1 Tɛsalɔnik munu 1:5 - Kazambale lé Sebe Sauunu 1979

⁵ Naa, kolé Wenéné lé ko a fe ka lɛ bɛ, ko ’ka a fe lɛ dére saa nya lo. Ko a fe ka lɛ plɛplɛ koo, Léli Sauun koo, bɔngikiniwe bozen koo, wo nya. Fɛan zo lé ko ke ka méléna, ka ’bɛ gi dɔɔ.

1 Tɛsalɔnik munu 1:5 ပူးပေါင်းရင်းမြစ်များ

Ézai 55:11

A zo duo lé an dére lé éé sié an ’léé, É ’ka nɔlaan an va é pla lo, ’Té é anlé blibɔmawe Valé an bɔn‐in bɔrɔmawe faa lɛ sɔɔ é wo.

Maak 16:20

Yé wo go Bale lé we fe lɛ fɛfaana. Mizan vo nyanama pana wo va, yé é dére dɔ gligli gyɛzorowenu lé wa kɛlɛna, wo nya.

WENÉNÉ LÉ LUK A GYE (Évangile selon Luc) 1:1

Téofil, mi zin, wenu lé é kɛlɛ ko va, mi kiɛre kwa kuli léé, wa zuo fe sɛbɛ gi.

Kelewenu 11:21

Mizambale bɛ zin a wo ta yé munu kiɛre dɔ wo dére ta, yé ’bɛnu nɔla Mizan va.

Kelewenu 16:14

Le do ana bɛ, wa laama Lidi, é a tɔmunu lé sɔdanzan nya yé é si Tiatii. Le ’ko éé kanaan Kazambale lee, yé é tɔné dɔ ko lɛ. Mizambale a bli lɛ so, we lé Pɔl a fe, a ’male we gi.

Kelewenu 2:33

Kazambale a nwa aan wo é bɛyi nya, yé Léli Sauun lé a Ti a nɔle lé we fe a lɛ é kyɛn, é a ye a va, yé é a zén ko ta, fɛan zo lé ka a ye yé ka a ’ma, a zo.

Rom munu 1:16

Naa, yara ’ka an gya Wenéné ma lo. É a Kazambale lé plɛplɛ do nya blipaalɛmunu faa bélifɛ nya, Juifinu zé lé é vinin, ’bɛ zuo é a Grɛkinu zé nya.

Rom munu 15:13

Blivolɛ Bale ’é ka fan gi nanale nya yé ’é ka vo drɔɔ bɛ faa ma ka pale a ta we ma, fɔɔ yé ka bli é vo a lɛ tegelee, Léli Sauun lé plɛplɛ nya.

Rom munu 2:16

Yee ɛ dan bɔra lɛ yian nya lé Kazambale é dan munu lé kyeengiwenu ble lɛ Jézu nya anlé Wenéné yɛrama, a yi nya.

1 Korent munu 1:24

naa, munu lé Kazambale wo laa, dé é a Juifi mi nyaoo, dé é a Grɛki mi nyaoo, wa yé Kazambale lé plɛplɛ valé alé wedɔɔle nya.

1 Korent munu 10:33

Dé é a anzé nya, maa a kwa kulina we faa gi léé, anlé we ’é sɔ mi faa lɛ. Maa ’ka anbo lé tɔnɔ naginina lo, naa, maa a mi kiɛre lé tɔnɔ ɛ naginina, wo sile we gi we ma.

1 Korent munu 3:16

Ka ’ka a gi dɔɔa léé, ka a Kazambale kɔn nya loo? Yé Kazambale Léli éé nyanaan ka gi loo?

1 Korent munu 3:6

Maa fɛ vɔ, Apolɔs ’yi zén a ta, naa, Kazambale a tin.

1 Korent munu 4:20

Naa, Kazambale plale mi nwiin ’ka mi ’léé dére nya lo; é a plɛplɛ nya.

1 Korent munu 9:14

A zo duo lé é ziin, Mizambale a béli dɔ léé, munu lé woo Wenéné ’ko fé, ’wo fɛ ble a ma.

2 Korɛnt Munu 3:6

Yé é bɔ ko va é ziin yé ko bɔ kɛlɛle lɛ gipawe dɛrɛ gi nyanamapazannu nya léli yɛrama, naa, sɛbɛ yɛrama kaan lo; sɛbɛ éé fɛ gya, yé Léli éé fɛ bélié.

Galasi munu 2:2

Bale a nagɔɔn an lɛ léé, é a lé an go, amalé an go ana. Yé Wenéné lé maa a fe bɛnnu lɛ, maa yee duo gi fe nwunvɔmunu lɛ. Maa a gi fe Piɛrinu saa ɛ yuɛ va, vlan lé maa a buru, é valé vlan lé maa ke a buruna, té ’é vo é pla lo we ma.

Galasi munu 5:5

Naa, ko, Kazambale Léli éé bɔa ko va, yé ko a blivolɛdére lɛsɔɔle lɛbɛnna, yee lé ke léé, ’wo ko ye tegele ko blipale ma.

Éfez munu 2:10

Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.

Éfez munu 3:20

Mi lé éé bɔa we faa lé kaa laan, é valé we faa lé kaa gi bɔrɔan a nya, a kɛlɛle lɛ, ’té éé giéan ’bɛ ta é baba, plɛplɛ lé é ke nyanama pana kaa gi, a nya bɛ,

Filip munu 2:13

Naa, Kazambale a nyanama pana ka gi, é bɔn‐in danwe lɛsɔɔle we ma; éé ka gya a lɔrɔ nya yé éé a lɛsɔɔ plɛplɛ no ka lɛ.

Filip munu 4:9

We lé maa a paa ka gi koo, we lé ka a ye an va koo, we lé ka a ’ma an ’léé koo, we lé ka an ye a kɛlɛna koo, ’ka wo ta tawo ma. Yé mi vo drɔɔ Bale é dan kɛlɛ lɛ ka va.

Kolɔs munu 2:2

É sɔ an lɛ léé, wo é bli ’é dɔrala yé ’wo kɛlɛ mi do nya sɔlɛle gi, yé wo gi ’é kini boenwo Kazambale lé weyɔɔle dɔɔle we gi, ’bɛ gi léé, Krist.

1 Tɛsalɔnik munu 2:13

Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama.

2 Tɛsalɔnik munu 2:14

Ka sile we gi ma lé é ka laa, Wenéné lé ko a fe ka lɛ, a nya, kalé fua blele Kaazan Jézu Krist va we gi.

2 Timoté 2:10

Bɛwemalé an ’wuo dɔa we faa wuo munu lé Bale wo si a va, wolé we ma, léé, sile we gi lé é ke Jézu Krist gi, é valé fua lé é ’ka nyaan lo, wo é ziin, ’wa ye.

2 Timoté 2:8

Jézu Krist lé wa yaa David kululazan nya, yé é nwa gamunu va Wenéné lé maa alé we fé, a yɛrama, a sele ’é dɔ i gi ma.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.

Ébrunu 6:11

É sɔ ko lɛ léé, ka faa ’é vo a kɛlɛna ka sɔbɛla nya fɔɔ yé we lé ka bli ke a lɛ, yé ka a ye.

1 Piɛri 1:12

Yé Bale a gɔɔn wo lɛ léé, wo ’ka we ’konu fena wobozen lé we ma lo, naa, ka ɛ lé we ma lé wo ke wo fena. Yé sin, Bale Léli Sauun pa zia yé alé plɛplɛ nya lé munu we ’konu fe ka lɛ sin. Lanjenu bozen, wo bli a é bɔle a ma léé, ’wo we ’konu gi maan.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

1 Piɛri 5:3

té kabo pla wo nwiin bélé fɛan zo lé wa ka wuozannu nya, a zo lo, naa, ’ka kɛlɛ trubɛnu lé wekɛlɛmazannu nya ma.

2 Piɛri 1:10

Bɛwemalé, an bwenu, ’kabo tunu Bale lé ka laale valé alé ka sile a va kɛlɛle webozen nya we gi. We ’ko kɛlɛle nya lé ka ’ka dan saan lɛ monomono lo.

2 Piɛri 1:19

Amalé é a ko gi léé, balelayezannu dére a sɔbɛlawe nya é mini we bɛnu faa ta, yé é a é zima léé, ka tɔné dɔ a lɛ, naa, é a bélé kyɛbɔ lé ke bina gunuti va, a zo, azama. Amalé ’ka tɔné dɔ a lɛ fɔɔ yé tukinibléyi é bɔ yé bladi monéné é nwa ka bli gi.