Minwiinzannu lé Wezuofe Sɛbɛ 22:5 - Kazambale lé Sebe Sauunu 1979

⁵ David léé: An be Salomɔn a miboroné nya, a lɛɛ ’ka kiɛre lo, yé kɔn lé é dan a dɔ lɛ Gakelebale lɛ, é dan kɛlɛ lɛ blɛn, yé a tɔ é dan bɔ lɛ tɛrɛ faa la; bɛwemalé maa dan fɛnu ma’lɛrɛ lɛ a lɛ. Yé David fɛ kiɛre kiɛre ma’lɛrɛ é gale ’lɛ.

Minwiinzannu lé Wezuofe Sɛbɛ 22:5 ပူးပေါင်းရင်းမြစ်များ

1 Minwiinzannu 3:7

Sin, Gakelebale, anlé Bale, i wuozan pla munu nwiin an ti David pa gi; yé maa a nékénéné nya, yé an ’ka we ’ko kɛlɛ lɛ é kyɛn lo.

1 Minwiinzannu 9:8

Kɔn ’ko a é dɔle gɔ nwiin fɛan zo bɛ, dé mian gié a sɔnɔ, a gi é dan vuru lɛ a ma yé é dan ’furu fɛn lɛ. Wo dan a fe lɛ léé: Mɛmalé Gakelebale we kɛlɛ tɛrɛ ’ko valé kɔn ’ko lɛ a zoo?

Minwiinzannu lé Wezuofe Sɛbɛ 29:1

Minwiinzan blɛn David lé munu faa lé wo ke é zénle ékeva, wo lɛ léé: An be Salomɔn lé Kazambale a si a va é do kpen, é a mi boroné nya, yé a lɛɛ ’ka kiɛre lo, yé nyanama ’ko a blén, naa, fuakɔn ’ko ’ka mi zé nya lo, é a Gakelebale ɛ zé nya.

2 Minwiinmunu lé Wezuofe Sɛbɛ 13:7

Mi planu, boazannu, wo zén ékeva yé wo goan Salomɔn be Réboam ma. Réboam a mi boroné nya, kanazan nya, yé é ’ka bɔa dɔle lɛ wo ma lo.

2 Minwiinmunu lé Wezuofe Sɛbɛ 2:4

Bé ye, maa a kɔn dɔna Gakelebale, anlé Bale tɔbɔle we ma. Maa dan a pa lɛ é yɛrama azé nya, yé maa dan lasikɔrɔ ginzan kyɛ ble lɛ a gi a ’lɛ. Yé Bale ’lɛburu é dan kɛlɛ lɛ ana bléyi faa ma. Yé bladi valé nyanadi koo, flinyinu koo, moné dɛrɛnu koo, Gakelebale kozé Bale lé fɛtinu koo, balebanwinu lé wa kyɛ blé, maa dan wo nɔ lɛ ana ’bɛ bléyinu va, Izraɛlnu lé bélidɔwe lé, é ’ka nyaan lo, a yɛrama.

2 Minwiinmunu lé Wezuofe Sɛbɛ 2:5

Naa, kozé Bale blɛn mini balenu faa ta, amalé kɔn lé maa dan a dɔ lɛ bɛ, é a lé é kɛlɛ blɛɛn.

2 Minwiinmunu lé Wezuofe Sɛbɛ 2:8

É ziin, sɛdrɛyilinu koo, siprɛyilinu koo, sandalayilinu koo, ’i wo si Liban tɛrɛ la yé ’i wo pa an lɛ zia. Naa, maa a gi dɔɔ léé, i wuomunu éé Liban yilinu vɔa wo zua. Yé bé ye, an wuomunu wo dan pa lɛ izé va.

2 Minwiinmunu lé Wezuofe Sɛbɛ 7:21

Kɔn ’ko a é dɔle gɔ nwiin fɛan zo bɛ, dé mi a giéna a sɔnɔ a gi é dan vuru lɛ a ma yé é dan a fe lɛ léé, mɛmalé Gakelebale we kɛlɛ tɛrɛ ’ko valé kɔn ’ko lɛ a zoo?

Ezidras 3:12

Naa, Balebanmunu kiɛre koo, Lévinu koo, kɔnnwiinzannu kwanu koo, ’té ’bɛnu kɔn vininzan ye bɛ, bléyian va lé wa kɔn dɛrɛ ’ko gane vɔna wo yuɛ va, wo wuvɔ é baba. A lɛ do é ginanale gɔɔn siaale nya,

Wegɔnévɔlenu 4:3

Maa a an ti be wɔlɛ do nya, maa a an bu be wɔlɛ do kpen lé é sɔ a lɛ é baba, a nya.

Bale Lé We Gifezan 9:10

Nyanama faa lé i wo yé, ’i wo pa ilé plɛplɛ nya; naa, i a gona fɛana, migalenu nyanana bɛ, wekɛlɛle koo, ’wuo gi bɔrɔle koo, gikinile koo, wedɔɔle koo, wo ’ka ana lo.

Ézai 64:11

Oo Gakelebale, ’bɛ zo lé ibo kunwoo? I dan i tadɔ lɛ yé kolé nyanéblele é gié é glɛ laa?

Ézékiɛl 7:20

Wo ’wobo tɔ bɔ wo ’lɛrɛfɛ zimanu lé we ma, yé wo ’wolé bozo miyilinu kɛlɛ wo nya, amalé maa dan wo ’lɛrɛfɛnu kɛlɛ lɛ serelebomafɛ nya wo lɛ.

Agajé 2:3

Munuan wo kɔn nɔnɔmi ’ko ye é vinin, wo va mi kyɛn ɛ ke é yuɛma ka vaa? Ka a yé sin kaa? É a fɛan zo bɛ, é ’ka fɛ pla nya ka yuɛ gi loo?

Agajé 2:9

Lai sunyanu lé Gakelebale léma: Kɔn voélazan ’ko tɔbɔle é dan mini lɛ kɔn vininzan zé ta. Fɛkona lé maa dan mi vo lɛ drɔɔ. A zo lé lai sunyanu lé Gakelebale a fe.

WENÉNÉ LÉ LUK A GYE (Évangile selon Luc) 21:5

Gɔlɛ zima valé blannu lé wo Balebangikɔn kɛlɛ nɔnɔmi wo nya, mi kenu ke aan wo wolé we fena, Jézu léé:

WENÉNÉ LE JAN A GYE (Évangile selon Jean) 13:1

Taboyi lé fɛti ’lɛ, Jézu a gi dɔɔ léé, a bléyi bɔ yé é dan si lɛ tɛrɛ la yé é go é Ti va. Azé munu lé wo ke tɛrɛ la, wo sɔ a lɛ fɔɔ yé alé tɛrɛla nyaa a zo.

WENÉNÉ LE JAN A GYE (Évangile selon Jean) 3:30

É a lé yee ɛ kɛlɛ blɛn yé maa ɛ kɛlɛ kiéné.

WENÉNÉ LE JAN A GYE (Évangile selon Jean) 9:4

Bléyian va lé fɛna a é kinile, mi lé é an pa zia, é a lé maa alé nyanama pa; béli a dana tan lɛ, ’té mi do kpen ’ka bɔa nyanama pale lɛ lo.