Minwiinzannu lé Wezuofe Sɛbɛ 19:6 - Kazambale lé Sebe Sauunu 1979

⁶ Amɔnnu a ye aan wo léé, ’wo gin dɔ David nyé gi, wo valé Anun gɔɔlifu talan wuru soru si yé wa pa Sirinu lé wo ke Mézopotami valé Maaka valé Tesoba tɛrɛnu la, wo lɛ zia léé, ’wo gulidangoronu valé wisootazannu nɔ ’wo lɛ.

Minwiinzannu lé Wezuofe Sɛbɛ 19:6 ပူးပေါင်းရင်းမြစ်များ

Wepélisiananu 34:30

Jakɔb lé Siméɔn valé Lévi lɛ léé: Ka an sɛrɛ yé ka an gin dɔ tɛrɛ ’ko la munu nyé gi, Kanaannu valé Férézinu nyé gi. An vamunu ’ka kiɛre lo. Wo dan zén lɛ ékeva an ma yé wo dan an bla lɛ yé wo dan an kulu ga lɛ, maa valé anlé munu nya.

2 Samuɛl 10:6

Amɔn munu a ye aan wo léé, ’wo gin dɔ David nyé gi, wo sunyanu laa léé, ’wo da bɔ ’wo va yé ’wo wo banwo; Bɛt‐Réob Sirimunu valé Tesoba Sirimunu lé gane la tawo sunyanu a baa vu; Maaka nwiinzan lé munu a mi wuru soru, yé Tob lé munu a mi baa suiɛdo.

2 Samuɛl 8:3

David guli dan Tesoba nwiinzan Réob be Adadézɛɛ va, bléyian va lé ’bɛ a gona Yufrat yuu kɛlɛ lɛ ézé nya é ziin, a bléyi va.

Minwiinzannu lé Wezuofe Sɛbɛ 18:5

Sirinu si Damas yé wo da bɔ lɛ Tesoba nwiinzan blɛn Adadézɛɛ va, yé David Sirinu gyɛ mi baa vu ta do.

Minwiinzannu lé Wezuofe Sɛbɛ 18:9

Amat nwiinzan blɛn Tou a ’ma léé, David Tesoba nwiinzan blɛn Adadézɛɛ lé sunyanu faa kele,

Minwiinzannu lé Wezuofe Sɛbɛ 19:5

David we ’ko ’ma aan wo, é munu pa wo ’lɛ zia, naa, yara a munu ’ko gyɛna é baba, yé é we pa ’bɛnu ’léé, léé, ’wa fe wo lɛ léé, ’wo vo Jériko fɔɔ yé wo lɛmagun é bɔ é ziin, ’bɛ zuo yé ’wo da.

2 Minwiinmunu lé Wezuofe Sɛbɛ 18:3

Izraɛl nwiinzan blɛn Akab lé Juda munu nwiinzan blɛn Jozafat lɛ léé: É sɔ i lɛ léé, i go an va Ramɔt lé ke Galaad tɛrɛ la bɛ, anaa? Jozafat a zi pa a lɛ léé: Ko fié a mi do nya; anlé munu a ilé munu nya. Kaa go guli dan wo va.

2 Minwiinmunu lé Wezuofe Sɛbɛ 18:5

Izraɛl nwiinzan blɛn balelayezannu zén ékeva, wo mi wuru fié bɔa, yé é lé wo lɛ léé: ’Ko go guli dan Ramɔt lé ke Galaad tɛrɛ la, a va laa, taa, ko diéraa? Yé wa zi pa léé: ’I go. Bale é dan a pa lɛ minwiinzan blɛn lee.

2 Minwiinmunu lé Wezuofe Sɛbɛ 18:9

Izraɛl nwiinzan blɛn valé Juda nwiinzan blɛn Jozafat a é nyanale wolé webleblin ta do do wolé fuasɔnu nya ’wo ta, Samari gɔrɔ ’léé, ’té balelayemunu faa éé balelawe fé wo ’lɛ.

2 Minwiinmunu lé Wezuofe Sɛbɛ 25:6

É ziin, é Izraɛl sunyanu nyanazannu baa yɔ fié wɔlɛ vu lué gɔɔlifu talan yɔ soru va.

2 Minwiinmunu lé Wezuofe Sɛbɛ 27:5

É guli dan Amɔn munu nwiinzan blɛn va, yé guliwuo vo a lɛ. Gɔɔlifu talan yɔ soru koo, buruwɔlɛ vlekyɛɛ baa yɔ fié wɔlɛ vu koo, sɔnmlén vlekyɛɛ baa yɔ fié wɔlɛ vu koo, Amɔn munu a nɔ a lɛ yee lɛɛ ’ko gi, yé a lɛɛ fiézan valé a lɛɛ yaazan zé kɛlɛ yee duo zo.

Lɛrɛvɔ Sɛbɛ 14:3

Wo faa zi buu, wo faa saan, Mian éé wezin kɛla, ’bɛzan ’ka lo, A do boen ’ka lo.

Lɛrɛvɔ Sɛbɛ 46:9

’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

Fwile 5:21

Wo lé wo lɛ léé: Gakelebale ’é ka ye ma, yé é a we ble ma. Ka ko gin dɔ Faraɔn valé é wuomunu nyé gi, yé ka gwɔun pa wo lee ko gyɛle we gi.

WENÉNÉ LÉ LUK A GYE (Évangile selon Luc) 10:16

Mi lé éé tɔné dɔa ka lɛ, éé tɔné dɔa an lɛ, yé mi lé éé sɔn vɔa ka ma, éé sɔn vɔa an ma; yé mi lé éé sɔn vɔa an ma, éé sɔn vɔa mi lé é an pa zia, a ma.

1 Tɛsalɔnik munu 4:8

Bɛwemalé mian éé sɔn vɔa we plalenu ’ko ma, é ’ka sɔn vɔ lɛ mi ma lo, naa, Kazambale lé é Léli Sauun nɔ ka lɛ, é sɔn vɔ yee ɛ ma.

1 Samuɛl 13:4

Izraɛl faa a ’ma léé, wa fena léé, Saul lé guli bɛ dia Filisitinu sunya palu do ta, yé Izraɛl gin dɔ Filisitinu nyé gi. Yé wo munu laa léé, ’wo go Saul va Gilgal.

1 Samuɛl 14:47

Saul plale Izraɛl nwiin lɛ sɔɔ aan wo, é guli dan é nyanézannu faa va, é zi fɛfaana, Moab koo, Amɔnnu koo, Édom koo, Soba nwiinzannu koo, Filisitinu koo, woo lé; dé é yara dɔ fɛana, guliwuo vo a lɛ.

1 Samuɛl 27:12

Akis bli vo David lɛ, yé é a fena léé: Ébo gin dɔ élé munu Izraɛl nyé gi, yé é dan kɛlɛ lɛ an wuozan nya lɛɛfaama.