Minwiinzannu lé Wezuofe Sɛbɛ 28:5 - Kazambale lé Sebe Sauunu 1979

⁵ Yé é négɔnénu nɔ an lɛ kiɛre, yé é an be Salomɔn si wo va, léé, ’é pla Izraɛlmunu nwiin, yé ’é nyana Izraɛl munu lé webleblin ta.

Minwiinzannu lé Wezuofe Sɛbɛ 28:5 ပူးပေါင်းရင်းမြစ်များ

1 Minwiinzannu 1:13

’I go, ’i wɔra minwiinzan David va, yé bé fe a lɛ léé: Oo anzan minwiinzan, i ’ka bale ’nyɔɔn lɛ i wuo le lɛ léé, i be Salomɔn ɛ dan pla lɛ munu nwiin é pa gi yé é dan nyana lɛ ’élé webleblin ta, loo? Mɛmalé Adonija a é plale munu nwiin?

1 Minwiinzannu 1:20

Anzan minwiinzan, Izraɛl faa yuɛ a i lɛ, dé mi kyɛn ɛ dan nyana lɛ anzan minwiinzan lé webleblin ta a pa gii? yé wa dɔɔ.

1 Minwiinzannu 1:30

We lé maa a fe i lɛ Gakelebale Izraɛl lé Bale ’nyɔɔnle nya léé, i be Salomɔn é dan pla lɛ munu nwiin an pa gi yé é dan nyana lɛ an pa gi anlé webleblin ta, maa dan a kɛlɛ lɛ kyɔ.

1 Minwiinzannu 1:35

Ka dan da lɛ é ziin a zuo; é dan nyana lɛ anlé webleblin ta yé é dan pla lɛ munu nwiin an pa gi. An dére ta lé é dan kɛlɛ lɛ Izraɛl valé Juda nwiinzan nya.

1 Minwiinzannu 2:15

’Bɛ lé a lɛ léé: Bé fe. Yé é léé: Bé gi dɔɔ léé, kɛlɛle minwiinzan se a anzé nya yé Izraɛl munu faa yuɛ a an lɛ léé, ’an pla wo nwiin. Naa, kɛlɛle minwiinzan nya se nɔla yé é kɛlɛ an zuané zé nya, Gakelebale a nɔ a lɛ, azama.

1 Minwiinzannu 8:20

Gakelebale dérean fe, é a lɛ sɔɔ. Maa nwa an ti David pa gi, yé an nyana Izraɛl minwiinzan blɛn lé blin ta, Gakelebale a fe fɛan zo, a zo, yé an kɔn ’ko dɔ Gakelebale Izraɛl lé Bale tɔ nya.

Minwiinzannu lé Wezuofe Sɛbɛ 17:14

Maa dan a nyana lɛ kli anlé kɔn gi, yé maa dan a dɔ lɛ munu lé maa ke é plale wo nwiin, wo vazan do nya, yé alé plale munu nwiin glɛ ’ka dan dɔ lɛ lo.

Minwiinzannu lé Wezuofe Sɛbɛ 23:1

David lé yinu kɛlɛ kiɛre yé é kwa gyɛ, yé é be Salomɔn dɔ Izraɛl munu nwiinzan blɛn nya.

Minwiinzannu lé Wezuofe Sɛbɛ 29:1

Minwiinzan blɛn David lé munu faa lé wo ke é zénle ékeva, wo lɛ léé: An be Salomɔn lé Kazambale a si a va é do kpen, é a mi boroné nya, yé a lɛɛ ’ka kiɛre lo, yé nyanama ’ko a blén, naa, fuakɔn ’ko ’ka mi zé nya lo, é a Gakelebale ɛ zé nya.

Minwiinzannu lé Wezuofe Sɛbɛ 29:23

Salomɔn nyana minwiinzan blɛn nya Gakelebale lé webleblin ta, ’é ti David pa gi. Alé we faa vɔ a ma, yé Izraɛlnu faa a lɛdɔama.

Minwiinzannu lé Wezuofe Sɛbɛ 29:28

É kwa gyɛ ginanale nya yé é ga; a yi a kiɛre yé alé fuafɛnu valé a tɔ bɔle fan. Yé a be Salomɔn pla munu nwiin a pa gi.

2 Minwiinmunu lé Wezuofe Sɛbɛ 9:8

Gakelebale ilé Bale lé é zin kɛlɛ i lɛ léé, i nyana élé webleblin ta, léé, i pla munu nwiin Gakelebale, ilé Bale tɔ gi, ’wa drɔɔ vo ma. Izraɛl sɔ ilé Bale lɛ, yé é sɔ a lɛ léé, Izraɛl ’é vo ana lɛɛfaama, amalé é i dɔ wo nwiinzan blɛn nya we drɔle valé we tegele kɛlɛle we gi.

Bélidɔwesɛbɛ Fiézan 17:15

mi lé Gakelebale, kalé Bale é dan a si lɛ a va ka bwenu méléna, ’ka ’bɛzan dɔ ka nwiinzan nya; bɛn bɛ mi lé é ’ka ka bwe nya lo, té ka ’bɛzan si lo.