Minwiinzannu lé Wezuofe Sɛbɛ 21:13 - Kazambale lé Sebe Sauunu 1979

¹³ David a zi pa Gad lɛ léé: Maa a nyané blɛɛn blena; ’an vɔ Gakelebale lee ma, naa, alé nyanai zénle a blɛn; té an vɔ munu lee lo ma.

Minwiinzannu lé Wezuofe Sɛbɛ 21:13 ပူးပေါင်းရင်းမြစ်များ

2 Minwiinzannu 6:15

Bale lé mi wuozan nwa bladi tutu yé é bɔra; yé bé ye, sunyanu koo, wisoonu koo, goronu koo, fla zi lɛ a é sɔɔle wo nya. Yé Bale lé mi wuozan lé a lɛ léé: Yiba, anzan, ko kɛla kaa?

2 Minwiinzannu 7:4

Dé é dɔ ko gi léé, ’ko go fla, lɔrɔ a fla yé ko dan ga lɛ ana; yé dé ko vo ’ko, ga duo lé ko dan wo lɛ. Kaa go Sirinu lé sɔkɔn dɔna; dé wo ko vo é yuɛma ko dan vo lɛ é yuɛma; dé wo ko gyɛ, ’té yee ga duo lé.

2 Minwiinmunu lé Wezuofe Sɛbɛ 28:9

Gakelebale lé balelayezan do ana mi, wa laama Odɛd. Sunyanu lé wo ke dana wo pa gi Samari, é go wo ’lɛ, yé é lé wo lɛ léma: Gakelebale, ka tranu lé Bale bli fli Judanu ma, amalé é wo pa ka lee yé ka wɛwɛ dɔ wo ma, yé ka wo gyɛ, yé we ’ko bɔ fɔɔ lanu gi.

Esitɛɛ 4:11

minwiinzan blɛn leemunu faa valé alé bɛntɛrɛ la munu faa a gi dɔɔ léé, é a bélidɔwe nya léé, dé le léé, ɛɛ, dé gɔné léé, dé é wɔra minwiinzan blɛn lé kɔn worona a va mi, ’té é ’ka a laa lɛ lo, ’wa gyɛ ’é ga. Dé mian minwiinzan blɛn élé plaminwiin kyanyili soi a lɛ, ’bɛzan do kpen ɛ vo é yuɛma. Yé maa, an yi yɔ do wɔlɛ vu lo, ’té é ’ka tan an laa lɛ lo.

Esitɛɛ 4:16

’I go, Juifinu faa lé wo ke Suz, ’i wo zén ékema, yé ’ka lɔrɔ sɔn wo nya anlé we ma. Té ka fɛ ble lo, té ka fɛ mini lo, é béli valé é yiéyi fɔɔ yi yaa. Maa é ziin, maa valé an wuolomu é dan lɔrɔ sɔn lɛ a zo. ’Bɛ zuo, dé bélidɔwe aoo, dé é ’ka looo, an dan wɔra lɛ minwiinzan blɛn va. Dé an gaan‐oo, ’té an gaan é wo.

Lɛrɛvɔ Sɛbɛ 103:8

Gakelebale nyanai éé zén‐é, yé é mi mawe dɔɔ, A bli ’ka flian é kele lo, yé alé zin a blɛn;

Lɛrɛvɔ Sɛbɛ 106:7

Bléyian va lé ko tranu ke Éjipiti tɛrɛ la, wo ’ka ilé gyɛzorowenu gi ’ma lɛ lo, Ilé zin kiɛre sele ’ka dɔ lɛ wo gi lo, Naa, wo nwa i ma Wɛyi sɔnɔ, Wɛyi Sɔɔn sɔnɔ.

Lɛrɛvɔ Sɛbɛ 119:156

Oo Gakelebale, i mi mawe dɔɔ é baba, ’I an vo é yuɛma ilé weblele yɛrama.

Lɛrɛvɔ Sɛbɛ 130:4

Naa, i mi ma we vo, léé, Mi ’é kana i lee.

Lɛrɛvɔ Sɛbɛ 130:7

Izraɛl, ’i bli vo Gakelebale lɛ. Naa, Gakelebale nyanai éé zén‐é, Éé mi taboo yifaama.

Lɛrɛvɔ Sɛbɛ 5:7

I zamaga dɔa viézannu nwiin; Munu lé woo mi nyɛ zanaan, ’té woo dabli kɛla, Gakelebale ’ka wo yé mi nya lo.

Lɛrɛvɔ Sɛbɛ 69:13

Munu lé wo ke é nyanale kɔn ’léé, woo we fé an ma, Yé nwɛ lɛ plɛplɛ minizannu an tɔ sian lɛrɛ nya.

Lɛrɛvɔ Sɛbɛ 69:16

Té wɛyi nwalenu é pla an ta é dɛrɛ lo, Guru lé a wɔlɛma nyaana ’ka lo, té ’bɛ an mini lo, Yé té guru blɛn lɛ é tan an ta lo.

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Wegɔnévɔlenu 12:10

Mi tegele élé winu paan, naa mi nyanénu gi a pɔnpɔn.

Ézai 46:7

Wa kɔné sié wo bɛapa la, Wa dɔraan é dɔrana yé é vo ana; É ’ka kɔɔma é dɔna lo; Woo siaan a lɛ, naa, é ’ka a zi paan lo, É ’ka wo sié wolé kleblele gi lo.

Ézai 47:6

An bli fli anlé munu ma, Maa anlé tɔnɔfɛ kɛlɛ boafɛ nya, Yé maa wo pa i lee; I nyanai ’ka zén lɛ wo ta lo, I kɔné bɛnzan dɔ gɔné segele nwiin.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Ézai 63:15

Bii lé i ke lagi mi, ’té i nyanana ke sauun, ’té a tɔ ke é bɔle, bé nagini; i fuu dɔle i ta valé ilé plɛplɛ a kyɛɛn? I bli éé kɔɔan i gi fɛan zo, ’té i nyanai éé zén‐é an ta é vinin bɛ, é ’ka ’bɛ zo an vazia é dɛrɛ lo.

Ézai 63:7

Maa dan Gakelebale lé zinnu zana dɔɔ lɛ yé maa dan Gakelebale tɔ zin fe lɛ, We faa lé Gakelebale a kɛlɛ ko lɛ, a yɛrama. Zin blɛn lé é a kɛlɛ Izraɛlmunu lɛ, Élé nyanaizénle valé sɔlɛle blɛn yɛrama bɛ, maa dan a zuo fe lɛ.

Jérémi Lé Wuvɔ Sɛbɛ 3:32

Alé nyané pale mi ta zuo, É élé nyanai zénle valé mi mawe dɔɔle nagɔɔn‐an a lɛ.

Jonas 3:9

Dé Bale é dan é bli nɔla lɛ yé é bli flile plɛplɛ vo, yé ko ’ka zamaga wo loo?

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Abaku 3:2

Gakelebale, we lé bé fe, maa ’ma, yé kana blɛn zén an gi. Gakelebaleoo, Gakelebale, ’i kɛlɛwenu lɛ sɔɔ lɛɛnu faa gi, ’Bé nagɔɔn lɛɛnu faa gi; Naa, dé i bli a flina, i nyanai zénle sele ’é dɔ i gi ma.

WENÉNÉ LE JAN A GYE (Évangile selon Jean) 12:27

Sin, gi bɔrɔ pa an ma. Dé maa dan a fe lɛ nɔɔ? Maa dan a fe lɛ léé, an Ti, ’i an si we ’ko gii? Gba, we ’ko ma lé bléyi ’ko bɔ an ma.

Filip munu 1:23

An bli a bɛ fié la. É sɔ an lɛ léé, ’an go yé an kɛlɛ Krist va. ’Bɛ fila vɔ é baba.

Ébrunu 10:31

Vɔle Bale yuɛmale lee a we tɔntɔn kaii nya.