Minwiinzannu lé Wezuofe Sɛbɛ 21:12 - Kazambale lé Sebe Sauunu 1979

¹² lɔrɔ dɔle lɛɛ yaa a do; i nyanézannu i gyɛ gwɔun nya yé wo i guru zana a gi moné yaa wuo, ’bɛ a do; Gakelebale lé gwɔun valé bawurumagyɛ dale ilé tɛrɛ la yi yaa yé Gakelebale lé lanje é guruzanaagiwe kɛlɛ Izraɛl tɛrɛ faa la, ’bɛ a do; ’izé si a va. Bé va si sin, yé we lé maa dan a fe lɛ an nwunvɔzan lɛ, yé maa a dɔɔ.

Minwiinzannu lé Wezuofe Sɛbɛ 21:12 ပူးပေါင်းရင်းမြစ်များ

2 Samuɛl 21:1

David bléyi va lɔrɔ dɔ tɛrɛ la lɛɛ yaa. David Gakelebale yara gini yé Gakelebale léé: Saul valé élé kɔngimunu, mi nyɛzanamunu lé we ma lé. É Gabaɔn munu gyɛ, azama.

1 Minwiinzannu 17:1

Galaad tɛrɛ la mi do, Tisibi mi Éli lé Akab lɛ léé: Gakelebale, Izraɛl lé Bale lé maa ke a wuozan nya, é a é yuɛma. Lɛɛ ’konu wuo, lɛɛ ’ka dan da lɛ lo yé fli ’ka dan vɔ lɛ lo, ’té dé maa ’ka a fe lɛ lo.

2 Minwiinzannu 19:35

’Bɛ béli duo nya, Gakelebale lé lanje da yé é munu gyɛ Asirinu lé sɔkɔn dɔna mi baa yɔ ziɛn wɔlɛ vu ta fié, é ta lé mi wuru soru. Wo nwa bladi aan wo, bé ye, migalenu saa lé.

2 Minwiinzannu 8:1

Élizé lé lezan lé é a be nwa gale va, a lɛ léé: ’I nwa yé ’i go, bii valé ilé kɔngimunu koo, yé ’i nyana fɛana lé i bɔalɛ, ana; naa, Gakelebale lɔrɔ dɔ yé é dan vo lɛ tɛrɛ la fɔɔ lɛɛ sɔrafié.

Minwiinzannu lé Wezuofe Sɛbɛ 21:11

Gad go David va yé é lé a lɛ léé: Gakelebale léma:

Lɛrɛvɔ Sɛbɛ 91:6

Migyɛgyɛ lé éé tawoo gunutinu va koo, Gyɛ lé éé ’wiié mi ta é yiéyi koo, i ’ka dan kana lɛ wo lee lo.

Fwile 12:23

Dé Gakelebale gié Éjipiti blale we gi, dé é nyɛ ye duolivɔgiyili fié valé a ’wuolayili ma, Gakelebale é dan gié lɛ kɔn ’léé ta loru, yé é ’ka dan a nyi si lɛ léé, mikulugazan é wɔra kalé kɔnnu gi mi gyɛle we gi lo.

Ézai 66:16

Kyɛ nya lé Gakelebale élé we lɛgi paan; alé gwɔun éé we lɛdɔa mi faa gi, yé Gakelebale é dan mi kiɛre gyɛ lɛ.

Jérémi 12:12

Fɛsɛrɛzannu éé sié bwi gi fɛna nwalenu faa na, Naa, Gakelebale lé gwɔun mi gyɛle sia tɛrɛ glɛ do la fɔɔ yé é bɔ a glɛ koɛ la; Vole drɔɔ ’ka mi do kpen zé nya lo.

Jérémi 42:16

gwɔun lé ka kanaan a lee, é dan bɔ lɛ ka ma Éjipiti tɛrɛ ’ko la. Lɔrɔ lé ka kanaan a lee, é dan bɔ lɛ ka ma Éjipiti tɛrɛ la, yé ka dan ga lɛ ’bɛna.

Jérémi 47:6

Gakelebale lé gwɔun, i dan flin lɛ mɛ bléyi vaa? ’I wɔra i kɔlɛ gi é ziin, Yé ’i vo ana drɔɔ.

Jérémi Lé Wuvɔ Sɛbɛ 4:9

Munu lé woo zamaga wo gwɔun lee, wozé néné mini Munu lé wo zamaga wo lɔrɔ lee, ’Té gyɛ bɛ ’na wo gi, ’Té féifɛ ’ka wo lee lo, wozé ta.

Lévinu 26:10

Ka dan kalé fɛ kwanu ble lɛ, yé ka dan fɛ kwa bɔra lɛ, fɛ dɛrɛnu pana yele we ma.

Lévinu 26:17

Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

WENÉNÉ LÉ LUK A GYE (Évangile selon Luc) 4:25

Maa lé ka lɛ webozen nya léé, gyɛzaralomu kiɛre ana Izraɛl tɛrɛ la Éli bléyi va, ’té lɛɛ ’ka dan lo lɛɛ yaa moné suiɛdo, yé lɔrɔ blɛn dɔ ana tɛrɛ faa ta,

Kelewenu 12:23

É ’ka Kazambale tɔ bɔ lɛ we ’ko gi lo, amalé a bléyi duo nya Mizambale lé lanje do a gyɛ. Yé klé a ble yé é ga.

Bélidɔwesɛbɛ Fiézan 28:15

Naa, dé ka ’ka Gakelebale, kalé Bale dére lɛdɔ lɛ a ma lo, yé bélidɔwenu faa valé a sɔnnénu faa lé maa wo fe ka lɛ kyɔ, dé ka ’ka vo lɛ wo la yé ka wo pa lo, bale lé é dan a pa lɛ ka ma yé é ka kun, yee lé ke ’ko:

Bélidɔwesɛbɛ Fiézan 28:22

Fuuné gyɛ koo, kɔlɛ kyɛdɔle koo, lɔlu gyɛ koo, kɔlɛ brɔnbogyɛ koo, misiégigyɛ koo, gyɛkwagyo koo, miwisɛrɛgyɛ koo, Gakelebale é dan ka gyɛ lɛ ’bɛnu nya, yé wo dan vo lɛ ka gɔnɔ gi fɔɔ yé ka zamaga wo.

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.

Bélidɔwesɛbɛ Fiézan 28:27

Éjipiti tɛrɛ lé manɔn koo, flanboragyɛ koo, kwɛɛkwɛ koo, koro koo, Gakelebale é dan ka gyɛ lɛ wo nya yé ka ’ka bɔa bélile lɛ lo.

Bélidɔwesɛbɛ Fiézan 28:35

Gakelebale é dan manɔn naané vɔ lɛ ka powuo valé ka boro gi, yé ka ’ka bɔa bélile lɛ lo; é dan ka gyɛ lɛ, é sia ka ganebuli fɔɔ yé é bɔ ka nwiin.