Minwiinzannu lé Wezuofe Sɛbɛ 3:2 - Kazambale lé Sebe Sauunu 1979

² a yaazan Abusalɔm, Gésuu nwiinzan Talmai lu Maaka ɛ yaa; a ziɛnzan Adonija, Agit ɛ yaa;

Minwiinzannu lé Wezuofe Sɛbɛ 3:2 ပူးပေါင်းရင်းမြစ်များ

2 Samuɛl 13:1

’Bɛ zuo, we lé é bɔ, yee lo. David be Abusalɔm zuané do ana le nya. É a é nɔnɔmi yé wa tɔ laama Tamaa; é sɔ David be Aminɔn lɛ.

2 Samuɛl 13:38

Gésuu lé Abusalɔm vɔ fli gi yé é go ana bɛ, é vo ana lɛɛ yaa.

2 Samuɛl 14:23

Yé Joab nwa, yé é go Gésuu yé é da Abusalɔm nya Jérusalɛm.

2 Samuɛl 14:32

Abusalɔm a zi pa Joab lɛ léé: Bé ye, maa i laa léé, ’i da ’ko, yé maa i pa zia minwiinzan va ilé a fele a lɛ we gi léé, mɛmalé an si Gésuu? A fila vɔ kɔɔn léé, an vo ana mi. Sin, maa a a va léé, maa minwiinzan yara ye; yé dé wenyané a an gi, ’é an gyɛ yé ’an ga.

2 Samuɛl 15:8

Naa, bléyian va lé maa i wuozan a Gésuu, Siri tɛrɛ la, an bale kun; maa léé, dé Gakelebale da an nya é ziin Jérusalɛma, an dan Gakelebale lé nyanama pa lɛ.

2 Samuɛl 18:14

Joab léé: An ’ka dɔa ’ko an tɔné dɔna i lɛ lo. Yé é toané din si yaa yé é Abusalɔm fɔn a nya é zuru ’léé, ’té é a tan é yuɛma térébɛnt yili méléna.

2 Samuɛl 18:18

Bléyian va lé Abusalɔm a tan é yuɛma, é ébo seledɔmigifɛ dɔ minwiinzan lé gɔ worona; naa, é léé: Négɔné lé é dan an tɔ vo lɛ tɛrɛ la, é ’ka lo. Yé ébo tɔ pa mi seledɔmigifɛ ’ko ta, ’té wa laama Abusalɔm seledɔmigifɛ fɔɔ kyɔ.

2 Samuɛl 18:33

Yé dunu zén minwiinzan ta yé é go kɔn lé ke flagɔrɔ ’léé ta loru, a gi, ’té éé wuvɔa, ’té éé a fé léé: An bi Abusalɔm! An beoo an be Abusalɔm! Maa ɛnɔ kɔɔn gaan i pa gi. Abusalɔm, an beoo, an be!

2 Samuɛl 3:3

a fiézan lé ke Nabal na Kaamɛl le Abigail be Kiléab nya; a yaazan lé ke Gésuu nwiinzan Talmai lu Maaka be Abusalɔm nya;

2 Samuɛl 3:4

a ziɛnzan lé ke Agit be Adonija nya; a soruzan lé ke Abital be Séfatia nya;

1 Minwiinzannu 1:5

Agit be Adonija blii boblɛn nya fɔɔ yé é léé: Maa ɛ dan kɛlɛ lɛ minwiinzan nya. Yé é goro valé wisootazannu ye, é valé mi yɔ fié wɔlɛ vu lé woo vlan buruwo a ’lɛ, wo nya.

1 Minwiinzannu 1:6

A ti ’ka we pla lɛ a lɛ alé tɛrɛla faa gi, léé, mɛmalé i ’bɛ kɛlaa? lo. Yé é ziin, Adonija a é nɔnɔmi é baba yé wa yaa Abusalɔm zuo.

1 Minwiinzannu 2:22

Minwiinzan Salomɔn a zi pa é bu lɛ léé: Mɛmalé i Sunɛm le Abisag ma laa Adonija zé nyaa? ’I kɛlɛle minwiinzan nya se ma laa azé nya é ziin. Naa, é a an bwe nya . . . yee koo, Balebanzan Abiataa koo, Séruja be Joab koo, bé ma laa wo faa zé nya.

Minwiinzannu lé Wezuofe Sɛbɛ 2:23

Gésuunu valé Sirinu Jaii tɛrɛ la flanu si wo lee, Kénat valé é zi flanu koo, fla yɔ yaa lé. Wo faa lé ke bɛ, wa Galaad ti Makii benu nya.

Minwiinzannu lé Wezuofe Sɛbɛ 3:1

David benu lé é wo yaa Ébrɔn, wo lé ke ’ko: Alé né vininzan Aminɔn, Jizréɛl le Akinoam ɛ yaa; a fiézan Daniɛl, Kaamɛl le Abigail ɛ yaa;

Minwiinzannu lé Wezuofe Sɛbɛ 3:3

a soruzan Séfatia, Abital ɛ yaa; a suiɛdozan a David na Égla be Jitréam nya.

Jozué 13:13

Naa, Izraɛlnu ’ka Gésuunu valé Maakatinu bin lɛ lo, yé wa é nyanale Izraɛl munu méléna fɔɔ kyɔ yi nya.