1 Tɛsalɔnik munu 1:9 - Kazambale lé Sebe Sauunu 1979

⁹ ’Bɛna munu a ka tawe fena léé, ko go ka va yé ka ko si é zima yé ka nɔla Kazambale va yé ka sɔn vɔ miyilinu ma, Bale yuɛmale lé é ke Bale bozen nya, a bɔle we gi.

1 Tɛsalɔnik munu 1:9 ပူးပေါင်းရင်းမြစ်များ

Lɛrɛvɔ Sɛbɛ 42:2

Fɛan zo lé vɔlɛ éé flin‐é ’yi lé éé yoroan, a minilɔrɔ nya, Oo Bale, a zo duo lé an boen éé flin‐é i yelɔrɔ nya.

Lɛrɛvɔ Sɛbɛ 84:2

Lai sunyanu lé Gakelebale, I nyanananu a é zima ’lɛ.

Ézai 37:17

Gakelebale, ’i an ban i tɔné nya, yé ’i tɔné dɔ an lɛ. Gakelebale, ’i yuɛ fuo yé bé nagini. Sansérib lé é Rabasaké nwunvɔ Bale yuɛmale sɔnɔle we gi, bé dére faa ’ma ma.

Ézai 37:4

Dérenu lé Rabasaké a fe, ’té azan, Asiri munu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Jérémi 10:10

Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Daniɛl 6:26

Maa munu béli dɔ anlé tɛrɛ faa la léé, munu ’é kana Daniɛl lé Bale lee, yé di blɛn ’é kini wo gi alé we ma. Naa, yee ɛ ke Bale yuɛmale nya, yé éé voo ana lɛɛfaama, a glɛ ’ka lo. Alé plale mi nwiin ’ka sɛra lo, yé é dan vo lɛ mi nwiin fɔɔ yé é bɔ a ’wuo plana.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

Matio 16:16

Simɔn Piɛri a zi pa léé: Bii a Krist lé é ke Bale yuɛmale Be nya, a nya.

Kelewenu 14:15

Éé, munu! Mɛmalé ka ke we ’ko zoɛ kɛlɛnaa? Ko é ziin, ko a blaminu nya bélé ka zo. Ko da wenéné ɛ fe lɛ ka lɛ. Ko da we pla lɛ ka lɛ léé, ’ka si fɛ pla ’konu zuo yé ’ka nɔla Bale yuɛmale va. ’Té la koo, tɛrɛ koo, wɛyi koo, fɛnu faa lé ke wo gi koo, é wo kɛlɛ bɛ, yee lé.

Rom munu 9:26

Yé fɛana lé wa fe munu lɛ léé: Wo ’ka anlé munu nya lo, Ana lé wo dan wo laa lɛ Bale yuɛmale benu.

1 Korent munu 12:2

Ka a gi dɔɔ léé, dé ka a yobanmunu nya, ka nyi si léé, wo go ka nya bobogyɛ miyilinu zuo; dé wo go fɛofɛana wo go ka nya ’bɛna.

Bélidɔwesɛbɛ Fiézan 5:26

Naa, mi kyɛn ɛ Bale yuɛmale dére ’ma wefena kyɛ méléna, fɛan zo lé ’wa ’ma, a zo, yé azan vo é yuɛmaa?

1 Tɛsalɔnik munu 2:1

An bwenu, kabozen a gi dɔɔ léé, ko dale ka va tɔnɔ a.

1 Tɛsalɔnik munu 2:13

Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama.

1 Timoté 4:10

Kaa bli a Bale yuɛmale lé é ke mi faa siéwegizan nya, ’té é ke munu lé wo bli vo a lɛ, wo siéwegizan bozen nya bɛ, a lɛ; bɛwemalé ko nyanama paan ’té ko guli daan.

Ébrunu 12:22

Naa, ka a é biéle Siɔn gɔ sɔnɔ, Bale yuɛmale lé fla lé ke lagi Jérusalɛm nya koo, lanjenu kiɛre lé wo nɔnɔ ’léé ’ka lo, ’té wa fɛti kɛlɛna bɛ, woo koo,

Jozué 3:10

Jozué léma: Bale yuɛmale a ka méléna, yé Kanaannu koo, Étinu koo, Éévinu koo, Férézinu koo, Giigazinu koo, Amorénu koo, Jébusinu koo, é dan wo bin lɛ ka ’lɛ; ka dan ’bɛ gi dɔɔ lɛ ’ko zo:

1 Jan 5:21

Anlé né kiénénu, ’ka yuɛ pa kabozen va miyilinu lé we ma.

Wegɔɔnle 17:2

A va lé tɛrɛ la minwiinmunu ’wobo nɔ pɛnpɛnnégyɛle lɛ, yé alé pɛnpɛnnégyɛle tɛrɛlamunu gyɛ bélé nwɛ zo.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.