1 Tɛsalɔnik munu 1:3 - Kazambale lé Sebe Sauunu 1979

³ We lé ka a kɛla kalé blipale we ma koo, nyanama lé ka a paan Kazambale sɔle ka lɛ we ma koo, ka bli a Kaazan Jézu Krist lɛ yifaama fɛan zo koo, wo sele a ko gi bléyi faa ma kaa Ti Bale ’lɛ.

1 Tɛsalɔnik munu 1:3 ပူးပေါင်းရင်းမြစ်များ

Wepélisiananu 29:20

Amalé Jakɔb nyanama pa lɛɛ sɔrafié Rasɛl we ma; wa a yuɛ gi bélé yi sɛ zo; lezan sɔ a lɛ, azama.

Bale Lé We Gifezan 2:26

Naa, mi lé é sɔ Bale lɛ, a lɛ lé, éé wedɔɔle koo, gikinile koo, ginanale koo, wo no; naa, éé a kɛla léé, wenyanékɛlɛzan é fɛ ye, ’té éé a tééan, a nɔle munu lé wo sɔ Kazambale lɛ wo lɛ we gi. ’Bɛ é ziin, ’bɛ a boawe valé fuzuobinwe nya.

Wegɔné Ma Lɛrɛ 8:7

’Yi blɛnnu ’ka bɔa sɔlɛle kinile lɛ lo, Yuunu ’ka a ta yɔɔan lo; Dé mi élé kɔngifɛnu faa nɔ, sɔlɛle yele we ma, Wo dan nyé yéli lɛ a ma é pla.

WENÉNÉ LE JAN A GYE (Évangile selon Jean) 14:15

Dé an sɔ ka lɛ, ’ka anlé bélidɔwenu kɛlɛ ma.

WENÉNÉ LE JAN A GYE (Évangile selon Jean) 15:10

Dé ka anlé bélidɔwenu kɛla, ka dan vo lɛ anlé sɔlɛle gi, bélé fɛan zo lé maa an Ti lé bélidɔwenu kɛlɛ yé maa vo alé sɔlɛle gi, a zo.

Kelewenu 10:31

Kɔɔnéi, Bale ilé bazorole ’ma yé ilé blɛ kɛlɛle sele dɔ Kazambale gi.

Kelewenu 3:19

Bɛwemalé, ’ka bli nɔla, yé ’ka zi nɔla kalé wenyané ’yibole we ma,

Rom munu 12:12

Ka gi ’é nana bli kɛlɛle fɛ lɛ lé we ma ma. ’Ka kɛlɛ bli tiéézannu nya nyanéblele gi. ’Kabo nɔ bazorole lɛ.

Rom munu 15:13

Blivolɛ Bale ’é ka fan gi nanale nya yé ’é ka vo drɔɔ bɛ faa ma ka pale a ta we ma, fɔɔ yé ka bli é vo a lɛ tegelee, Léli Sauun lé plɛplɛ nya.

Rom munu 15:4

Yé we faa lé wa gyɛ é kyɛn sɛbɛ gi, wa gyɛ we paale kaa gi we ma, léé, kaa bli ’é kɛlɛ we lɛ. Dé kaa bli kɛlɛ tiéé, ’té Kazambale lé sɛbɛ éé kaa tɔrɔ paan, ’bɛna lé kaa bli é dan kɛlɛ lɛ we lɛ.

Rom munu 16:26

naa, sin, a ta bɔra balelayemunu lé sɛbɛ gyɛle nya. Gakelebale a béli dɔ a zo, yé sin wa nagɔɔn bɛnnu faa lɛ, wo bli vole Kazambale lé we lɛ we gi yé wa lɛdɔma.

Rom munu 16:6

An we Mari lé, é nyané kiɛre ble kalé we ma bɛ, a va.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

1 Korent munu 13:13

Sin, fɛ yaa ’ko, woo voo ana: blipale koo, bli kɛlɛle we lɛ koo, sɔlɛle koo, woo lé. Naa, wo faa tagɔné lé ke sɔlɛle nya.

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

2 Korɛnt Munu 2:17

Naa, ko ’ka Kazambale dére vɔɔan vié nya lo, bélé fɛan zo lé mi kiɛre a kɛla, a zo lo. Ko a Krist lé munu nya yé ko a fé tegele, Kazambale dére nya, Kazambale yuɛ va.

Galasi munu 1:4

Naa, Krist ébozen nɔ kaalé wenyanénu ma, kaa sile bléyi nyané ’ko gi we ma. É ébo nɔ kaalé wenyanénu ma kaa Ti Bale lé blibɔmawe nya.

Galasi munu 5:13

Bwenu, wo ka laa ka vole kaboma we ma. Naa, té é kɛlɛ ka dɔna nya yé ka ka dɔbɛ kyɛn lé blibɔmawe kɛlɛ lo; naa, ’ka kɛlɛ ka ke wuozannu nya lɔrɔpale nya.

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

Galasi munu 6:9

Té kaa wɔlɛgi é nyaan kaa ma wezin kɛlɛle nya lo; naa, dé a bléyi bɔ, kaa dan a tɔnɔ ye lɛ, ’té dé kaa fuu ’ka si lɛ kaa ta lo.

1 Tɛsalɔnik munu 3:6

Naa, Timoté si ka va yé é bɔ ko va lao. Yé é léé, ka bli a é pale yé sɔlɛle a ka gi, yé é léé, ko sele zin a ka gi yifaama, yé ka a a va léé, ka ko ye, bélé fɛan zo lé ko a a va léé, ko ka ye, a zo.

2 Tɛsalɔnik munu 1:11

Bɛwemalé ko bazoroan yifaama ka tɔ ma léé, ka‐an Bale ka laa, kolé Bale ’é ka ye munu lé wo laa yara lé, wo nya; yé a bɔn‐in danmawe zimanu faa koo, nyanamanu lé woo sié kalé blipale va koo, ’é wo kɛlɛle lɛ sɔɔ ka lɛ élé plɛplɛ nya.

2 Tɛsalɔnik munu 1:3

Bwenu, kalé blipale gi a gyɛna, yé ka sɔle ka ke lɛ gi a gyɛna, bɛwemalé é a lé ko Kazambale bɔ vɔ kalé we ma bléyi faa ma. ’Bɛ a we tegele nya.

1 Timoté 1:14

Yé Kaazan élé zin kiɛre kɛlɛ an lɛ yé blipale valé sɔlɛle lé é ke Jézu Krist gi, é wo vɔ an bli gi blɛn.

1 Timoté 2:3

’Bɛ ɛ ke é zima, ’bɛ ɛ ke é sɔke kaa Siéwegizan Bale yuɛ gi;

Ébrunu 10:36

We lé ke ka mawe nya, yee lé ke léé, ’ka kɛlɛ yarapawelazannu nya, yé dé ka Kazambale lé blibɔmawe lɛ sɔɔ faa yé fɛ lé Kazambale a fe léé, é dan a nɔ lɛ ka lɛ, yé é a nɔ ka lɛ.

Ébrunu 11:17

Bléyian va lé Kazambale Abraam gi dan, blipale nya lé é é be wɔlɛ do kpen Izak nɔ saraka nya; Abraam lé, Bale blivolɛdére fe a lɛ léé,

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

Ébrunu 4:11

Amalé kaabo tunu flinle ’ko yele we gi, léé, té mi do kpen é Juifinu lé Bale lɛgale a ma zuosona lo. Dé é a kɛlɛ, ’té éé saan.

Ébrunu 6:15

’Bɛ zo lé, dé Abraam a lɛbɛn yarapalale nya faa, yé fɛ lé Kazambale a fe blivolɛdére nya, yé é a ye.

1 Piɛri 3:4

naa, ’lɛrɛfɛ lé é ke é yɔɔle mi gi, ’té é ’ka sɛra lo, ’ka ’lɛrɛ ’bɛ nya. Yee lé ke bli zin valé bli drɔɔ nya. Yee ɛ ke fɛwezan nya Kazambale yuɛ gi.

1 Jan 3:18

Né kiénénu, té kaa mi lɔrɔ pa dérenu valé kaa nɛnɛ saa nya lo, naa, kaa mi lɔrɔ pa webozen valé we kɛlɛle nya ma.

1 Jan 3:21

Ka lé ka sɔ an lɛ, dé kaa bli ’ka kaa gya we nya lo, ’té kaa bli ta a é dɔle plɛplɛ Kazambale yara.

1 Jan 3:3

Yé dé miomian a bli ke Jézu dale lɛ, ’bɛzan é ébozen kɛla sauun, bélé fɛan zo lé Jézu ke sauun, a zo.

1 Jan 5:3

Kazambale va sɔlɛle ɛ ke alé bélidɔwe kɛlɛle nya, yé alé bélidɔwe kɛlɛle ’ka tɔntɔn lo;

Wegɔɔnle 2:19

I kɛlɛwenu koo, ilé sɔlɛle koo, ilé blipale koo, ilé nyanama lé bé pa i yuɛ gi do nya koo, i yara pale we la koo, ilé nyanama voélanu lé é ke di é mini a vininnu ta koo, maa wo dɔɔ.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.