1 Tɛsalɔnik munu 2:10 - Kazambale lé Sebe Sauunu 1979

¹⁰ Ka lé ka bli vo Bale lɛ, ko giébɛ a ka vazia sauun, é a tegele, é a wéiin. Ka a we ’ko nayezannu nya, yé Kazambale a ’bɛ nya é ziin.

1 Tɛsalɔnik munu 2:10 ပူးပေါင်းရင်းမြစ်များ

Jérémi 18:20

Woo wezin lɛgi paan wenaané nyaa? Naa, wo guru bo an lee anlé tɛrɛla nyaale we ma. An da i va, an dɔle wolé we gi we ma, yee valé i bli dɔralale wo ma we ma; we ’ko sele ’é dɔ i gi ma.

Mi Nɔnɔle 16:15

Moizi bli fli é baba, yé é lé Gakelebale lɛ léé: Dé wo i ban fɛan nya, té bé si lo. Maa ’ka fɛ do boen si lɛ wo lee lo, dé é a sokofale do nyaoo, maa ’ka a do kpen si lɛ wo lee lo, yé an ’ka wenaané kɛlɛ lɛ wo va mi do lɛ lo, azama.

WENÉNÉ LÉ LUK A GYE (Évangile selon Luc) 23:41

Ko gale yara lé; kolé wenyané ma ban lé; naa, mi ’ko ’ka wenyané do kpen kɛlɛ lɛ lo.

Kelewenu 20:18

’Bɛnu da aan wo a va, é lé ’bɛnu lɛ léé: É sia an dayi vinin ma Azi tɛrɛ la fɔɔ kyɔ, maa a we kɛlɛna fɛan zo ka va, ka a gi dɔɔ.

Kelewenu 20:26

We lé Kazambale a kɛlɛ é kyɛn kazé nya, maa a faa fe ka lɛ, yé an ’ka a do kpen yɔɔ lɛ ka ma lo, bɛwemalé kyɔ maa lé ka lɛ léé, ka va mi do kpen nyɛ lé we ’ka an nwiin lo.

Kelewenu 24:16

Bɛwemalé maa a anbo tununa yifaama léé, té anlé wevasibli é we dɔ an nwiin Kazambale valé munu yuɛ va lo.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

2 Korɛnt Munu 11:11

Ka ’ka sɔ lɛ an lɛ lo, ’bɛ we maa? Kazambale ɛ ’bɛ gi dɔɔ.

2 Korɛnt Munu 11:31

Kazambale lé ke Mizan Jézu Ti nya, ’té wa drɔɔ voo lɛɛfaama a glɛ ’ka lo, é a gi dɔɔ léé, an ’ka viéwona lo.

2 Korɛnt Munu 4:2

Yaragyɛwenu lé wo ’bɛnu kɛla kyeen gi, ko sɔn vɔa ’bɛnu ma. Ko giébɛ ’ka gi kinile yɛrama lo, yé ko ’ka we ke sié Kazambale Dére va lo. Naa, ko webozen fé, amalé ko kobo ma we zin fé munu faa lé wevasibli lɛ, Kazambale yuɛ va.

2 Korɛnt Munu 5:11

Ko kanale Mizan lee gi dɔɔ, bɛwemalé ko a kwa kulina léé, ko munu bɔn gi kini; naa, Kazambale ko dɔɔ é zima, yé an bli a a lɛ léé, ka bli gi mi, ka ko dɔɔ é ziin.

2 Korɛnt Munu 7:2

’Ka nyanana nɔ ko lɛ ka bli gi. Ko ’ka wenyané kɛlɛ lɛ mi do lɛ lo; ko ’ka mi do lé we sɛrɛ lɛ lo; ko ’ka mi table lɛ lo.

1 Tɛsalɔnik munu 1:5

Naa, kolé Wenéné lé ko a fe ka lɛ bɛ, ko ’ka a fe lɛ dére saa nya lo. Ko a fe ka lɛ plɛplɛ koo, Léli Sauun koo, bɔngikiniwe bozen koo, wo nya. Fɛan zo lé ko ke ka méléna, ka ’bɛ gi dɔɔ.

1 Tɛsalɔnik munu 2:5

Ka a gi dɔɔ léé, ko ’ka we fe lɛ ka lɛ blaanépadére nya monomono lo. Ko bli ’ka bɔ lɛ gɔɔli ma monomono lo; Kazambale ɛ ke anayezan nya.

2 Tɛsalɔnik munu 3:7

Fɛan zo lé é a lé ka kɛlɛ ko zuosonazannu nya, ka ’bɛ gi dɔɔ. Naa, ko ’ka we vɔɔle kɛlɛ lɛ ka va lo;

1 Timoté 4:12

Té mi do kpen i ye kiéné i boroné we ma lo, naa, ’i kɛlɛ blipamunu lé wekɛlɛmazan nya dére koo, giébɛ koo, sɔlɛle koo, blipale koo, kɛlɛle sauun koo, wo gi.

2 Timoté 3:10

Naa, anlé wepaale koo, an giébɛ koo, an yuɛgi do koo, anlé blipale koo, an bli tiéé koo, anlé sɔlɛle koo, an yara pale we ta koo, anlé kleblelenu valé anlé nyanéblelenu koo, bii ɛ gi dɔɔ é zima. Nyané kyɛn lé maa ’ka a ble lɛ Antiɔs koo, Ikonium koo, Lisitre koo, wona loo? Kle kyɛn lé an ’ka an ’wuo dɔ lɛ a wuo loo? Naa, Mizan an si wo faa gi.

1 Piɛri 5:3

té kabo pla wo nwiin bélé fɛan zo lé wa ka wuozannu nya, a zo lo, naa, ’ka kɛlɛ trubɛnu lé wekɛlɛmazannu nya ma.