Minwiinzannu lé Wezuofe Sɛbɛ 25:6 - Kazambale lé Sebe Sauunu 1979

⁶ Wo faa lé ke bɛ, wa wo tinu bɛ la, lɛrɛ vɔle we gi Gakelebale lé kɔn gi, yé kɔanu koo, kpélénu koo, kɔnɔnu koo, wa wo lee Kazambale lé kɔn gi nyanama pale we ma. Minwiinzan blɛn éé wenu fé Azafa koo, Jédutun koo, Éman koo, wo lɛ, ’té wa kɛla.

Minwiinzannu lé Wezuofe Sɛbɛ 25:6 ပူးပေါင်းရင်းမြစ်များ

2 Samuɛl 6:5

Lɛrɛvɔafɛ gɔnɔ faa lé wa kɛlɛ siprɛyili nya koo, kɔnɔ koo, kpélé koo, flin koo, yɔyɔ koo, kɔanu koo, David valé Izraɛl munu faa wo gyɛ Gakelebale ’lɛ.

1 Minwiinzannu 10:12

Gakelebale lé kɔn pa koo, minwiinzan lé kɔn pa koo, lɛrɛvɔmunu lé kɔnɔnu valé kpélénu koo, Salomɔn wo kɛlɛ sandalayili ’ko nya. Sandalayili bɛ ’ka da lɛ lo yé wo ’ka a ye lɛ é ziin lo fɔɔ kyɔ.

Minwiinzannu lé Wezuofe Sɛbɛ 15:16

Yé David lé Lévinu ’lɛzannu lɛ léé, ’wo lɛrɛvɔafɛnu nɔ lɛrɛvɔzannu lɛ; gitaanu koo, kɔnɔnu koo, kɔanu koo, é a lé wo wo gyɛ yé wo we plɛplɛ, gi nanale tɔmase nya.

Minwiinzannu lé Wezuofe Sɛbɛ 15:19

Zéné kɔanu a lɛrɛvɔzannu Éman valé Azafa valé Étan lee, wo gyɛle we ma.

Minwiinzannu lé Wezuofe Sɛbɛ 15:22

Kénania lé ke lɛrɛ zilɛzan nya Lévinu va, é lɛrɛvɔle valé lɛrɛvɔafɛ faa gyɛle nagɔɔn‐an, naa, éé baan ’bɛ gi.

Minwiinzannu lé Wezuofe Sɛbɛ 23:5

mi baa fié ’é kɛlɛ kɔntayuɛpazannu nya ma, mi baa fié ’é Gakelebale tɔ bɔ, lɛrɛvɔafɛnu lé maa wo kɛlɛ a tɔ kɛlɛle blɛn we ma, wo nya.

2 Minwiinmunu lé Wezuofe Sɛbɛ 20:28

Wo bɔ Jérusalɛm yé wo wɔra Gakelebale lé kɔn gi gitaa valé kɔnɔ gyɛle koo, béli fɛnle koo, wo nya.

2 Minwiinmunu lé Wezuofe Sɛbɛ 23:13

É a nagini, yé bé ye, minwiinzan blɛn a é dɔle kpala ta kɔn ’léé; minwiinzannu valé bélifɛnzannu a minwiinzan blɛn sɔnɔ. Ana tɛrɛlamunu faa gi nana yé wo bélinu fɛn. Lɛrɛvɔzannu lé lɛrɛvɔafɛnu ke wo lee, wo kɛlɛ munu ’lɛzannu nya Bale tɔ zin fe lɛrɛ vɔle nya. Ataali élé sɔnu fia, yé é léé: Nwale mi ma lé! Nwale mi ma lé!

2 Minwiinmunu lé Wezuofe Sɛbɛ 29:13

Élisafan nyanana, Simri valé Jéiɛl; Azafa nyanana, Zakari valé Matania;

2 Minwiinmunu lé Wezuofe Sɛbɛ 29:25

É Lévinu dɔ Gakelebale lé kɔn gi, kɔanu koo, gitaanu koo, kɔnɔnu koo, wo nya wo lee, David koo, minwiinzan blɛn lé fɛnayezan Gad koo, balelawefezan Natan koo, wo dére yɛrama. Naa, Gakelebale lé bélidɔwe lé é a nɔ ’élé balelayezannu lɔlu nya, yee lé.

Néémi 11:17

’wo valé Azafa be Zabidi be Misé be Matania, ’té éé Bale tɔ zin fele valé bazorole péli siaan koo, Bakibukia lé ke mi fiézan nya é bwenu va koo, Jédutun be Galal be Samua be Abada koo, woo lé.

Néémi 12:24

Lévinu nwiinzannu Asabia koo, Sérébia koo, Kadimiɛl be Jozué valé wo bwenu koo, wa é dɔle wo ke yara, ’té wo panyanama lé ke léé, ’wo Bale tɔ nwa yé wa tɔ zin fe, Bale lé mi David a fe fɛan zo, a yɛrama.

Néémi 12:46

Naa, é vinin, David valé Azafa bléyi va, ’té lɛrɛvɔmunu koo, Bale tɔbɔlɛrɛnu valé Bale bɔvɔlɛrɛnu koo, wo ’lɛzannu a, Bale tɔbɔle we gi.

Lɛrɛvɔ Sɛbɛ 68:25

Oo Bale, woo i giéna yé, Woo anlé Bale, an nwiinzan lé tawobɛ yé fɛna sauun na.

Éfez munu 5:19

’Ka we fe ka ke lɛ Lɛrɛvɔsɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo vɔle nya. ’Ka lɛrɛ vɔ yé ’ka Mizan bɔ vɔ ka bli faa nya a tɔ zin fele nya.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.