Minwiinzannu lé Wezuofe Sɛbɛ 29:9 - Kazambale lé Sebe Sauunu 1979

⁹ Munu gi nana wolé blɛ drɔɔ kɛlɛle we ma, naa, wo bli zin nya lé wo blɛ ’konu kɛlɛ Gakelebale lɛ; yé minwiinzan blɛn David gi nana fɔɔ é vɔ a ma wu nya.

Minwiinzannu lé Wezuofe Sɛbɛ 29:9 ပူးပေါင်းရင်းမြစ်များ

1 Minwiinzannu 8:61

Ka bli faa a Gakelebale kolé Bale lɛ kyɔ fɛan zo, ’é vo a zo ma, kalé tawole alé bélidɔwenu ta valé a sɔnnénu pale we gi.

2 Minwiinzannu 12:5

Balebanmunu a si yé wa nɔ ’wo dɔɔmunu lɛ, yé dé Bale lé kɔn sɛrɛ fɛana, yé ’wo ana ma’lɛrɛ a nya ma.

Minwiinzannu lé Wezuofe Sɛbɛ 29:10

David Gakelebale drɔɔ vo zén‐ékevamunu faa yuɛ va. É léé: Gakelebale, ko ti Izraɛl lé Bale, i drɔɔ ’é vo lɛɛ faa tere ma, té a glɛ é dɔ lo.

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

2 Minwiinmunu lé Wezuofe Sɛbɛ 17:16

’bɛ zuo, Zikri be Amasia lé sunya nyanazannu a baa yɔ soru; Amasia ébo pa é yɛrama Gakelebale zé nya.

2 Minwiinmunu lé Wezuofe Sɛbɛ 24:10

Minwiinzannu faa valé munu faa gi nana we ’ko ma, yé gɔɔli faa lé é a lé wa banwo, wo da a nya yé wa zén kɛsu gi.

2 Minwiinmunu lé Wezuofe Sɛbɛ 31:8

Ézékia valé mi ’lɛzannu da fɛzunnu ’ko naginile we ma, yé wo Gakelebale valé alé munu drɔɔ vo.

Ezidras 1:6

Wo zimunu faa fɛnu nɔ wo lɛ, gɔɔlifu fɛnu koo, kyan koo, fɛ bɛnu koo, winu koo, fɛwezannu koo, ’é valé fɛnu faa lé wa nɔ woboan koo, woo lé.

Lɛrɛvɔ Sɛbɛ 110:3

Dé i ilé gulidanzannu zén ékeva, ilé munu fuu a wo ta, Ilé pɛniɛnnu woo dan i va bélé bladi lolu zo, ’Té gulidanvafɛ ’lɛzannu a wo ta.

Fwile 35:29

Nyanama lé Gakelebale munu bɔɔ pa a ma Moizi lɔlu nya, Izraɛl lé munu faa lé é ke wo bli gi léé, ’wo nyanama ’ko paan, gɔnénu valé lomu, wo da blan nya Gakelebale lɛ wobo lé blibɔmale nya.

WENÉNÉ LÉ LUK A GYE (Évangile selon Luc) 15:6

yé dé é bɔ kɔn ’léé, yé é é béénu valé é punma munu laan yé é lé wo lɛ léé: Anlé ’bla lé é san an lee, maa a ye, amalé ka gi ’é nana an va ma. É ’ka yee ɛ zo loo?

WENÉNÉ LE JAN A GYE (Évangile selon Jean) 15:11

Maa we ’konu fe ka lɛ anlé gi nanale kɛlɛle ka gi we ma, ’é valé ka gi nanale tegelee we ma.

2 Korɛnt Munu 8:12

Dé bli zin a mi gi Bale alé blɛ sié a leefɛ yɛrama. Dé fɛ ’ka mian lee lo, Bale ’ka a fe lɛ léé, ’bɛzan ’é fɛ nɔ lo.

2 Korɛnt Munu 8:3

Maa wo mawe zin fe ka lɛ léé, wo fɛ nɔ wolé fɛyebɛ yɛrama bli drɔɔ nya yé wa taa pa é ziin,

Filip munu 4:1

Bɛwemalé, an sɔlɛbwenu, ka lé ka lɔrɔ ke an gyɛna, ka lé ka an gi nanaan, ka lé ka ke anlé tɔkoro nya, an blibɔmazannu, ’ka dɔ gligli Mizan gi.

Filip munu 4:10

Sin, é voéla ’ko, maa a ye léé, an sele dɔ ka gi, amalé an gi éé nanaan Mizan gi é baba. É vinin an sele a ka gi webozen nya, naa, ka ’ka zi ye lɛ léé, ka blɛ kɛlɛ an lɛ lo.

Weblezannu 5:9

An bli a Izraɛl nwiinmunu lɛ, Munu lé, wobo nɔ gulidanle lɛ munu va, an bli a wo ɛ lɛ. ’Ka Gakelebale drɔɔ vo ma.