Minwiinzannu lé Wezuofe Sɛbɛ 21:16 - Kazambale lé Sebe Sauunu 1979

¹⁶ David é yara nwa loru yé é Gakelebale lé lanje ye é dɔle tɛrɛ valé la méléna, ’té gwɔun a a lee ’é soile Jérusalɛm vazia. Yé David valé mi segelenu dia ’wo bli la, ’té bɔlɔ a é zénle wo ta.

Minwiinzannu lé Wezuofe Sɛbɛ 21:16 ပူးပေါင်းရင်းမြစ်များ

Wepélisiananu 3:24

’Bɛ zo lé é Adam bin; yé lanjenu lé wa laama sérubɛnnu, é wo dɔ Édɛn féi yirinwanazia, yé gwɔunnu lé kyɛ ke wo ’léé, é a ’bɛnu lee, ’té ’bɛnu a giéan, mibéliyili lé zi tabinle we ma.

1 Minwiinzannu 21:27

Akab dére ’konu ’ma Éli ta aan wo, élé sɔnu fia, yé é bɔlɔ zén é ta sɔ nya yé é lɔrɔ sɔn; é yii bɔlɔ ’ko nya é ta yé é tawo wɔɔɔ.

2 Minwiinzannu 19:1

Minwiinzan Ézékia we ’ko ’ma aan wo, ’élé sɔnu fia yé é bɔlɔ zén ’é ta, yé é go Gakelebale lé kɔn gi.

2 Minwiinzannu 6:17

Élizé bazoro yé é léé: Gakelebale, bé yuɛ fuo yé ’é wo ye. Yé Gakelebale a wuozan yuɛ fuo yé é a ye léé, wisoonu valé kyɛgoro lé ke Élizé zi wo gɔ ma faa ble.

Ézékiɛl 30:25

Maa dan Babilɔn nwiinzan blɛn bɛnu dɔ lɛ plɛplɛ yé Faraɔn bɛnu é dan ga lɛ ’é ma. Dé maa anlé gwɔun pa Babilɔn nwiinzan blɛn lee yé é yara dɔ Éjipiti munu ta, wo dan a gi dɔɔ lɛ léé, maa ɛ ke Gakelebale nya.

Ézékiɛl 9:8

Wa mi gyɛna bléyian va, ’té maa ana, yé an dia an bli la yé maa siaa léé: Aa, Mizan Gakelebale, i dan Izraɛl mi pɔnénu faa gyɛ lɛ i wɛwɛ dɔle nya Jérusalɛm maa?

Mi Nɔnɔle 14:5

Moizi valé Arɔn dia wo bli la Izraɛlnu faa lé wo zén ékeva, wo yuɛ va.

Mi Nɔnɔle 16:22

Moizinu dia ’wo bli la, yé wo léé: Oo Bale, munu faa lélinu lé Bale, mi do kpen wenyané kɛlɛ yé i bli fli munu faa maa?

Mi Nɔnɔle 22:23

Gakelebale lé lanje lé é ke é dɔle zia, gwɔun soile do nya é lee bɛ, sokofale tina a ye, yé é si zia yé é gyɛ a nya féi gi. Balaam sokofale tina bla, gole a nya é ziin zi ta we ma.

Mi Nɔnɔle 22:31

Gakelebale Balaam yuɛ lɛ so, yé Balaam Gakelebale lé lanje ye é dɔle zia, ’té gwɔun soile do a a lee, yé é zun yé é dia é bli la.

Weblezannu 13:20

Kyɛnɛnɛ nwa balebanna ta la gi zia aan wo, Gakelebale lé lanje nwa yé é go loru balebanna lé kyɛnɛnɛ méléna. Wo we ’ko ye tɔɔn, Manoas valé é na dia wo bli la tɛrɛ va.