1 Tɛsalɔnik munu 2:11 - Kazambale lé Sebe Sauunu 1979

¹¹ Ka a dɔɔ é ziin léé, né ti é élé nénu paan fɛan zo, ko ka pa a zo.

1 Tɛsalɔnik munu 2:11 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:20

David lé é be Salomɔn lɛ léé: ’I dɔ gligli, ’i bli ta dɔ plɛplɛ, ’i we kɛlɛ; té i kana lo, té di é kini i gi lo. Naa, Gakelebale anlé Bale, é dan kɛlɛ lɛ i va; é ’ka dan i vo lɛ lo, é ’ka dan sɔn vɔ lɛ i ma lo, fɔɔ yé nyanamanu lé wo dan wo pa lɛ Gakelebale lé kɔn giwenu kɛlɛle lé we ma, yé wo lɛ é sɔɔ.

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Lɛrɛvɔ Sɛbɛ 34:11

Golizra boronénu ’ka dan fɛblele ye lɛ lo yé lɔrɔ é dan wo gyɛ lɛ, Naa, munu lé woo Gakelebale naginian, fɛ zima do kpen ’ka dan kle lɛ wo ma lo.

Wegɔnévɔlenu 1:10

An be, dé é sɔ wenyanékɛlɛmunu lɛ léé, ’wo i saan, té bé nyi si lo.

Wegɔnévɔlenu 1:15

An be, té i go wo va lo, ’i diéra wo zuo;

Wegɔnévɔlenu 2:1

An be, dé i an dére nyi si, dé i anlé weplale ’ma,

Wegɔnévɔlenu 3:1

An be, té i gi é san anlé wepaale ma lo, yé anlé bélidɔwenu ’é vo i bli gi ma;

Wegɔnévɔlenu 6:1

An be, dé i kɛlɛ i bɔluzan lé we?-?yuru nya, dé i kɛlɛ mi bɛ lé vɛɛn yuru nya,

Wegɔnévɔlenu 7:1

An be, ’i an dére pa i ’wuo gi, yé ’i anlé wepladére vo i va.

Wegɔnévɔlenu 7:24

Yé sin, an benu, ’ka an ban ka tɔné nya, ’ka tɔné dɔ an ’léé dére lɛ.

Mi Nɔnɔle 27:19

Bé dɔ Balebanzan Éléazaa valé munu faa ’lɛ, yé ’i bélidɔwe nɔ a lɛ wo faa yuɛ va.

WENÉNÉ LÉ LUK A GYE (Évangile selon Luc) 16:28

we ’konu zuo fele wo lɛ we gi léé, té wo da nyanéblena ’ko lo.

Kelewenu 20:2

É gié ’bɛlé tɛrɛ la, we kiɛre plale nya zuomunu lɛ.

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

Bélidɔwesɛbɛ Fiézan 3:28

É léé, ’maa we fe Jozué lɛ, ’maa fuu dɔ ’bɛ ta, ’maa ’bɛ dɔ gligli; naa, yee ɛ dan tawo lɛ munu ’konu ’lɛ yé tɛrɛ lé maa a ye bɛ, yee ɛ dan a nɔ lɛ wo lɛ wozé nya. A zo lé Gakelebale a fe an lɛ.

Bélidɔwesɛbɛ Fiézan 31:14

Gakelebale lé Moizi lɛ léé: Bé gini, i gabléyi bɔ é pu. ’I Jozué laa, yé ’ka da a nya zén‐ékevasɔkɔn gi. Maa dan an dére fe lɛ a lɛ. Moizi valé Jozué go zén‐ékevasɔkɔn gi,

1 Tɛsalɔnik munu 2:7

Naa, kolé we kɛlɛ ka méléna drɔɔ, bélé né pa le élé nénu paan fɛan zo drɔɔ, a zo.

1 Tɛsalɔnik munu 4:1

É ziin, bwenu, é a lé kalé tawogane é kɛlɛ fɛan zo yé kalé we é sɔ Kazambale lɛ, ko a fe ka lɛ. Yé ka a tawona ko dére ta. Ko a zanté vɔna ka lɛ, ’té ko we plaan ka lɛ Mizan Jézu tɔ nya léé, ’ka a kɛlɛle gi gyɛ.

1 Tɛsalɔnik munu 4:6

Té mi do é wenyané ’ko zo kɛlɛ é bwe lɛ lo. Mizan ɛ ’bɛ zoɛ wenu lɛgi paan; yee lé ko a fe ka lɛ é kyɛn, yé ko a gɔɔn ka lɛ wéiin.

1 Tɛsalɔnik munu 5:11

Bɛwemalé, ’ka we pla ka ke lɛ, yé ’ka ka ke dɔ gligli, bélé fɛan zo lé ka ke a kɛlɛna, a zo.

1 Tɛsalɔnik munu 5:14

Bwenu, kalé zanté. Munu lé wo ’ka we tegele kɛla lo, ’ka we pla wo lɛ. Munu lé wo fuu si wo ta, ’ka wo tɔrɔ paa. Munu lé wo ’ka plɛplɛ Kazambale lé we gi lo, ’ka bɔ wo va. Ka bli ’é kɛlɛ tiéé munu faa ma.

2 Tɛsalɔnik munu 2:5

Dé maa a ka va é vinin, maa we ’konu fe ka lɛ. A sele saan ka gii?

2 Tɛsalɔnik munu 3:12

Ko we plaan ’bɛ zoɛ munu faa lɛ, ’té ko wo tunuan Mizan Jézu Krist tɔ nya léé, ’wobo kun, ’wo nyanama pa yifaama, yé ’wobo lé fɛ ble.

1 Timoté 5:21

Kazambale koo, Jézu Krist koo, lanjenu lé Bale wo si a va koo, ko a wo faa ’lɛ; maa lé i lɛ léé, ’i tawo dére ’ko ta; té i we do kpen ble é voro va lo; té i we do kpen kɛlɛ lele valé béé ma lo.

1 Timoté 5:7

’I dɔ dére ’konu ta, lomu ’ko kɛlɛle tegele we ma.

1 Timoté 6:13

Kazambale lé éé flinle no fɛ faa lɛ, é valé Jézu Krist lé é blipale tɔbɔwe kɛlɛ Pɔns Pilat yara, ko a wo fiénu ’lɛ ’ko; maa lé i lɛ léé,

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

1 Timoté 6:2

Yé wo lé wozannu ke Krétiɛnnu nya, té wo yuɛ é kini ’wozannu nya, wo kɛlɛle wo bwenu nya we ma lo. Munu lé wo ke wolé nyanama pana bɛ, wa Krétiɛnnu nya; wa wo sɔlɛzannu nya; bɛwemalé é a lé ’wo wolé nyanama pa é zima.

Tite 2:15

Wenu lé é a lé bé fe munu lɛ, wo lé ke bɛ. ’I we pla munu lɛ, ’i wo saanna gɔɔn wo lɛ. A se a i lɛ. Té mi do kpen i ye boami nya lo.

Tite 2:6

A zo duo lé, ’i we pla pɛniɛnu lɛ léé, ’wo ’wobo kun we faa gi,

Tite 2:9

’I we pla luunu lɛ léé, ’wo pla ’wozannu wuo we faa gi; ’wo wo sɔlɛwe kɛlɛ; té wo we za vɔ wo lɔ ma lo;

Ébrunu 13:22

Bwenu, kalé zanté, we lé maa pla ka lɛ ’ko, ’ka ’ma ma; naa, sɛbɛ lé maa a gyɛ ka lɛ, sɛbɛ tégéléné lé.

3 Jan 1:4

Dé maa a ’mana léé, anlé nénu a tawona webozen yɛrama, we lé é an gi nana yé é mini ’bɛ ta, ’bɛ ’ka lo.