1 Tɛsalɔnik munu 2:4 - Kazambale lé Sebe Sauunu 1979

⁴ Naa, Kazambale a ye léé, a yara lé é Wenéné fele bɛ pa ko lee, bɛwemalé ko we fé. Ko ’ka kwa kulina léé, kolé we ’é sɔ munu lɛ lo; naa, Kazambale lé é ko bli gi ginian, ko a a va léé, kolé we ’é sɔ yee ɛ lɛ.

1 Tɛsalɔnik munu 2:4 ပူးပေါင်းရင်းမြစ်များ

1 Minwiinzannu 8:39

’bé ’ma i nyanana lanu gi ma, yé ’i wo ma we vo ma; bii lé, i wo faa gibli dɔɔ, ’i we kɛlɛ wo lɛ wo giébɛ yɛrama ma, naa, bii do kpen ɛ blaminu faa gibli dɔɔ,

2 Minwiinzannu 16:16

We faa lé Akaz a fe Balebanzan Uri lɛ, é a kɛlɛ.

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

Lɛrɛvɔ Sɛbɛ 139:23

Oo Bale, ’i an giwe nagini; ’i an bli dɔɔ ma. ’I an giwe dan; ’i an ’wuogibɔrɔlenu dɔɔ ma.

Lɛrɛvɔ Sɛbɛ 17:3

Dé i an bli nagini, dé i da an va é bélioo, Dé i an gi dan, i ’ka dan we do ye lɛ ana lo. An bɔn‐in bɔrɔmawe valé an ’lééwe a do.

Lɛrɛvɔ Sɛbɛ 44:21

Dé é a kɔɔn léé, ko gi san kolé Bale tɔ ma, Yé ko ko bɛ soi bɛn bɛnu lé bale vazia,

Lɛrɛvɔ Sɛbɛ 7:9

Gakelebale éé migɔnɔnu lé we blé; Gakelebaleoo, Bale, ’i we tegele kɛlɛ an lɛ Anlé we drɔle valé anlé we wéiin yɛrama.

Wegɔnévɔlenu 17:3

Fɛselebɔ a gɔɔlifu zé nya, yé bɔɔnwoli ’léé a kyan zé nya, naa, mi lé éé mi blinu gi daan, Gakelebale lé.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Jérémi 32:19

I we plaan mi lɛ i zua, yé i a plɛplɛ we kɛlɛle gi; i yuɛ a é fuole blami kɛlɛwe yele we ma, léé, i wo faa do do banwo wolé tawobɛ yɛrama, wolé we kɛlɛbɛ yɛrama.

Mi Nɔnɔle 27:16

Gakelebale, mi faa lélinu lé Bale, ’é mi do dɔ mununwiinzan nya ma,

WENÉNÉ LÉ LUK A GYE (Évangile selon Luc) 12:42

Yé Mizan léé: Mi leezan yarapawelazan gi kinizan lé azan a plaan élé kɔngimunu nwiin léé, ’é wolé fɛblele nɔ wo lɛ a nɔbléyi nya, de léé?

WENÉNÉ LÉ LUK A GYE (Évangile selon Luc) 16:11

Dé i ’ka i yuɛ pa lɛ dabli kɛlɛ fua va tegele lo, de ɛ dan fuabozen bɛ pa lɛ i lee?

WENÉNÉ LE JAN A GYE (Évangile selon Jean) 21:17

É lé a lɛ a gɔnɔ yaazan nya léé: Jonas be Simɔn, an sɔ i lɛɛ? É a fe aan wo Piɛri lɛ a gɔnɔ yaazan nya léé: An sɔ i lɛɛ? yé Piɛri bli kyɛ dɔ. Yé é lé a lɛ léé: Mizan, i we faa gi dɔɔ. Bii a gi dɔɔ léé, i sɔ an lɛ. Jézu lé a lɛ léé: ’I fɛblele nɔ anlé ’blanu lɛ.

Rom munu 8:27

naa, Bale lé éé kaa blinu naginian, we lé a Léli ke a fena, éé a gi maan; Léli Sauun éé goo Kazambale lé munu lé muun nya Kazambale va, Kazambale lé blibɔmawe yɛrama, azama.

1 Korent munu 7:25

Mizan ’ka an béli dɔ lɛ blɛnnu lé we ma lo; naa, Mizan nyanai zén an ta an kɛlɛle yarapawelazan nya we gi; bɛwemalé an we ’ko plaan ka lɛ.

1 Korent munu 9:17

Dé é kɛlɛ léé, maa a kɛla anbozen lé blibɔmawe yɛrama, ’té maa a ma gooli sié; naa, dé maa ’ka a kɛla anbozen lé blibɔmawe yɛrama lo, ’té nyanama lé Bale a bɛ pa an lee, ’té yee lé.

2 Korɛnt Munu 2:17

Naa, ko ’ka Kazambale dére vɔɔan vié nya lo, bélé fɛan zo lé mi kiɛre a kɛla, a zo lo. Ko a Krist lé munu nya yé ko a fé tegele, Kazambale dére nya, Kazambale yuɛ va.

2 Korɛnt Munu 4:2

Yaragyɛwenu lé wo ’bɛnu kɛla kyeen gi, ko sɔn vɔa ’bɛnu ma. Ko giébɛ ’ka gi kinile yɛrama lo, yé ko ’ka we ke sié Kazambale Dére va lo. Naa, ko webozen fé, amalé ko kobo ma we zin fé munu faa lé wevasibli lɛ, Kazambale yuɛ va.

2 Korɛnt Munu 5:11

Ko kanale Mizan lee gi dɔɔ, bɛwemalé ko a kwa kulina léé, ko munu bɔn gi kini; naa, Kazambale ko dɔɔ é zima, yé an bli a a lɛ léé, ka bli gi mi, ka ko dɔɔ é ziin.

2 Korɛnt Munu 5:16

Bɛwemalé, é sia bléyi ’ko va, ko ’ka mi do kpen dɔɔa mi nya tɛrɛlamunu lé midɔɔbɛ nya lo, yé dé ko Krist dɔɔ tɛrɛlamunu lé midɔɔbɛ nya é kyɛn, lao ko ’ka a dɔɔa é dɛrɛ ’bɛ bɛ gi lo.

Galasi munu 1:10

Yé lao, maa a a va léé, munu ɛ an ye mi zin nya laa, taa, Bale ɛ an ye mi zin nyaa? Taa, maa a kwa kulina léé, anlé we é sɔ munu lɛɛ? Dé maa a tan kwa kulina léé, anlé we é sɔ munu lɛ, ’té maa ’ka kɛla kɔɔn Krist wuozan nya lo.

Galasi munu 2:7

Naa, wa ye léé, Bale Wenéné fele bɛn bɛnu lɛ bɛ pa an lee, bélé fɛan zo lé é Wenéné fele Juifinu lɛ bɛ pa Piɛri lee, a zo.

Éfez munu 3:8

Maa lé an ke Kazambale lé munu faa va mi kiéné nya, Bale zin ’ko kɛlɛ an lɛ léé, Krist lé fuawenu lé wo ’ka wo gi ’male nyaan lo, maa wolé we fe bɛn bɛnu lɛ,

Éfez munu 6:6

Té ka kɛlɛ wo yuɛ va saa na lo, bélé fɛan zo lé ka a kalé we kɛlɛna munu yuɛ va néné, a zo lo, naa, ’ka kɛlɛ bélé Krist wuomunu lé wo ke Kazambale lé blibɔmawe kɛlɛna wo bli faa nya, wo zo.

Kolɔs munu 3:22

’Kaa miwuomunu, kazannu lé wo ke tɛrɛlamunu nya, ’ka wo lɛdɔma we faa gi ma; té é kɛlɛ wo yuɛ va saawo kalé we kɛlɛle néné wo yuɛ gi we ma lo; naa, ’ka a kɛlɛ bli tegele nya, kanale Mizan lee nya.

1 Timoté 6:20

Bé maa? Timoté, we lé wa bɛ pa i lee, ’bé pa i ’wuo gi é zima. ’I paa tɛrɛla boawe fele ma, é valé dabli wedɔɔle lé zavɔlenu ma.

2 Timoté 1:14

Wezin lé maa a bɛ pa i lee, ’bé pa i ’wuo gi é zima Léli Sauun lé é ke kaa gi, a bɔle i va nya.

2 Timoté 2:2

Yé we lé bé ’ma an ta wenayemunu kiɛre yuɛ va bɛ, ’bé bɛ pa yarapawelazannu lee, munu lé woo bɔa a paale lɛ mi bɛnu gi, wo lee.

Tite 1:3

Yé sin, a bléyi bɔ, vole é yuɛma lé we na a é gɔɔnle munu lɛ kpaklaa, wefele lé é a bɛ pa an lee ko Siéwegizan Bale dére ta bɛ, a nya.

Ébrunu 4:13

Kɛlɛfɛnu va fɛ do kpen ’ka é yɔɔle Kazambale lee lo, naa, wo faa a é porole, yé wo faa ta a é bɔrale mi lé é a lé kaa kaalé we zuo fe a lɛ, a yuɛ gi.

1 Piɛri 4:11

Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.