1 Tɛsalɔnik munu 2:16 - Kazambale lé Sebe Sauunu 1979

¹⁶ Ko a a va léé, ko we fe yolémunu lɛ wo sile we gi we ma, naa, Juifinu tun dɔ kolé wefele gi, yé wo yara pa wolé wenyané kɛlɛle ta fɔɔ yé ’bɛ lɛ sɔɔ. Naa, Kazambale bli fli wo ma.

1 Tɛsalɔnik munu 2:16 ပူးပေါင်းရင်းမြစ်များ

Wepélisiananu 15:16

Wo néné zi néné ziɛnzan nya wo dan nyana lɛ ’ko é ziin. Naa, Amoré munu lé wenyané ’ka tan fan lɛ lo.

Ézai 45:22

Ka faa lé ka ke tɛrɛ glɛ sinanu na, ’Ka nɔla an vazia yé ka dan si lɛ we gi. Naa, maa a Bale nya, yé a bɛ ’ka lo.

Daniɛl 8:23

Wozé plale mi nwiin nyaabléyi va, bléyian va lé wolé wenyané fan, minwiinzan blɛn do é dan nwa lɛ, ’té é a é fanle we blɛnblɛn fele valé dabli kɛlɛle nya.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Malasi 4:5

Ka ye, maa dan balelayezan Éli pa lɛ ka lɛ zia Gakelebale lé kana?-?mayi blɛn bɔle ’lɛ.

Matio 12:45

Yé éé goo, yé yo bɛ sɔrafié lé ’bɛnu naané mini yee ta, éé wo paan ’é va yé woo wɔraan kɔn gi, yé woo nyanaan kli, yé gɔnézan ’ko dɔbɛ voéla éé kɛla lɛrɛlɛrɛ yé é mini a vinin zé la. A zo duo lé é dan kɛlɛ lɛ bléyi ’ko vamunu naané ’ko lɛ.

Matio 23:32

’Ka ka tranu kɛlɛwe pɔné lɛ sɔɔ ma.

Matio 24:14

Wo dan Kazambale plale mi nwiin lé wenéné ’ko fe lɛ tɛrɛ faa la, wenayedére nya, bɛnnu faa lɛ. A zuo, a ’wuo pla bléyi é dan bɔ lɛ.

Matio 24:6

Ka dan gulidan we ’ma lɛ, yé ka dan a ’ma lɛ léé, wa guli danna fɛ kiɛrena. ’Ka yuɛ pa kabozen va, té ka ’bɛ gi bɔrɔ pa lo. É a bélé we ’konu é bɔ, naa, ’bɛ ’ka a nyaabléyi nya lo.

Matio 3:12

Alé guli a a lee. É dan élé ’sa sunwo lɛ, yé é a fɛɛ, yé é dan élé ’sawɔlɛ zén lɛ ’sawɔlɛ tadɔna, naa, é dan ’sa pɛɛnu kyɛ ble lɛ, kyɛ lé é ’ka dirian monomono lo, a va.

Maak 16:16

Mian é bli vo a lɛ yé wa batizéwo, é dan si lɛ we gi. Mian é ’ka é bli vo lɛ a lɛ lo, alé we é dan a gyɛ lɛ.

Kelewenu 13:45

Juifinu mi gu ye aan wo, wo maawo Pɔlnu va yé wo we lɛrɛlɛrɛnu fe Pɔl ma yé wa dére nɔla, yé wa sɔnɔ.

Kelewenu 13:50

Naa, yarakinilomu lé wo ke Juifinu lé bazorona koo, fla mi blɛnnu koo, Juifinu wo bli nwa yé wo wo nyunu léé, ’wo nyané pa Pɔl valé Banabas ta. Yé wo wo bin wolé tɛrɛ la.

Kelewenu 14:19

’Bɛ zuo, Juifinu si Antiɔs valé Ikonium yé wo da Lisitre yé wo ’bɛna munu ye ’wozé nya yé wo Pɔl gyɛ gɔlɛ nya. É dɔ wo gi léé, é ga, yé wa gana yé wo goan fla gini ma.

Kelewenu 14:2

Juifi mi kenu lé wo bli ’ka we ’ko lɛ lo, wo bɛn bɛnu bli nwa léé, ’wo wenyané kɛlɛ bwenu lɛ.

Kelewenu 14:5

Bɛn bɛnu valé Juifinu valé wo nwiinmunu, wo bli kɛlɛ do yé wo nwa nyané pale Pɔl valé Banabas ta we ma, é valé wo gyɛle gɔlɛ nya we ma.

Kelewenu 17:13

Tɛsalɔnik Juifinu a ’ma aan wo léé, Pɔl a Kazambale dére fena Béré é ziin, wo da ’bɛna munu bli sɛrɛ lɛ léé, ’bɛnu ’é nwa wo ma.

Kelewenu 19:9

Naa, wo va mi kenu bli vo plɛplɛ, yé wo ’ka dɔ lɛ a ta lo. Yé wo vo Mizan lé zi ma we lɛrɛlɛrɛ fena mi faa yuɛ va, amalé é si wo va yé é zuomunu si wo va. Yé é vo we paana ’bɛnu gi yi faa do do ma Tiranus lé lɛkɔlu la.

Kelewenu 21:21

Wa ’ma léé, Juifinu lé wo ke bɛn bɛnu méléna, bii a we paana wo gi léé, ’wo sɔn vɔ Moizi ma, yé i lé wo lɛ léé, té wo nunu gane dɔ lo, yé té wo ’wo tranu gɔnɔlawenu kɛlɛ lo.

Kelewenu 23:12

Dé tu kini, Juifinu wo gi pa do balekunle nya léé, wo ’ka dan fɛ ble lɛ lo yé wo ’ka dan ’yi mini lɛ lo, fɔɔ ’té wo Pɔl gyɛ é wo.

Kelewenu 24:9

Yé Juifinu dɔ a dére ta yé wo léé, a zo lé é ke.

Kelewenu 25:2

Balebanmunu segelenu valé Juifi mi segelenu Pɔl tɔ fe a lɛ.

Kelewenu 25:7

’Bɛ da aan wo, Juifinu lé wo si Jérusalɛm, wo ’bɛ zi lɛ sɔɔ, yé wo vo we kiɛre plɛplɛnu dɔna ’bɛ nwiin, yé ’bɛ ’ka Pɔl kun lɛ lo.

Kelewenu 4:12

Mi bɛ ’ka mi sié we gi lo; yé tɔ bɛ ’ka munu va la wuo ’ko, yé ko si we gi ’bɛ nya lo.

Kelewenu 9:23

Yi suwulu giéle zuo, Juifinu ’wo gi pa do léé, ’wa gya,

1 Korent munu 10:33

Dé é a anzé nya, maa a kwa kulina we faa gi léé, anlé we ’é sɔ mi faa lɛ. Maa ’ka anbo lé tɔnɔ naginina lo, naa, maa a mi kiɛre lé tɔnɔ ɛ naginina, wo sile we gi we ma.

Galasi munu 5:11

An bwenu, dé maa a tan ganedɔle lé we fena ’té mɛmalé wa nyané pana an ta é ziin? ’Té tɔ nyané si Jézu lé yiliblan ma é woo?

Éfez munu 3:13

Yé é ziin, maa lé ka lɛ léé, té ka fuu é si ka ta klenu lé maa ke a blena kalé we ma, a ma lo; wa kalé tɔ nya.

Éfez munu 3:8

Maa lé an ke Kazambale lé munu faa va mi kiéné nya, Bale zin ’ko kɛlɛ an lɛ léé, Krist lé fuawenu lé wo ’ka wo gi ’male nyaan lo, maa wolé we fe bɛn bɛnu lɛ,

1 Tɛsalɔnik munu 1:10

Yé Bale Be Jézu lé é a nwa gamunu va bɛ, ’té éé ko sié Bale lé bliflile lé é dan da lɛ bɛ, a wuo, ka a a sile la gi lɛbɛnna fɛan zo, wa faa zuo fe ko lɛ.

2 Tɛsalɔnik munu 2:10

dabliwe ple faa koo, é dan wo kɛlɛ lɛ. Webozen lɔrɔ lé éé mi sié we gi, é ’ka munu ma lo, amalé we ’konu é dan bɔ lɛ woo munu lé wo ke zamaga wona, wo ma.

1 Timoté 2:4

naa, é sɔ Bale lɛ léé, mi faa é si we gi, yé wo webozen dɔɔ.

Ébrunu 6:8

Naa, dé éé léliyilinu valé goligyɛné baan, ’té é a sɔnvɔma tɛrɛ lé, é vo sɛ yé wo bale pa a ma, a nya. Alé we é dan nyaa lɛ a kyɛblele nya.

Wegɔɔnle 22:11

Mi lé é ke mi ple nya, ’é vo élé weple gi; mi lé a tiri ke é dɔle, ’é vo é tiridɔle gi; mi tegele ’é vo élé we tegele kɛlɛna; mi lé é ke sauun ’é vo duowo sauun.