Minwiinzannu lé Wezuofe Sɛbɛ 28:9 - Kazambale lé Sebe Sauunu 1979

⁹ Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Minwiinzannu lé Wezuofe Sɛbɛ 28:9 ပူးပေါင်းရင်းမြစ်များ

Wepélisiananu 28:13

Yé Gakelebale dɔ a nwiin loru yé é léé: Maa a Gakelebale nya, i tra Abraam lé Bale nya, Izak lé Bale nya, Tɛrɛ lé i ke é yiale a ta ’ko, maa dan a nɔ lɛ bii valé i kulunu lɛ.

Wepélisiananu 6:5

Gakelebale a ye léé, munu a weple kɛlɛna é baba tɛrɛ la, yé wolé gi bɔrɔle faa a gona wenaané saa va yi faa do do ma.

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

1 Minwiinzannu 3:6

Salomɔn a zi pa léé: An ti i wuozan David tawo i ’lɛ, yarapalale koo, we tegele kɛlɛle koo, é bli drɔle i vazia koo, wo nya, amalé i we zin kɛlɛ a lɛ é baba; i we zin ’ko tadɔ a lɛ yé i négɔné nɔ a lɛ yé ’bɛ nyana alé webleblin ta fɛan zo lé wa ye kyɔ, a zo.

1 Minwiinzannu 8:39

’bé ’ma i nyanana lanu gi ma, yé ’i wo ma we vo ma; bii lé, i wo faa gibli dɔɔ, ’i we kɛlɛ wo lɛ wo giébɛ yɛrama ma, naa, bii do kpen ɛ blaminu faa gibli dɔɔ,

1 Minwiinzannu 8:43

’bé ’ma lanu gi, i nyanana, yé we faa lé bɛn ’ko a laa i lee, ’bé nɔ a lɛ ma, léé, tɛrɛ la bɛnnu faa i tɔ dɔɔ kanale i lee we ma, bélé ilé munu Izraɛl zo, yé wa gi dɔɔ léé, munu éé i tɔ laan, kɔn ’ko lé maa a dɔ, a gi.

1 Minwiinzannu 8:61

Ka bli faa a Gakelebale kolé Bale lɛ kyɔ fɛan zo, ’é vo a zo ma, kalé tawole alé bélidɔwenu ta valé a sɔnnénu pale we gi.

2 Minwiinzannu 20:3

Oo, Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé é ke é zima i yuɛ gi, yee lé ma a kɛlɛ. Yé Ézékia yuɛ’yi so kiɛre.

2 Minwiinzannu 21:22

é Gakelebale, a tranu lé Bale vo, yé é ’ka tawo lɛ Gakelebale lé zi ta lo.

2 Minwiinzannu 22:2

Wean é ke é drɔle Gakelebale yuɛ gi, yee lé é a kɛlɛ, yé é tawo é tra David lé tawobɛ faa gi; é ’ka é yara nɔla lɛ, dé a bɛyilazia léé, dé a bɛbolazia léé, ana lo.

Minwiinzannu lé Wezuofe Sɛbɛ 22:19

Amalé sin, ’ka Gakelebale kalé Bale nagini ka bli faa valé ka boen faa nya; ’ka nwa, ’ka fɛna sauun dɔ Gakelebale lɛ, Gakelebale lé gipawe pagikɛsu koo, balelanyanama pafɛnu koo, yé ka da wo nya kɔn lé ka dan a dɔ lɛ Gakelebale tɔ gi, a gi.

Minwiinzannu lé Wezuofe Sɛbɛ 28:8

Sin, Gakelebale lé zén‐ékevamunu faa yuɛ va, Izraɛl faa yuɛ va, kolé Bale lé é ke é tɔné dɔna ko lɛ, a yuɛ va, maa lé ka lɛ léé, ’ka Gakelebale, kalé Bale lé bélidɔwenu faa lɛdɔma ka bli faa nya, tɛrɛ zin ’ko kɛlɛle kazé nya we gi, yé é vo ka zarafɛ nya ka benu lee, lɛɛfaama a glɛ ’ka lo.

Minwiinzannu lé Wezuofe Sɛbɛ 29:9

Munu gi nana wolé blɛ drɔɔ kɛlɛle we ma, naa, wo bli zin nya lé wo blɛ ’konu kɛlɛ Gakelebale lɛ; yé minwiinzan blɛn David gi nana fɔɔ é vɔ a ma wu nya.

2 Minwiinmunu lé Wezuofe Sɛbɛ 12:5

Roboam valé Juda nwiinzannu Sisak ye dana aan wo, wo gyɛ ’wo zuo Jérusalɛm zia. Yé balelayezan Sémaéja go wo va yé é lé wo lɛ léé: Gakelebale léma: Ka sɔn vɔ an ma; ye maa, an sɔn vɔ ka ma, amalé maa ka pa Sisak lee.

2 Minwiinmunu lé Wezuofe Sɛbɛ 15:2

yé Azaria go Aza va, yé é lé a lɛ léé: Aza, ’i tɔné dɔ an lɛ, bii valé Judanu valé Bɛnjamɛnnu. Bléyian va lé ka a Gakelebale va, ’té é a ka va. Dé ka a nagini, ka dan a ye lɛ; naa, dé ka sɔn vɔ a ma, é dan sɔn vɔ lɛ ka ma.

2 Minwiinmunu lé Wezuofe Sɛbɛ 6:30

’bé ’ma i nyanana lanu gi ma, yé ’i wo ma we vo ma; bii lé, i wo faa gibli dɔɔ, ’i we kɛlɛ wo lɛ wo giébɛ yɛrama ma, naa, bii do kpen ɛ blaminu gibli dɔɔ.

Ezidras 8:22

Ko a fe kɔɔn minwiinzan blɛn lɛ léé, Bale bɛ zin a é pale munu faa lé wa naginian, wo ta, we zin kɛlɛle wo lɛ we ma, naa, alé plɛplɛ valé alé bliflile a munu faa lé wo sɔn vɔ a ma, wo ma. Aléwemalé yara an gyɛ ganelasunyanu valé wisootasunyanu laale ma minwiinzan blɛn lee, léé, ’wo ko tabin ko nyanézannu lee zia.

Lɛrɛvɔ Sɛbɛ 101:2

Maa dan an yara pa lɛ zi tegele ta tawole ta, Dé i dan da lɛ an va mɛ bléyi vaa? An dan tawo lɛ anlé munu va, Bli lé, gun ’ka a ma lo, a nya.

Lɛrɛvɔ Sɛbɛ 139:2

Dé an nyanaoo, dé an nwaoo, i ’bɛ dɔɔ; Dé i a baaoo, i an ’wuogibɔrɔle dɔɔ;

Lɛrɛvɔ Sɛbɛ 17:3

Dé i an bli nagini, dé i da an va é bélioo, Dé i an gi dan, i ’ka dan we do ye lɛ ana lo. An bɔn‐in bɔrɔmawe valé an ’lééwe a do.

Lɛrɛvɔ Sɛbɛ 18:2

Oo Gakelebale, anlé plɛplɛ, i sɔ an lɛ.

Lɛrɛvɔ Sɛbɛ 7:10

’I mi nyanénu lé wenaané kɛlɛle glɛ dɔ Yé ’i mi tegele dɔ gligli, Bale tegele, bii ɛ mi bli valé a giwe gi daan.

Lɛrɛvɔ Sɛbɛ 7:9

Gakelebale éé migɔnɔnu lé we blé; Gakelebaleoo, Bale, ’i we tegele kɛlɛ an lɛ Anlé we drɔle valé anlé we wéiin yɛrama.

Lɛrɛvɔ Sɛbɛ 89:26

Maa dan a bɛ pla lɛ wɛyi ta, Yé a bɛyi é dan pla lɛ yuunu ta.

Lɛrɛvɔ Sɛbɛ 89:38

É dan vo lɛ ana lɛɛfaama, a glɛ ’ka lo, bélé moné zo. Wenayezan lé é ke la gi, é a yarapawelazan nya. Ka ye do.

Lɛrɛvɔ Sɛbɛ 9:10

Munu lé woo yaan ’bɛnu ta, Gakelebale a ’bɛnu yɔɔna nya, É a wo yɔɔna nya wolé kle ble bléyi va.

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Fwile 3:16

’I go, ’i Izraɛl mi segelenu zén ékeva yé bé fe wo lɛ léé: Gakelebale ka tinu lé Bale bɔra an va, Abraam koo, Izak koo, Jakɔb koo, wolé Bale lé. É léma: ’É ka ye, yé we lé wa kɛlɛna ka lɛ Éjipiti, ’é a ye,

Wegɔnévɔlenu 17:3

Fɛselebɔ a gɔɔlifu zé nya, yé bɔɔnwoli ’léé a kyan zé nya, naa, mi lé éé mi blinu gi daan, Gakelebale lé.

Wegɔnévɔlenu 3:6

’i gi bɔrɔ a ma ilé tawobɛ faa gi, yé é dan ilé zinu ta bɔ lɛ ékema.

Wegɔnévɔlenu 4:4

An ti we paa an gi, yé é lé an lɛ léé: An dére ’é vo i bli gi ma; ’i anlé weplale nyi si yé é dan vo lɛ é yuɛma.

Ézai 1:28

Naa, nwamimazannu valé wenyanékɛlɛmunu, wo faa é dan sɛrɛ lɛ tata, yé munu lé wo sɔn vɔ Gakelebale ma, wo dan zamaga wo lɛ.

Ézai 38:3

Oo Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé ké é zima i yuɛ gi, yee lé maa a kɛlɛ. Yé Ézékia yuɛ’yi so kiɛre.

Ézai 45:19

Maa ’ka we fe lɛ kyeen gi Tɛrɛ la gunuti do kpen va lo; Maa ’ka a fe lɛ Jakɔb kulu lɛ léé: ’Ka an nagini é pla, lo. Maa Gakelebale, maa we fé é fena, Maa we drɔle ɛ fé.

Jérémi 11:20

Naa, lai sunyanu lé Gakelebale lé é ke weblezan tegele nya, ’té éé mi bli valé mi giwe dɔɔan. Maa dan ilé we lɛgi pana ye lɛ wo ma, naa, anlé we bɛ paan bii ɛ lee.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Jérémi 20:12

Lai sunyanu lé Gakelebale éé mi tegele gi daan, Éé mi bli giwe valé a bɔn‐in bɔrɔlenu va ginian. Maa dan ilé we lɛgi pana ye lɛ wo ma, Naa, maa anlé we bɛ paan bii ɛ lee.

Jérémi 22:16

É nyanégyɛzannu valé yalɛgyɛzannu lé we ble, Yé a gi nana. Yee lé ke an dɔɔle nya. Yee kaan loo? Maa Gakelebale ɛ ke a fena.

Jérémi 24:7

Yé bli lé é dan an dɔɔ lɛ Gakelebale nya, maa dan a vɔ lɛ wo gi. Wo dan kɛlɛ lɛ anlé munu nya, yé maa dan kɛlɛ lɛ wolé Bale nya, ’té dé wo da an va wo bli faa nya.

Jérémi 29:13

Ka dan an nagini lɛ, yé ka dan an ye lɛ, ’té dé ka an nagini ka bli faa nya.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Jérémi 9:24

Naa, mian é sɔ a lɛ léé, ébo tɔ bɔ, ’É ébo tɔ bɔ léé, wedɔɔle a ’é lee, Gakelebale dɔɔle we ma, É valé a gi dɔɔle we ma lee, maa ɛ ke Gakelebale lé É zin koo, we drɔle koo, we tegele koo, éé wo kɛla tɛrɛ la, a nya. Naa, ’bɛ zoɛ wedɔɔle sɔ an lɛ. Maa Gakelebale ɛ ke a fena.

Ézékiɛl 11:5

Tɔɔn, Gakelebale Léli an kun, yé é lé an lɛ léé: Bé fe léma: Gakelebale léma: Izraɛl munu, ka we fé ’bɛ zoo? Yé we lé é dɔ ka ’wuo gi, maa a dɔɔ.

Ézékiɛl 38:10

Mizan Gakelebale léma: ’Bɛ yi la, ’wuogibɔrɔlenu é dan dɔ lɛ i ’wuo gi, yé i dan i bɔn gi nyané bɔrɔ lɛ.

OZÉ (Osée) 4:1

Izraɛlnu, ’ka tɔné dɔ Gakelebale dére lɛ. Naa, Gakelebale a tɛrɛ ’ko la munu mawe fena. We zin do ’ka ana lo, nyanai zénle ’ka ana lo. Kazambale dɔɔle ’ka ana tɛrɛ ’ko la lo, ’bɛzama.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

WENÉNÉ LE JAN A GYE (Évangile selon Jean) 1:47

Jézu Natanaɛl ye aan wo dana é va, é a mawe fe léé: Izraɛl mi do lé, dabli we do kpen ’ka a gi lo, yee lé é ke ’ko webozen nya.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

WENÉNÉ LE JAN A GYE (Évangile selon Jean) 21:17

É lé a lɛ a gɔnɔ yaazan nya léé: Jonas be Simɔn, an sɔ i lɛɛ? É a fe aan wo Piɛri lɛ a gɔnɔ yaazan nya léé: An sɔ i lɛɛ? yé Piɛri bli kyɛ dɔ. Yé é lé a lɛ léé: Mizan, i we faa gi dɔɔ. Bii a gi dɔɔ léé, i sɔ an lɛ. Jézu lé a lɛ léé: ’I fɛblele nɔ anlé ’blanu lɛ.

WENÉNÉ LE JAN A GYE (Évangile selon Jean) 4:24

Kazambale a léli nya, yé munu lé woo Kazambale bɔa, é a lé wa bɔ léli valé webozen nya ma.

WENÉNÉ LE JAN A GYE (Évangile selon Jean) 8:55

Ka ’ka a dɔɔa lo; dé é a maa nya, maa a dɔɔ. Yé dé maa a fe léé, maa ’ka a dɔɔa lo, ’té maa kɛlɛ viéwozan nya bélé ka zo. Naa, maa a dɔɔ, yé an tawoo a dére ta.

Kelewenu 1:24

Yé wo bazoro léé: Mizambale, mi faa gi bli dɔɔzan, mi fié lé ko wo si ’ko, dé yeean sɔ i lɛ, bé gɔɔn ko lɛ,

Kelewenu 17:23

Maa a giéna aan wo kalé fla, yé fɛnu lé ka wo bɔa, dé maa wo nagini maa balebanna do ye, yé ka a gyɛ a ta léé: Bale lé, munu ’ka a dɔɔa lo, a banna lé. Fɛ lé ka a bɔa, ’té ka ’ka a dɔɔa lo, yee lé maa ke alé we fena ka lɛ.

Kelewenu 17:30

Bléyian va lé munu ke wo tanyila, Kazambale ’ka wolé wenyané pa lɛ é ’wuo gi we nya lo. É yi do dɔ, ’bɛ yi nya wo dan tɛrɛlamunu faa lé we ble lɛ tegele. Mi lé é a dɔ weblezan nya, é ’bɛzan nwa gamunu va, yee ɛ ke munu faa lé tɔmase zin nya léé, Kazambale a dɔ weblezan nya. Amalé, lao, é munu faa béli dɔ fɛfaana léé, ’wo ’wo bli nɔla ma.

1 Korent munu 15:34

Té ka vo ka tanyila lo. ’Ka kɛlɛ tegele; té ka wenyané kɛlɛ lo. Mi kenu ’ka Kazambale dɔɔa lo. Maa fe ka lɛ, yaragyɛwe lé.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

2 Korɛnt Munu 8:12

Dé bli zin a mi gi Bale alé blɛ sié a leefɛ yɛrama. Dé fɛ ’ka mian lee lo, Bale ’ka a fe lɛ léé, ’bɛzan ’é fɛ nɔ lo.

2 Korɛnt Munu 9:7

Naa, mi ’é fɛ nɔ fɛan zo lé é dɔ a bli gi, a zo ma. Té é fɛ nɔ é bli zuo valé é bli kyɛ nya lo ma. Naa, mian éé fɛ no gi nanale nya, ’bɛzan ɛ sɔa Kazambale lɛ.

Bélidɔwesɛbɛ Fiézan 10:12

Amalé, sin, Izraɛl munu, Gakelebale a a va léé, ka mɛ kɛlɛɛ? É ’ka a va léé, ’ka kana é lee, yé ’ka tawo élé zinu ta, yé ’ka ’é lɔrɔ pa yé ’ka ’é bɔ ka bli faa valé kaboen faa nya loo?

Bélidɔwesɛbɛ Fiézan 31:21

naa, dé wenaané valé kleblele kiɛre bɔ wo ma, lɛrɛ ’ko lé a sele ’ka dan saan lɛ wo gi monomono lo, ’té é a wo kulunu ’léé bɛ, é dan kɛlɛ lɛ anlé wenayezan nya munu ’konu ma. Wo bli a fɛan zo, maa dɔɔ, ana a é gɔɔnle kyɔ tɛkɛ, ’té maa ’ka boenwo tan wo wɔra lɛ tɛrɛ lé maa anbo ’nyɔɔn léé, maa dan a nɔ lɛ wo lɛ bɛ, a ta lo.

Bélidɔwesɛbɛ Fiézan 4:35

Ka a we ’konu faa nayezannu nya, kalé a gi dɔɔle we gi léé, Gakelebale a Bale nya, yé bale bɛ ’ka lo.

Ébrunu 12:28

Naa fuatɛrɛ lé ke kaazé nya, ’bɛ ma ’ka dan nyɔɔn lɛ lo, amalé kaa Bale bɔ vɔ yé kaa bɔ a bɔbɛ lé é sɔ a lɛ, a nya, a lɛdɔmale valé kanale a lee nya.

Ébrunu 4:13

Kɛlɛfɛnu va fɛ do kpen ’ka é yɔɔle Kazambale lee lo, naa, wo faa a é porole, yé wo faa ta a é bɔrale mi lé é a lé kaa kaalé we zuo fe a lɛ, a yuɛ gi.

1 Piɛri 5:2

Kazambale lé trubɛnu lé é wo bɛ pa ka lee, ’ka wo pa é zima ma; té ka a kɛlɛ gla nya lo, ’ka kɛlɛ bli drɔɔ nya; té ka kɛlɛ fɛ yele wo nwiin we ma lo, naa, ’ka kɛlɛ wo sɔle ka lɛ we ma;

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.

1 Samuɛl 12:20

Samuɛl lé munu lɛ léé: Té ka kana lo. Weboen lé, ka wenyané kɛlɛ; naa, té ka diéra Gakelebale zuo lo, ’ka a bɔ ka bli faa nya;

1 Samuɛl 16:7

Gakelebale lé Samuɛl lɛ léé: Dé é a gɔné dɔbɛ gioo, dé é a grɔgrɔoo, té i bɔn‐in bɔrɔ ’bɛ ma lo, naa, an sɔn vɔ a ma. We lé é dɔ mi gi, é ’ka Gakelebale gi ’bɛ zo lo; fɛ lé mi a yé é yuɛ nya, yee lé é a naginian, naa, Gakelebale éé mi bli ɛ naginian.