Minwiinzannu lé Wezuofe Sɛbɛ 28:8 - Kazambale lé Sebe Sauunu 1979

⁸ Sin, Gakelebale lé zén‐ékevamunu faa yuɛ va, Izraɛl faa yuɛ va, kolé Bale lé é ke é tɔné dɔna ko lɛ, a yuɛ va, maa lé ka lɛ léé, ’ka Gakelebale, kalé Bale lé bélidɔwenu faa lɛdɔma ka bli faa nya, tɛrɛ zin ’ko kɛlɛle kazé nya we gi, yé é vo ka zarafɛ nya ka benu lee, lɛɛfaama a glɛ ’ka lo.

Minwiinzannu lé Wezuofe Sɛbɛ 28:8 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:7

É léé, ’é dan Salomɔn plale mi nwiin dɔ lɛ gligli, ’té dé é ’élé bélidɔwe lɛdɔ ma yé é a sɔnnénu pa bélé éé a kɛla fɛan zo kyɔ, a zo. A zo lé Gakelebale a fe an lɛ.

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Ezidras 9:12

Amalé, té ka lunu nɔ wo benu lɛ lo, yé té ka wo lunu si ka benu nanu nya lo, yé té ka wolé fuablele valé we zin yele gi bɔrɔ pa monomono lo. ’Bɛ zo lé ka dan kɛlɛ lɛ plɛplɛ; ka dan tɛrɛ ’ko la nyɔnɔfɛnu ble lɛ, yé ka zara é dan vo lɛ ka benu zé nya lɛɛfaama.

Lɛrɛvɔ Sɛbɛ 119:27

Zi lé é sɔ i lɛ, ’bé gɔɔn an lɛ, Yé maa dan bɔn‐in bɔrɔ lɛ i panyanama blɛnnu ma.

Lɛrɛvɔ Sɛbɛ 119:4

I we pla munu lɛ, Wolé i déretawenu kɛlɛle tegele we ma.

Lɛrɛvɔ Sɛbɛ 119:44

Maa dan tawo lɛ ilé bélidɔwe ta bléyi faa ma, Lɛɛfaama, ’bɛ glɛ ’ka lo.

Fwile 23:13

We faa lé maa a fe ka lɛ, ka dan a kɛlɛ lɛ, yé té ka bale bɛnu tɔ fe lo; té wa ’ma boenwo ka ’léé monomono lo.

Wegɔnévɔlenu 13:22

Mi zin zarablezannu a é nénénu nya, naa, woo wenyanékɛlɛzannu lé fuafɛnu tadɔa mi tegelenu zé nya.

Wegɔnévɔlenu 3:1

An be, té i gi é san anlé wepaale ma lo, yé anlé bélidɔwenu ’é vo i bli gi ma;

Ézai 34:16

’Ka Gakelebale lé sɛbɛ gi gini, ’ka a ta fe. Wi ’konu faa é dan kɛlɛ lɛ ana, a do kpen ’ka dan vuru lɛ ana ma lo; naa, Gakelebale ɛ fe; yee ɛ dan wo zén lɛ ékema.

Kelewenu 10:33

Tɔɔn, yé maa munu nwunvɔ i lɛ yé i da; ’bɛ a é zima. Sin, ko faa a Bale ’lɛ; we faa lé Kazambale a fe i lɛ, ’bé fe ko lɛ, ko ’ma.

Kelewenu 17:11

Juifinu ’ko, ’bɛnu bli a é zima é mini Tɛsalɔnik munu zé ta. ’Bɛnu dére ’ko nyi si é kele yé ’bɛnu vo Bale lé sɛbɛ gi ginina yi do do ma, we lé wa fena ’wo lɛ, dé weboen léé? yé wa ye.

Bélidɔwesɛbɛ Fiézan 27:1

Moizi valé Izraɛl lé mi segelenu dére ’ko fe munu lɛ léé, bélidɔwenu faa lé ko wo fe ka lɛ kyɔ, ’ka wo ta tawo.

Bélidɔwesɛbɛ Fiézan 29:10

Ka faa da Gakelebale, kalé Bale ’lɛ kyɔ; ka faa, ka bɛn nwiinmunu koo, kalé mi segelenu koo, kalé kominu koo, Izraɛl munu faa koo,

Bélidɔwesɛbɛ Fiézan 29:15

Munu lé wo ke ko va kyɔ Gakelebale, kalé Bale ’lɛ ’ko, wo koo, munu lé wo ’ka kyɔ ko va ’ko lo, wo koo, é a wo faa zé nya.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 4:26

ka dan zamaga wo lɛ tɛrɛ lé ka go a si lɛ kazé nya Juudɛn yuu zi bɛ, a ta, ’té ka sele ’ka dɔa mi gi é dɛrɛ lo; kalé tɛrɛla é dan bɔi lɛ a ta, yé ka kulu é dan ga lɛ tata; maa la valé tɛrɛ kɛlɛ anlé wenayezannu nya kyɔ yé wo ka ma we fe.

Bélidɔwesɛbɛ Fiézan 4:6

’Ka wo lɛdɔma yé ’ka wo ta tawo. ’Bɛ é dan kɛlɛ lɛ kalé wedɔɔle valé kalé gikinile nya munu yuɛ va. Wo dan bélidɔwe ’konu faa ma gun ’ma lɛ yé wo dan a fe lɛ léé: Bɛn blɛn do kpen ’ko, wo ɛ ke wedɔɔzannu valé gikinizannu nya.

Bélidɔwesɛbɛ Fiézan 5:32

We lé Gakelebale, kalé Bale a fe ka lɛ, ’ka a kɛlɛ é zima; dé ka bɛyila léé, dé ka bɛbola léé, té ka nɔla ana lo.

Bélidɔwesɛbɛ Fiézan 5:33

Tawobɛ lé Gakelebale, kalé Bale a gɔɔn ka lɛ, ’ka tawo a yɛrama ’kyɛ, ka vole é yuɛma valé ka gi nanale we gi, yé ka mɔn tɛrɛ lé é dan kɛlɛ lɛ kazé nya, a ta.

Jozué 24:20

Bléyian va lé ka dan Gakelebale vo lɛ yé ka Bale bɛnu bɔ, é dan we tɔntɔn bɔ lɛ ka ma yé é dan ka sɛrɛ lɛ we zin kɛlɛle ka lɛ zuo.