Minwiinzannu lé Wezuofe Sɛbɛ 27:1 - Kazambale lé Sebe Sauunu 1979

¹ Guniwuonu koo, mi wuru soru soru valé mi yɔ soru soru nwiinzannu koo, kominu koo, wa minwiinzan blɛn bɛgizannu nya sunya palunu lé we kɛlɛle we gi; wo gole moné ma valé wo dale moné ma lé we a wo ɛ lee, moné faa gi. Sunya palu do a mi baa vu ta fié.

Minwiinzannu lé Wezuofe Sɛbɛ 27:1 ပူးပေါင်းရင်းမြစ်များ

2 Samuɛl 23:8

Gulidan nyanazannu lé wo ke David wuo, wo tɔ lo. Takémɔn mi Josɛb‐Basébéta a sunyanu nwiinzanu va mi segele do nya. É mi wuru ziɛn gyɛ élé din nya guli lɛ do kpen danle nya.

1 Minwiinzannu 4:27

Salomɔn koo, munu faa lé woo fɛ blé alé tablé ta koo, fɛblele sizannu éé dan wolé fɛ nya ’wolé moné yɛrama do do; wo ’ka vuru lɛ fɛ do kpen ma lo.

1 Minwiinzannu 4:7

Salomɔn lé fɛblele sizannu a vu ta fié Izraɛl faa nwiin. Wo minwiinzan valé élé kɔngimunu lé fɛblele sié moné ma moné ma.

1 Minwiinzannu 5:14

É wo nwunvɔ Liban tɛrɛ la moné do mi baa soru, ’té éé wo tavɔɔan; woo moné do kɛla Liban, a zuo woo moné fié kɛla ’wo va. Adoniram a fɔrɔlɔnu nwiin.

Minwiinzannu lé Wezuofe Sɛbɛ 11:10

Nyanazannu lé wo ke David va, wo ’lɛzannu lé ke ’ko: wo valé Izraɛlnu faa bɔ David va a plale wo nwiin kɛlɛle sɔbɛlawe nya we ma, yé wa dɔ ’wo nwiinzan blɛn nya, dére lé Gakelebale a fe Izraɛl ma we nya, a yɛrama.

Minwiinzannu lé Wezuofe Sɛbɛ 13:1

Mi wuru nwiinzannu valé mi yɔ soru nwiinzannu koo, mi blɛnnu faa koo, wo ’wo ke va we ble Davidnu nya.

Minwiinzannu lé Wezuofe Sɛbɛ 26:32

Jérija bwenu, takinizannu, wa mi baa do mi wuru yaa yɔ soru, wo faa a guniwuonu nya. Minwiinzan blɛn David wo dɔ Rubɛnnu koo, Gadnu koo, Manasé lɛgɔnɔ do koo, wo nwiin, Gakelebale lé wenu faa valé minwiinzan blɛn lé wenu kɛlɛle we gi.

Minwiinzannu lé Wezuofe Sɛbɛ 27:2

Moné vininzan lé sunya palu nwiinzan a Zabidiɛl be Jasobéam nya; alé palu a mi baa vu ta fié.

Minwiinzannu lé Wezuofe Sɛbɛ 28:1

David Izraɛl munu nwiinzannu faa laa, léé, ’wo da Jérusalɛm. Bɛn do do nwiinzannu koo, minwiinzan blɛn lé nyanamapamunu palunu nwiinzannu koo, mi wuru soru soru valé mi yɔ soru soru nwiinzannu koo, munu lé minwiinzan blɛn lé fuafɛnu valé alé trubɛnu ke wo lee, ’té wa a benu va, wo koo, miblalenu koo, tɔzannu valé nyanazannu faa koo, David wo laa.

Minwiinzannu lé Wezuofe Sɛbɛ 29:6

Guniwuonu koo, Izraɛl bɛnnu nwiinzannu koo, mi wuru soru soru valé mi yɔ soru soru nwiinzannu koo, minwiinzan blɛn leezannu koo, wo blɛ drɔɔ kɛlɛ.

2 Minwiinmunu lé Wezuofe Sɛbɛ 1:2

Salomɔn we fe Izraɛl munu faa lɛ; mi wuru soru soru nwiinzannu valé mi yɔ soru soru nwiinzannu koo, weblezannu koo, Izraɛl mi blɛnnu faa koo, guniwuonu faa koo, Salomɔn we fe wo lɛ.

Fwile 18:25

Yé munu lé a yara a wo yara léé, wo wo dɔ minwiinzanu nya, Moizi wo si Izraɛl faa va, yé é wo dɔ mi wuru soru soru nwiinzannu koo, mi yɔ soru soru nwiinzannu koo, mi yɔ fié wɔlɛ vu vu nwiinzannu koo, mi vu vu nwiinzannu koo, wo nya.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Bélidɔwesɛbɛ Fiézan 1:15

Yé maa mi blɛnnu si ka bɛn lɛgɔnɔ faa gi, ’té wa wedɔɔmunu nya, ’té munu wo dɔɔ, yé maa wo dɔ ka nwiin; maa wo kɛlɛ mi wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya, yé maa a se kɛlɛ wo lɛ ka bɛn lɛgɔnɔnu gi.

Jozué 23:1

Ana mɔn Gakelebale flinle nɔ Izraɛl lɛ, a nyanézannu lé wa zi lɛ sɔɔ, a sile nya wo lee. Jozué a kwa, yé a lɛɛ kɛlɛ kiɛre.

1 Samuɛl 8:12

é dan mi wuru soru palu valé mi yɔ fié wɔlɛ vu palu nwiinzannu kɛlɛ lɛ, yé é dan wo kɛlɛ lɛ élé féipazannu koo, élé ’sagyɛzannu koo, élé gulidanfɛnu kɛlɛzannu koo, élé goro gi fɛnu kɛlɛzannu koo, wo nya.