1 Tɛsalɔnik munu 1:8 - Kazambale lé Sebe Sauunu 1979

⁸ Mizan dére si ka va yé é nwɛɛn Masédɔane valé Akai tɛrɛ la, ’bɛ saa kaan lo; munu a gi dɔɔ fɛfaana léé, ka bli a Kazambale lɛ, amalé é ’ka lé, ko ’bɛ fe lo.

1 Tɛsalɔnik munu 1:8 ပူးပေါင်းရင်းမြစ်များ

Fwile 18:9

Wezin faa lé Gakelebale a kɛlɛ Izraɛl lɛ, Jétro gi nana a we ma, yé a gi nana léé, Gakelebale Izraɛl si Éjipiti munu lee.

Ézai 2:3

Munu é dan go lɛ ana é bu nya é bu nya, yé wo dan a fe lɛ léé: ’Ka da, kaa go Gakelebale lé gɔ nwiin Jakɔb lé Bale lé kɔn ’léé, Yé é ’élé we paa kaa gi, Yé kaa tawo alé zinu ta. Naa, bélidɔwe é dan si lɛ Siɔn, Yé Gakelebale dére é dan si lɛ Jérusalɛm.

Ézai 52:7

Mi lé éé dan wenéné nya, ’Té éé vole drɔɔ zana dɔɔan, Mi lé éé dan wenéné nya, ’Té éé sile we gi zana dɔɔan, ’Té éé a fé Siɔn munu lɛ léé: Kalé Bale a é plale mi nwiin, Azan gane a é nɔnɔmi gɔnu nwiin.

Ézai 66:19

Maa dan tɔmase do pa lɛ wo ma. Wonu lé wo so we lee, maa dan wo pa lɛ zia bɛnnu va; Taasis koo, Pul valé Lud munu lé woo sa vulian, wo koo, Tubal valé Javan munu koo, wɛyiworona tɛrɛ baanu koo, maa dan wo pa lɛ zia bɛnnu va. Bɛnnu ’ko, wo ’ka an tawe ’ma lɛ monomono lo, yé wo ’ka an tɔbɔle ye lɛ lo; maa dan anlé munu pa lɛ zia wo va, yé wo dan an tɔ ma gyɛ lɛ yee bɛnnu méléna.

Kelewenu 18:12

Bléyian va lé Galiɔn ke Akai lé gbɔrɔnama nya, Juifinu nwa bli do nya Pɔl ma, yé wo go a nya weblekɔn gi yé wo léé:

Rom munu 1:8

É vinin, we faa ’lɛ, maa anlé Bale bɔ vɔa Jézu Krist gi ka faa lé we ma, léé, ka tɔ a é bɔle blipale gi tɛrɛ faa la.

Rom munu 15:26

Naa, é sɔ Masédɔane munu valé Akai munu lɛ léé, ’wo gɔɔli nɔ nyanégyɛzannu lé wo ke Kazambale lé munu nya Jérusalɛm, wo lɛ.

Rom munu 16:19

Dé é a kazé nya, mi faa a gi dɔɔ léé, ka tɔné gi a drɔɔ. Bɛwemalé an gi éé nanaan kalé we ma yé é sɔ an lɛ léé, ’ka bɔ wezin kɛlɛle lɛ kiɛre kiɛre, yé ’ka kɛlɛ mi tidiannu nya wenyané kɛlɛle vazia.

1 Korent munu 14:36

Ka va lé Kazambale dére sii? Taa, ka saa va lé é bɔɔ?

2 Korɛnt Munu 2:14

Kazambale lé éé ko kɛla we faa ’wuovolɛzannu nya Krist gi, yé é ’é dɔɔle gi gyɛ ko nya bélé fɛan zo lé lasikɔrɔ gin néné éé nwɛɛn‐an, a zo, ’wa bɔ vɔ ma.

2 Korɛnt Munu 3:4

Krist lé we ma lé ko bli a Kazambale lɛ, amalé ko we fé ’bɛ zo.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

2 Tɛsalɔnik munu 1:4

É ziin, ko kobo ze vɔa ka tɔ gi Kazambale lé léglizigimunu va wean ma, yee lé é ke ’ko: ka yara a é pale we ta yé ka bli a é pale, dɔlé ’té ka a nyané valé kle blena.

2 Tɛsalɔnik munu 3:1

Yé sin, bwenu, ’ka bazoro ko tɔ ma léé, Mizambale dére ’é nwɛɛn fɛfaana yé ’wa nyi si é zima bélé fɛan zo lé ka a nyi si é zima, a zo ma,

1 Timoté 2:8

Bɛwemalé é sɔ an lɛ léé, munu ’é bazoro fɛfaana, wo bɛ sauun nwale nya, ’té bliflile valé zavɔbli ’ka wo gi lo.

2 Timoté 2:9

An nyané ble alé we ma fɔɔ yé wo an yere bélé wenyanékɛlɛzan zo. Naa, Kazambale dére ’ka é yerele lo.

3 Jan 1:12

Munu faa koo, wezen bozen koo, woo Démétrius ma we zin fé. Ko é ziin, ko a a ma we zin fena, yé bii a gi dɔɔ léé, we lé ko ke a fena a ma, é a webozen nya.

Wegɔɔnle 14:6

Maa lanje do ye é ziin sina la méléna, ’té Wenéné lé é ’ka nyaan lo, é a a lee, a fele tɛrɛlamunu lɛ we gi, bɛntɛrɛ faa koo, bɛn faa koo, dére faa koo, migɔnɔ faa koo, woo lé.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.