Minwiinzannu lé Wezuofe Sɛbɛ 22:18 - Kazambale lé Sebe Sauunu 1979

¹⁸ É lé wo lɛ léé: Gakelebale, kalé Bale ’ka ka va loo? É ’ka ka vo lɛ drɔɔ bɛ faa ma loo? É tɛrɛ ’ko la munu pa ka lee, yé tɛrɛ ’ko la munu a é plale Gakelebale valé ’élé munu wuo.

Minwiinzannu lé Wezuofe Sɛbɛ 22:18 ပူးပေါင်းရင်းမြစ်များ

2 Samuɛl 7:1

Minwiinzan a é nyanale élé kɔn gi aan wo, ’té Gakelebale flinle nɔ a lɛ, yé é a si a nyanémunu lé ke a zi, wo lee,

Minwiinzannu lé Wezuofe Sɛbɛ 22:9

Naa, an dan négɔné do yaa lɛ yé ’bɛ é dan kɛlɛ lɛ mi drɔɔ nya, yé ’é dan ’bɛ si lɛ a nyanézannu lé wa zi lɛ sɔɔ, wo lee, yé é vo drɔɔ; wo dan a tɔ laa lɛ Salomɔn, yé ’é dan vole drɔɔ nɔ lɛ Izraɛl lɛ alé tɛrɛ la bléyi va yé wo dan nyana lɛ woboma.

Minwiinzannu lé Wezuofe Sɛbɛ 23:25

Naa, David léé: Gakelebale Izraɛl lé Bale flinle nɔ élé munu lɛ yé wo dan nyana lɛ yifaama Jérusalɛm;

Kelewenu 9:31

Léglizigimunu a drɔɔ Judé tɛrɛ faa koo, Galilé tɛrɛ koo, Samari tɛrɛ koo, wona. Wa é dɔle plɛplɛ yé wo tawo Mizambale lee kana nya wo gi, yé wo ’léé gi gyɛ Léli Sauun bɔle wo va nya.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Bélidɔwesɛbɛ Fiézan 20:4

Naa, Gakelebale, kalé Bale a tawona ka va, gulidanle we gi ka nyanézannu va, ’bɛ valé ka bélile we gi.

Jozué 10:42

Minwiinzannu ’ko valé ’wolé tɛrɛnu, Jozué wo faa si bléyi do nya, naa, Gakelebale, Izraɛl lé Bale Izraɛl ta guli dan, ’bɛzama.

Jozué 22:4

Sin, Gakelebale, kazé Bale flinle nɔ ka bwenu lɛ, é a fe wo lɛ fɛan zo, a zo, amalé ’ka diéra yé ’ka go kalé sɔkɔn ’léé, tɛrɛ lé é ke kazé nya, ’té Gakelebale wuozan Moizi a nɔ ka lɛ Juudɛn zi bɛ, a ta.

Jozué 23:1

Ana mɔn Gakelebale flinle nɔ Izraɛl lɛ, a nyanézannu lé wa zi lɛ sɔɔ, a sile nya wo lee. Jozué a kwa, yé a lɛɛ kɛlɛ kiɛre.

1 Samuɛl 25:28

Ilé zanté, ’i wuo le ma we vo, naa, Gakelebale é dan anzan lé kɔn dɔ lɛ gligli; ilé zanté, naa, anzan Gakelebale lé gulinu daan, yé wo ’ka dan we ple ye lɛ i gi monomono lo.