Minwiinzannu lé Wezuofe Sɛbɛ 26:26 - Kazambale lé Sebe Sauunu 1979

^26-27 yee Sélomi valé é bwenu a fɛwezannu ta yuɛpazannu nya é ziin; minwiinzan blɛn David koo, guniwuonu koo, mi wuru soru soru valé mi yɔ soru soru nwiinzannu koo, sunyanu nwiinzannu koo, fɛnu lé wo wo ye gulizarafɛnu nya, yé wo wo pa é yɛrama Gakelebale lé kɔn mawe kɛlɛfɛnu nya, ’bɛnu a Sélominu lee.

Minwiinzannu lé Wezuofe Sɛbɛ 26:26 ပူးပေါင်းရင်းမြစ်များ

2 Samuɛl 8:11

Minwiinzan David wo pa é yɛrama Gakelebale zé nya bélé a kɛlɛbɛ kyɛn zo. Siri koo, Moab koo, Amɔn benu koo, Filisitinu koo, Amalɛk koo, Tesoba nwiinzan Réob be Adadézɛɛ koo, é wo kele yé é kyan valé gɔɔlifu si wo lee yé é wo pa é yɛrama Gakelebale zé nya é kyɛn. É Joram zé pa é yɛrama a zo.

Minwiinzannu lé Wezuofe Sɛbɛ 18:11

Minwiinzan blɛn David wo faa pa é yɛrama Gakelebale zé nya; gɔɔlifu valé kyan lé é a si bɛnnu faa lee, Édom koo, Moab koo, Amɔnnu koo, Filisitinu koo, Amalɛknu koo, wo lee, é ’bɛ pa é yɛrama Gakelebale zé nya é ziin.

Minwiinzannu lé Wezuofe Sɛbɛ 22:14

I ’a yé loo? kyan talan baa yɔ fié wɔlɛ vu koo, gɔɔlifu talan miliyɔn do koo, zéné valé foliɛwɔlɛ kiɛre lé wo ’ka bɔa a danle lɛ kilo la lo koo, maa a ma’lɛrɛ Gakelebale lé kɔn zé nya; maa yilinu valé gɔlɛnu ma’lɛrɛ é ziin, naa, i dan a taa pa lɛ.

Minwiinzannu lé Wezuofe Sɛbɛ 26:25

Éliézɛɛ kulunu va, Éliézɛɛ be Rékabia, ’bɛ é be Ézai, ’bɛ é be Joram, ’bɛ é be Zikri, ’bɛ é be Sélomit,

Minwiinzannu lé Wezuofe Sɛbɛ 28:21

Balebanzannu valé Lévinu palunu lé maa wo dɔ Kazambale lé kɔn giwe kɛlɛle we ma, wo lé ke ’ko: yé munu faa lé wo bli ke é zima, ’té woo bɔa blabonyanama gɔnɔ faa pale lɛ, wo lé ke é dɔle i sɔnɔ ’ko, nyanama faa pale we ma, minwiinzannu faa valé munu faa lé ke i sɔnɔ ’ko, wo tɔné gi a drɔɔ i dére faa ’male we ma.

Minwiinzannu lé Wezuofe Sɛbɛ 9:14

Lévinu: Asub be Sémaéja; Asub a Azrikam be nya, ’bɛ a Asabia be nya, wa Mérari kulu nya;

2 Minwiinmunu lé Wezuofe Sɛbɛ 23:8

We faa lé Balebanzan Jéojada wo béli dɔ a nya, Lévinu valé Judanu faa a kɛlɛ. Wo ’wolé munu si do do, wo lé wo nyanama pale péli sia, ’é valé wonu lé wo si nyanama pana flinyi nya bɛ, woo lé. Naa, Jéojada ’ka daan lɛ mi palu do kpen ma lo.

2 Minwiinmunu lé Wezuofe Sɛbɛ 31:2

Ézékia Balebanzannu valé Lévinu lé palunu dɔ é ziin wo dɔbɛ gi yé wo wo faa do do dɔ wo panyanama yɛrama. Wolé nyanama ’léé lé ke ’ko: Balebanwinu lé wa kyɛ blé koo, bɔvɔ sarakanu koo, Bale va nyanama koo, lɛrɛvɔlenu valé Bale tɔ zin felenu koo, woo lé; wo nyanama ’konu pa Gakelebale lé fɛna.

Ezidras 2:42

Kɔntayuɛpazannu kulunu lé ke ’ko: Salum kulunu koo, Atɛɛ kulunu koo, Talmɔn kulunu koo, Akub kulunu koo, Atita kulunu koo, Sobai kulunu koo, wo faa a mi yɔ suiɛdo wɔlɛ vu ta sɔraziɛn.

Néémi 12:45

’té we faa lé é ke Bale bɔle nya, ’é valé kɛlɛle tegele valé fɛnu suule nya, ’té wa kɛla. Lɛrɛvɔmunu koo, kɔntayuɛpazannu koo, wozé nyanama faa lɛ sɔɔ é ziin, David valé é be Salomɔn dére yɛrama.