Minwiinzannu lé Wezuofe Sɛbɛ 5:20 - Kazambale lé Sebe Sauunu 1979

²⁰ Mi bɛnu da bɔ lɛ wo va, yé wo Agarénu valé wo vamunu faa kele. Naa, gulidanbléyi va wo siaa Kazambale lɛ, yé wo ’wobo bɛ pa a lee, amalé Bale a ’ma.

Minwiinzannu lé Wezuofe Sɛbɛ 5:20 ပူးပေါင်းရင်းမြစ်များ

Wepélisiananu 25:21

Izak na a sɔn le nya, amalé Izak zanté vɔ Gakelebale lɛ alé we ma. Gakelebale a ’ma, yé Izak na Rébéka bɔn si.

Wepélisiananu 49:19

Munu lé gulidanfɛnu ke wo lee, wo dan guli dan lɛ Gad va; Naa, é dan wo kele lɛ, yé é wo zuo bin.

1 Minwiinzannu 22:32

Goronu nwiinzannu Jozafat ye aan wo, wo léé: Weboen lé, Izraɛl nwiinzan lé. Yé wo bié guli danle a va we gi. Jozafat siaa dére plɛplɛ nya.

Minwiinzannu lé Wezuofe Sɛbɛ 5:21

Wo wolé trubɛnu si: nyɔgɔménu baa yɔ do wɔlɛ soru koo, ’bla baa yɔ suiɛdo wɔlɛ soru koo, sokofale baa do koo, woo lé; yé wo mi baa yɔ fié wɔlɛ vu si é ziin.

Minwiinzannu lé Wezuofe Sɛbɛ 5:22

Guli ’ko si Kazambale va, amalé mi kiɛre ga. Yé wo nyana Agarénu pa gi, fɔɔ yé é bɔ wo gobléyi va luu gi.

2 Minwiinmunu lé Wezuofe Sɛbɛ 13:18

’Bɛ bléyi va yara Izraɛlnu gyɛ, yé guliwuo vo Judanu lɛ. Wo pa Gakelebale wo tranu lé Bale ta, azama.

2 Minwiinmunu lé Wezuofe Sɛbɛ 18:31

Goro nwiinzannu Jozafat ye aan wo, wo léé: Izraɛl nwiinzan blɛn lé. Yé wa zi lɛ sɔɔ guli danle a va we gi. Jozafat siaa yé Gakelebale a si we gi. Yé Gakelebale wo si a zuo.

2 Minwiinmunu lé Wezuofe Sɛbɛ 20:12

Kolé Baleoo Bale, i ’ka dan wolé we ble lɛ loo? Naa, ko ’ka plɛplɛ mi gu blɛn lé wo bié ko ma bɛ, wo ’lɛ lo. Yé wean é a lé ko a kɛlɛ, ko ’ka a gi dɔɔa lo. Naa, ko yuɛ a i lɛ.

2 Minwiinmunu lé Wezuofe Sɛbɛ 26:7

Bale bɔ a va Filisitinu koo, Arabunu lé woo nyanaan Guu‐Baal koo, Maɔn munu koo, wo gyɛna.

2 Minwiinmunu lé Wezuofe Sɛbɛ 33:13

É bazoro a lɛ, yé Gakelebale tua, yé é alé bazoro dére ’ma, yé é go a nya é pa gi Jérusalɛm alé tɛrɛ la. Yé Manasé a ye léé, Gakelebale ɛ ke Bale nya.

Ezidras 8:23

Bɛwemalé ko lɔrɔ sɔn yé ko kolé Bale tɔ laa. Yé é ko dére ’ma.

Lɛrɛvɔ Sɛbɛ 37:39

Mi tegelenu sile we gi éé sié Gakelebale va; É a wo takuunzan nya wolé kleblebléyi va.

Lɛrɛvɔ Sɛbɛ 37:40

Gakelebale éé bɔa wo va, yé éé wo soo we lee; Éé wo soo mi nyanénu lee yé éé wo sié we gi, Wo wo yɔɔna nagini a va, azama.

Lɛrɛvɔ Sɛbɛ 46:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. ’Wa vɔ lɛrɛvɔafɛ lé wa laama alamota, a va. Bale tɔbɔlɛrɛ do lé.

Lɛrɛvɔ Sɛbɛ 9:10

Munu lé woo yaan ’bɛnu ta, Gakelebale a ’bɛnu yɔɔna nya, É a wo yɔɔna nya wolé kle ble bléyi va.

Fwile 17:11

Dé Moizi é bɛ nwa, Izraɛl a plɛplɛ é mini Amalɛk munu ta; dé é bɛ zun Amalɛk munu a plɛplɛ é mini Izraɛl munu ta.

Wegɔnévɔlenu 29:25

Kanale munu lee a mikunsan nya, naa, mi lé ébo bɛ pa Gakelebale lee, a ta béli a é dɔle.

Jérémi 39:18

Maa dan i si lɛ we gi, wo ’ka dan i gyɛ lɛ gwɔun nya lo; i dan vo lɛ é yuɛma. I pa an ta, azama. Maa Gakelebale ɛ ke a fena.

Daniɛl 6:23

Yé minwiinzan blɛn gi nana é baba, yé é léé, ’wo Daniɛl bɔra guru gi. Wo Daniɛl bɔra guru gi, yé wo ’ka tuona do kpen ye lɛ a kɔlɛ ma lo; a pale a élé Bale ta, azama.

Naum 1:7

Gakelebale a é zin, É a mivɔzizan nya klebleyi la; Munu lé woo paan a ta, é wo dɔɔ.

Éfez munu 1:12

kaa lé, kaa bli kɛlɛ Krist lɛ é vinin, kaalé we ma lé ’wo Jézu lé fua tɔ bɔ.

Jozué 10:14

Yi ’ko zo ’ka bɔ lɛ é vinin lo, yé ’bɛ zoɛ yi ’ka bɔ lɛ a zuo lo, Gakelebale mi dére ’ma, naa, Gakelebale Izraɛl ta guli dan, azama.

Jozué 10:42

Minwiinzannu ’ko valé ’wolé tɛrɛnu, Jozué wo faa si bléyi do nya, naa, Gakelebale, Izraɛl lé Bale Izraɛl ta guli dan, ’bɛzama.

Jozué 23:10

Ka va mi do mi wuru soru bin, naa, Gakelebale, kalé Bale ka ma guli dan, é a fe ka lɛ fɛan zo, a zo.

1 Samuɛl 19:15

Saul wo nwunvɔ é ziin a sile we gi, yé é léé: ’Ka sia é yialafɛ nya mi, ’ka da a nya an lɛ ’ko yé maa gyɛ.

1 Samuɛl 7:12

Samuɛl gɔlɛ do sia yé é a pla Misipa valé Saan méléna, yé é a tɔ pa Ébɛn‐Ézɛɛ, a fele nya léé: Gakelebale bɔ ko va fɔɔ ’ko.