kɛlɛ ’é lɛdɔmazannu nya. ’Bɛ zo lé an Krist lé Wenéné faa nwɛɛn di, é sia Jérusalɛm valé é sɔnɔ tɛrɛnu ma fɔɔ yé é bɔ Iliri tɛrɛ la.

1 Korent munu 4:12

’té ko wɔlɛgi éé nyaan ko ma nyanama pale nya ko bɛ nya. Woo ko sɔnɔan, ’té ko wo drɔɔ voo; woo nyané paan ko ta, ’té ko ’wuo dɔa ’bɛ wuo;

1 Korent munu 9:15

Naa, maa ’ka tɔnɔ do kpen sina we ’ko gi lo; yé maa ’ka sɛbɛ ’ko gyɛna a yele we ma lo. Dé é a ’bɛ zo, a fila vɔ léé, ’an ga. Mi do ’ka an zevɔwe ’ko sié an lee lo.

1 Korent munu 9:18

’Té an gooli lé é ke mɛ fɛ nyaa? Maa Wenéné fé munu lɛ é pla, ’bɛ ɛ ke an gooli nya. Tɔnɔ lé é a lé maa a si wefele we ma, maa ’ka ’bɛ sié lo.

1 Korent munu 9:4

A se ’ka ko lɛ léé, ko fɛ ble yé ko fɛ mini loo?

2 Korɛnt Munu 11:27

Maa nyanama pa, yé maa nyané ble; an vo é yuɛma é béli gɔnɔ kiɛre; lɔrɔ valé ’yiminilɔrɔ an gyɛ; an lɔrɔ sɔn gɔnɔ kiɛre; dunu an gyɛ; an vo é porole.

2 Korɛnt Munu 11:9

naa, bwenu lé wo si Masédɔane, fɛnu lé an mawe ke wo gi, wa nɔ an lɛ. Maa ’ka a nyi si lɛ léé, an kɛlɛ kɔné nya mi do kpen nwiin lo, yé maa ’ka dan a nyi si lɛ monomono lo.

Filip munu 4:16

Naa, fɛnu lé an mawe ke wo gi, ka wo pa an lɛ zia é kwakwa Tɛsalɔnik gɔnɔ fié.

1 Tɛsalɔnik munu 1:3

We lé ka a kɛla kalé blipale we ma koo, nyanama lé ka a paan Kazambale sɔle ka lɛ we ma koo, ka bli a Kaazan Jézu Krist lɛ yifaama fɛan zo koo, wo sele a ko gi bléyi faa ma kaa Ti Bale ’lɛ.

1 Tɛsalɔnik munu 2:2

Ka a gi dɔɔ léé, ko nyané ble yé wo kle pa ko ta Filip. ’Bɛ zuo Kazambale ko bli ta dɔ plɛplɛ yé ko Kazambale lé Wenéné fe ka lɛ, yé wo nwa guli nya ko ma kiɛre.

1 Tɛsalɔnik munu 2:6

Ko ’ka ko tɔbɔle nagini lɛ munu va lo, dé é a ka nyaoo, dé é a mi bɛnu nyaoo, ka va lo, dɔlé ’té a se a ko lɛ léé, ko kɛlɛ kɔné nya ka nwiin; ko a Krist lé nwunvɔzannu nya, ’bɛzama.

1 Tɛsalɔnik munu 3:10

Tu valé é kinile ma ko a bazorona Kazambale lɛ ko sɔbɛla nya léé, ’ko ka yara ye, yé ka bli vole Jézu lɛ ’léé lé é vo, yé ko a lɛ sɔɔ.

1 Timoté 1:11

Yee wepaale tegele éé sié gi nana Bale lé Wenéné lé ke bélé fuasan zo yé wa bɛ pa an lee bɛ, a va.

1 Timoté 4:10

Kaa bli a Bale yuɛmale lé é ke mi faa siéwegizan nya, ’té é ke munu lé wo bli vo a lɛ, wo siéwegizan bozen nya bɛ, a lɛ; bɛwemalé ko nyanama paan ’té ko guli daan.

1 Timoté 5:5

Le lé é ke gyɛzarale nya, ’té alé mi ’ka lo, ’té é ke é vole é do, a bli a Kazambale lɛ, yé éé yara paan fɛnu ma laale valé bazorole ta tu valé é kinile ma.

2 Timoté 1:3

Bale lé an tranu a bɔ, yee lé maa a bɔa wo pa gi, ’té anlé wevasibli ’ka we dɔa an nwiin lo. Maa yee Bale bɔ vɔa bladi nyanadi yé an ’ka daan i ma bazorole ma lo;