Minwiinzannu lé Wezuofe Sɛbɛ 22:9 - Kazambale lé Sebe Sauunu 1979

⁹ Naa, an dan négɔné do yaa lɛ yé ’bɛ é dan kɛlɛ lɛ mi drɔɔ nya, yé ’é dan ’bɛ si lɛ a nyanézannu lé wa zi lɛ sɔɔ, wo lee, yé é vo drɔɔ; wo dan a tɔ laa lɛ Salomɔn, yé ’é dan vole drɔɔ nɔ lɛ Izraɛl lɛ alé tɛrɛ la bléyi va yé wo dan nyana lɛ woboma.

Minwiinzannu lé Wezuofe Sɛbɛ 22:9 ပူးပေါင်းရင်းမြစ်များ

1 Minwiinzannu 1:13

’I go, ’i wɔra minwiinzan David va, yé bé fe a lɛ léé: Oo anzan minwiinzan, i ’ka bale ’nyɔɔn lɛ i wuo le lɛ léé, i be Salomɔn ɛ dan pla lɛ munu nwiin é pa gi yé é dan nyana lɛ ’élé webleblin ta, loo? Mɛmalé Adonija a é plale munu nwiin?

1 Minwiinzannu 2:15

’Bɛ lé a lɛ léé: Bé fe. Yé é léé: Bé gi dɔɔ léé, kɛlɛle minwiinzan se a anzé nya yé Izraɛl munu faa yuɛ a an lɛ léé, ’an pla wo nwiin. Naa, kɛlɛle minwiinzan nya se nɔla yé é kɛlɛ an zuané zé nya, Gakelebale a nɔ a lɛ, azama.

1 Minwiinzannu 3:7

Sin, Gakelebale, anlé Bale, i wuozan pla munu nwiin an ti David pa gi; yé maa a nékénéné nya, yé an ’ka we ’ko kɛlɛ lɛ é kyɛn lo.

1 Minwiinzannu 4:20

Juda valé Izraɛl munu a kiɛre é baba, wa bélé wɛyi gɔɔn ma nyéné zo. Woo fɛ blé, ’té woo fɛ minian, ’té wo gi éé nanaan.

1 Minwiinzannu 4:24

Tɛrɛ lé ke yuu zi, é sia Tifasak fɔɔ yé é bɔ Gaza, é a é plale a faa nwiin, yé é a é plale yuu zi minwiinzannu faa nwiin. Yé a zi munu faa vo a va drɔɔ.

1 Minwiinzannu 4:25

É sia Dan fɔɔ yé é bɔ Bɛɛ‐Sééba, kana do kpen ’ka Juda valé Izraɛl gi lo, wo faa a é nyanale wobo lé dɔrɔyili valé wobo lé bɔrɔyili wuo do do Salomɔn bléyi faa va.

1 Minwiinzannu 5:4

Sin, Gakelebale, anlé Bale an vo drɔɔ bɛ faa ma; an nyanézannu ’ka é dɛrɛ lo, di kinié migiwe ’ka é dɛrɛ lo.

1 Minwiinzannu 8:56

Gakelebale lé é flinle nɔ élé munu Izraɛl lɛ, blivolɛdére faa lé é a fe bɛ, a yɛrama, ’wa drɔɔ vo ma. Dére néné faa lé é a fe é wuozan Moizi lɔlu nya, a do kpen ’ka vo lɛ é pla lo.

Minwiinzannu lé Wezuofe Sɛbɛ 17:11

Dé ilé yinu lɛ sɔɔ yé i go i tranu va, maa dan i kulu do nwa lɛ i zuo, i be do nya, yé maa dan a kɛlɛ lɛ mununwiinzan nya.

Minwiinzannu lé Wezuofe Sɛbɛ 22:18

É lé wo lɛ léé: Gakelebale, kalé Bale ’ka ka va loo? É ’ka ka vo lɛ drɔɔ bɛ faa ma loo? É tɛrɛ ’ko la munu pa ka lee, yé tɛrɛ ’ko la munu a é plale Gakelebale valé ’élé munu wuo.

2 Minwiinmunu lé Wezuofe Sɛbɛ 6:15

Blivolɛdére lé bé fe an ti, i leezan David lɛ, bé tawe kɛlɛ, yé we lé bé fe i ’léé, bé lɛ sɔɔ kyɔ ilé plɛplɛ nya.

JOB (Job) 34:29

Dé é flinle nɔ mi lɛ, de ɛ dan gi bɔrɔ pa lɛ ’bɛzan maa? Dé é yara yɔɔ, de ɛ bɔa a yele lɛɛ? Dé é a bɛn do nyaoo, dé é a mi do nyaoo, éé wo faa lé we kɛla tegele

Lɛrɛvɔ Sɛbɛ 72:1

Salomɔn zé lé. Baleoo, Bale, ’ilé weblebli vɔ minwiinzan blɛn gi, Yé ’ilé we tegele bli vɔ minwiinzan blɛn be gi.

Lɛrɛvɔ Sɛbɛ 72:7

’Bɛzan zé yinu ta, mi tegelenu vwi é dan bi lɛ, Yé vole drɔɔ é dan kɛlɛ lɛ blɛn fɔɔ ’té moné ’ka ana é dɛrɛ lo.

Ézai 26:12

Gakelebale i vole drɔɔ no ko lɛ; Naa, we faa lé ko kɛla, Bii ɛ ke a lɛsɔɔzan nya ko lɛ.

Ézai 45:7

Maa ɛ tu kinié yé maa ɛ gunu dɔraan; Maa ɛ mi vɔa a ma yé maa ɛ mi gya nyané nya; Maa Gakelebale, maa ɛ we ’konu faa kɛla.

Ézai 57:19

Maa dan an tɔ zin fele pa lɛ a ’léé. Mi lé ke baa valé mi lé ke é pu, ’wo vo drɔɔoo, ’wo vo drɔɔ; maa dan wo béli lɛ. A zo lé Gakelebale a fe.

Ézai 66:12

Gakelebale léma: Maa dan vole drɔɔ nɔ lɛ a lɛ bélé yuu zo. Maa dan bɛnnu lé fua nɔ lɛ a lɛ bélé ’yiyoro lé é bɔra ’é gɔ la, a zo. Yé ’bɛ é dan kɛlɛ lɛ kalé fɛblele nya; wo dan ka si lɛ ’wo bɛ gi, wo dan ka si lɛ ’wo bɔrɔ la.

Agajé 2:9

Lai sunyanu lé Gakelebale léma: Kɔn voélazan ’ko tɔbɔle é dan mini lɛ kɔn vininzan zé ta. Fɛkona lé maa dan mi vo lɛ drɔɔ. A zo lé lai sunyanu lé Gakelebale a fe.

Weblezannu 6:24

Jédéɔn Gakelebale banna kɛlɛ ’bɛna, yé é a tɔ pa mivodrɔɔ Gakelebale; yé é ana tan kyɔ Ofra, fla lé ke Abiézɛɛ gɔnɔlamunu zé nya, ana.