Minwiinzannu lé Wezuofe Sɛbɛ 22:16 - Kazambale lé Sebe Sauunu 1979

¹⁶ Kyan koo, gɔɔlifu koo, zéné valé foliɛwɔlɛ koo, wo nɔnɔ ’léé ’ka lo. ’I nwa, ’i we kɛlɛ, yé Gakelebale ’é bɔ i va ma.

Minwiinzannu lé Wezuofe Sɛbɛ 22:16 ပူးပေါင်းရင်းမြစ်များ

1 Minwiinzannu 2:2

Maa a gona tɛrɛ faa lé zi siana. ’I bli ta dɔ plɛplɛ, ’i kɛlɛ gɔné nya.

1 Minwiinzannu 7:47

Salomɔn fɛ ’konu faa vo yé é ’ka a kɛlɛzéné dan lɛ kilo la lo, é a kiɛre é baba, azama.

Minwiinzannu lé Wezuofe Sɛbɛ 22:11

Sin, an be, Gakelebale ’é kɛlɛ i va ma, yé ilé we va ’é gyɛ ma, yé ’i Gakelebale ilé Bale lé kɔn dɔ, é a fe izé nya fɛan zo, a zo ma.

Minwiinzannu lé Wezuofe Sɛbɛ 22:14

I ’a yé loo? kyan talan baa yɔ fié wɔlɛ vu koo, gɔɔlifu talan miliyɔn do koo, zéné valé foliɛwɔlɛ kiɛre lé wo ’ka bɔa a danle lɛ kilo la lo koo, maa a ma’lɛrɛ Gakelebale lé kɔn zé nya; maa yilinu valé gɔlɛnu ma’lɛrɛ é ziin, naa, i dan a taa pa lɛ.

Minwiinzannu lé Wezuofe Sɛbɛ 22:15

Nyanamapamunu kiɛre a i va, gɔlɛnyaazannu koo, yilinyaazannu koo, blabozannu lé woo bɔa nyanama gɔnɔ faa pale lɛ koo, wa i va.

Minwiinzannu lé Wezuofe Sɛbɛ 22:3

É fɛnu ma’lɛrɛ kiɛre; é foliɛwɔlɛ ma’lɛrɛ duolinu lé pɔnté zé nya, ’bɛ valé a vɔékegi fɛnu zé nya; é zéné téé kiɛre fɔɔ wo ’ka bɔa a danle lɛ kilo la lo;

Minwiinzannu lé Wezuofe Sɛbɛ 28:10

’É dɔ i bɔn‐in léé, Gakelebale i si a va léé, ’i kɔn dɔ ’é lɛ, ’élé fɛna sauun nya. ’I dɔ plɛplɛ, ’i we kɛlɛ.

Minwiinzannu lé Wezuofe Sɛbɛ 29:2

An fɛnu ma’lɛrɛ anlé Bale lé kɔn zé nya an bli faa nya; an kyan téé kyanfɛnu zé nya; an gɔɔlifu téé gɔɔlifufɛnu zé nya, an zéné téé zénéfɛnu zé nya, an foliɛwɔlɛ téé foliɛwɔlɛfɛnu zé nya, an yili téé yilifɛnu zé nya, ɔnisigɔlɛnu valé gɔlɛwezannu lé wo dan wo vɔ lɛ ’wo vɔgikyan gi koo, gɔlɛwezan nyananyana valé gɔlɛ yuɛ kiɛre koo, gɔlɛwezan gɔnɔ faa koo, gɔlɛfu plɛplɛ kiɛre kiɛre koo, maa wo faa téé wo kɛlɛfɛnu zé nya.

2 Minwiinmunu lé Wezuofe Sɛbɛ 1:1

David be Salomɔn pla munu nwiin gligli; Gakelebale, alé Bale a a va, yé é Salomɔn lé plɛplɛ gi gyɛ é baba.

2 Minwiinmunu lé Wezuofe Sɛbɛ 20:17

É ’ka lé ka guli do kpen dan we ’ko gi lo; ’ka bɔra a gi, ’ka dɔ ana, yé Gakelebale é dan ka si lɛ we gi fɛan zo bɛ, yé ka ana ye. Judanu valé Jérusalɛm munu, té ka kana lo; té di é kini ka gi monomono lo. Tɛlɛ, ’ka go kee wo nya, yé Gakelebale é dan kɛlɛ lɛ ka va.

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

Éfez munu 5:14

Bɛwemalé wo léé: Bii lé i ke yiɛna, ’i vuo, ’I vuo mi galenu va, Yé Krist é dan i va kini lɛ.

Filip munu 4:13

Krist lé é an dɔ plɛplɛ, an bɔa we faa kɛlɛle lɛ alé plɛplɛ nya.

Jozué 1:2

An wuozan Moizi ga; sin, ’i nwa; bii valé munu ’konu faa, ’ka Juudɛn ’ko kini, gole we gi tɛrɛ lé maa a nɔ Izraɛl lé nénu lɛ, a ta.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Jozué 7:10

Gakelebale lé Jozué lɛ léé: ’I nwa, mɛmalé i vo é yiale i bli laa?

Weblezannu 4:14

Yé Débora lé Barak lɛ léé: ’I nwa, Gakelebale Sizéra pa i lée kyɔ. Gakelebale ’ka tawona i ’lɛ loo? Yé Barak Tabɔɔ gɔ zun mi baa soru nya ’é zuo.

1 Samuɛl 17:37

David lé é ziin léé: Gakelebale lé é an si golizra sɔnéwɔlɛ valé urisi bɛlaa lee, é dan an si lɛ Filisiti mi ’ko lee é ziin. Yé Saul lé David lɛ léé: ’I go, yé Gakelebale ’é kɛlɛ i va ma.

1 Samuɛl 20:13

Gakelebale ’é we kɛlɛ Jonatan lɛ élé plɛplɛ faa nya ma! Dé é dɔ an ti gi léé, ’é wenyané kɛla i lɛ, maa dan ’bɛ zuo fe lɛ i lɛ é ziin, yé maa dan zi nɔ lɛ i lɛ yé i go drɔɔ; Gakelebale ’é kɛlɛ i va ma, fɛan zo lé é kɛlɛ an ti va, a zo.