1 Tɛsalɔnik munu 1:10 - Kazambale lé Sebe Sauunu 1979

¹⁰ Yé Bale Be Jézu lé é a nwa gamunu va bɛ, ’té éé ko sié Bale lé bliflile lé é dan da lɛ bɛ, a wuo, ka a a sile la gi lɛbɛnna fɛan zo, wa faa zuo fe ko lɛ.

1 Tɛsalɔnik munu 1:10 ပူးပေါင်းရင်းမြစ်များ

Wepélisiananu 49:18

Oo, Gakelebale, an bli a a lɛ léé, i dan an béli lɛ.

Matio 1:21

Mari é dan négɔné do yaa lɛ, yé bé tɔ pa Jézu; yee ɛ dan élé munu lé wenyanénu si lɛ wo lee.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 16:28

Maa a fe ka lɛ webozen nya léé: Munu lé wo ke ’ko, wo va mi kenu ’ka dan ga lɛ lo fɔɔ yé wo maa blami Be ye dana plale munu nwiin we ma.

Matio 3:7

Juifinu palu do ana, woo wo laama Farizimunu. Wo dɔ bélidɔwe gi plɛplɛ. Juifinu palu do ana é ziin, wo ’bɛnu laama Sadusémunu. Naa, Farizimunu valé Sadusémunu kiɛre da Jan lé mi batizéwona nagini lɛ. É wo ye aan wo, é lé wo lɛ léé: ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

WENÉNÉ LÉ LUK A GYE (Évangile selon Luc) 2:25

Yé bé ye, mi do a Jérusalɛm wa laama Siméɔn. Mi ’ko a mi tegele valé Bale bɔzan nya, yé é a Izraɛl tɔrɔpaazan lɛbɛnna, yé Léli Sauun a a ta.

WENÉNÉ LÉ LUK A GYE (Évangile selon Luc) 3:7

Mi gu lé wo da Jan va léé, ’é wo batizéwo, é lé wo lɛ léé: Ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

Kelewenu 1:11

yé wo léé: ’Kaa Galilé munu, mɛwemalé ka dɔ la gi gininaa? Jézu bozen lé, wa si ka worona yé wo goan la gi, fɛan zo lé ka a ye gona la gi, a zo lé é dan da lɛ é ziin.

Kelewenu 2:24

Gale ’ka bɔ lɛ Jézu lɛ lo, naa, Kazambale a nwa gale va, gabale fuole nya a ma.

Kelewenu 2:32

Jézu ’ko lé Kazambale a nwa. Ko faa a anayezannu nya.

Kelewenu 3:15

Yé ka bélile punsina gyɛ, yee lé Kazambale a nwa gamunu va. Ko a anayezannu nya.

Kelewenu 3:21

é dan vo lɛ la gi fɔɔ yé a bléyi é bɔ yé fɛnu faa é kɛlɛ ’wo dɔbɛ gi, fɛan zo lé Kazambale a fe é kyɛn élé balelayezannu sauun lɔlu nya, a zo.

Kelewenu 4:10

ka faa a gi dɔɔ ma, yé Izraɛl munu faa a gi dɔɔ léé, Nazarɛtzan Jézu Krist lé ka a gyɛ yili la, yé Kazambale a nwa gale va, a tɔ ma lé mi ’ko dɔ ka yuɛ va plɛplɛ.

Rom munu 1:4

naa, dé é a a léli sauun nya, é a Kazambale Be nya; plɛplɛ lé é nwa a nya gamunu va, ’bɛ a nagɔɔn.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

Rom munu 4:25

Kaalé wesɛrɛle ma lé Bale Jézu nɔ ga lɛ, yé é nwa gale va kaa kɛlɛle tegele we ma.

Rom munu 8:34

De ɛ dan wo gyɛ lɛ we nyaa? Jézu Krist ga, ’bɛ ta loru yé é nwa é ziin; é a Kazambale bɛyila, ’té éé goo kaalé muun nya Kazambale va.

1 Korent munu 1:7

Amalé ka ’ka vuruan blɛ do kpen ma lo, ’té bléyian va lé Jézu Krist é dan ébozen nagɔɔn lɛ munu yuɛ va, ka a ’bɛ bléyi lɛbɛnna.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

Filip munu 3:20

Naa, kaazé fla a la gi loru, fɛana lé Mizan Jézu Krist é dan si lɛ, ana. Yé kaa a Jézu dale lɛbɛnna, kaa Siéwegizan nya.

Kolɔs munu 1:18

Léglizi lé ke a kɔlɛ nya, é a ’bɛ ’wuo nya. É a we pélisiana nya, é a gamunu va nwazan vininzan nya, a kɛlɛle mi vininzan nya we faa gi we ma.

1 Tɛsalɔnik munu 1:7

A zo lé ka kɛlɛ Masédɔane valé Akai tɛrɛ la Krétiɛnnu faa lé wekɛlɛmazannu nya.

1 Tɛsalɔnik munu 2:16

Ko a a va léé, ko we fe yolémunu lɛ wo sile we gi we ma, naa, Juifinu tun dɔ kolé wefele gi, yé wo yara pa wolé wenyané kɛlɛle ta fɔɔ yé ’bɛ lɛ sɔɔ. Naa, Kazambale bli fli wo ma.

1 Tɛsalɔnik munu 2:7

Naa, kolé we kɛlɛ ka méléna drɔɔ, bélé né pa le élé nénu paan fɛan zo drɔɔ, a zo.

1 Tɛsalɔnik munu 5:9

Naa, Kazambale ’ka kaa kɛlɛ lɛ léé, é bli é fli kaa ma lo; naa, é kaa kɛlɛ léé, Jézu Krist ’é kaa béli.

2 Timoté 4:1

Kazambale valé Jézu Krist lé é dan mi galenu valé mi yuɛmalenu lé we ble lɛ bɛ, ko a wo ’lɛ; maa lé i lɛ Jézu dale valé a plale mi nwiin tɔ gi léé,

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Ébrunu 10:27

naa, ’té weblele valé kyɛ plɛplɛ lé é dan tɔnégiplɛplɛzannu ble lɛ bɛ, ’té yee lé kaa ke a lɛbɛnna kaa zuru va nyɛ kinile blɛɛn nya.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

1 Piɛri 2:21

We ’ko ma lé wo ka laa, naa, Krist é ziin é nyané ble kalé we gi, yé é wekɛlɛmawe vo ka va, kalé we kɛlɛle a ma we gi.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

2 Piɛri 3:12

’Ka Kazambale lé yi bɔle lɛbɛn yé ’ka we kɛla fɛan zo yé a yi é bɔ é kele, ’ka kɛlɛ. Yi ’ko lé we ma lé la kyɛ é dan bi lɛ yé a ’yi é dan bo lɛ yé fɛnu faa lé Bale a kɛlɛ é wɔlɛnu nya, wo dan sele lɛ.

2 Piɛri 3:14

Bɛwemalé, an blibɔmazannu, bléyian va lé ka ke we ’konu lɛbɛnna, ’ka yara pa kabo ma’lɛrɛle ta léé, a yi ’é bɔ ka ma drɔɔ, ’té ka tiri ’ka lo, ’té ka nwiin a é pla.

Wegɔɔnle 1:18

An ga, yé maa lo, maa a é yuɛma sin lɛɛfaama, a glɛ ’ka lo. Yé ga valé gamunu nyanana lé lakléwɔlɛnu a maa ɛ lee.

Wegɔɔnle 1:7

Bé ye, é dan latinu ta. Mi faa é dan a ye lɛ, a fɔnmunu koo é ziin; tɛrɛ la bɛnnu faa é dan wuvɔ lɛ alé we ma. Iin. Amɛɛn.