Minwiinzannu lé Wezuofe Sɛbɛ 21:8 - Kazambale lé Sebe Sauunu 1979

⁸ Yé David lé Kazambale lɛ léé, an wenyané blɛn kɛlɛ, sin, ilé zanté, i leezan ma we vo, naa, maa we ’ko kɛlɛ ’tu nya.

Minwiinzannu lé Wezuofe Sɛbɛ 21:8 ပူးပေါင်းရင်းမြစ်များ

Wepélisiananu 34:7

Jakɔb benu a sina féi aan wo, wo we ’ko ’ma. É ’na wo ma yé wo bli fli é baba. Sisɛm we lɛrɛlɛrɛ kɛlɛ Izraɛl gɔnɔ gi. É yi gyɛ Jakɔb lu va; we lé wo ’ka a kɛla lo, é a kɛlɛ.

2 Samuɛl 12:13

David lé Natan lɛ léé: Maa wenyané kɛlɛ Gakelebale ma! Yé Natan lé David lɛ léé: Gakelebale i ma we vo, i ’ka dan ga lɛ lo.

2 Samuɛl 13:13

Maa dan go lɛ kyɛn yaragyɛwe nyaa? Yé bii, i dan kɛlɛ lɛ weple tiridɔle kɛlɛzan nya Izraɛl. Sin, ilé zanté, ’i we fe minwiinzan lɛ, é ’ka dan an nyané kɛlɛ lɛ i lɛ lo.

2 Samuɛl 24:10

David bli kyɛ dɔ munu nɔnɔle zuo. Yé é lé Gakelebale lɛ léé: ’Bɛ kɛlɛle nya lé an wenyané blɛn kɛlɛ. Sin, Gakelebale, ’i yara nɔla an ta yé ’i i wuozan lé weple ma zanté nyi si, naa, an ’tugyɛwe kɛlɛ tegele!

Minwiinzannu lé Wezuofe Sɛbɛ 21:7

Bélidɔwe ’ko ’ka sɔ lɛ Kazambale lɛ lo, yé é Izraɛlnu gyɛ gyɛ nya.

2 Minwiinmunu lé Wezuofe Sɛbɛ 10:9

É lé wo lɛ léé: Munu ’ko lé wa fe an lɛ léé, luubale lé i ti a vɔ ’wo bɔrɔ ma, bé va dɔ, ’naan, mɛ we lé ka dan a fe lɛ an lɛ yé maa a fe wo lɛɛ?

Lɛrɛvɔ Sɛbɛ 25:11

Oo Gakelebale, i tɔ lé we ma ’I an mawe vo anlé weple ma, naa, é a blɛn.

Lɛrɛvɔ Sɛbɛ 32:5

Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

OZÉ (Osée) 14:2

’Ka da Gakelebale va yé ’ka ka gi we fe. ’Ka fe a lɛ léma: ’I ko ma we vo kolé weple faa ma, yé ’i ko si é zima. Ko ’ka dan i ban lɛ diri nya lo, naa, ko dan i ban lɛ ko lɔlu nya.

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

1 Jan 1:9

Dé kaa kaalé wenyanénu fe, Bale a yarapawelazan nya yé é a tegele yé é kaa ma we voo yé éé weple faa sié kaa lee, yé é kaa kɛla tata.

1 Samuɛl 13:13

Samuɛl lé Saul lɛ léé: Bé kɛlɛ ’tu nya; we lé Gakelebale, ilé Bale a fe i lɛ, i ’ka a kɛlɛ lɛ lo. Dé bé lɛdɔma kɔɔn, Gakelebale ’kanɔ i plale Izraɛl nwiin glɛ dɔa lo,

1 Samuɛl 26:21

Saul léé: An wenyané kɛlɛ. An be David, ’i da é ziin, naa, maa ’ka dan wenyané kɛlɛ lɛ i lɛ é dɛrɛ lo, anlé tɛrɛla a fɛwezan nya i yuɛ gi kyɔ, azama. An we kɛlɛ bélé gwegyɛzan zo, yé an saan blɛn.