Minwiinzannu lé Wezuofe Sɛbɛ 17:9 - Kazambale lé Sebe Sauunu 1979

⁹ maa nyanana nɔ anlé munu Izraɛl lɛ, yé maa wo suni wɔra léé, wo dɔ gligli, yé wo ’ka nɔɔan lo, yé minyanénu ’ka wo gya é dɛrɛ bélé é vinin zo lo,

Minwiinzannu lé Wezuofe Sɛbɛ 17:9 ပူးပေါင်းရင်းမြစ်များ

Minwiinzannu lé Wezuofe Sɛbɛ 17:10

bléyian va lé maa weblemunu dɔ anlé munu Izraɛl nwiin ’bɛ bléyi zo lo. Maa ka nyanézannu faa gyɛ yara nya. Gakelebale é dan ilé kɔn dɔ lɛ, maa ɛ fe i lɛ.

Minwiinzannu lé Wezuofe Sɛbɛ 17:8

dé i tawo fɛofɛana, maa a i va, maa i nyanézannu kulu ga i ’lɛ, yé maa tɔ nɔ i lɛ bélé tɛrɛlami blɛɛnnu tɔ zo;

Lɛrɛvɔ Sɛbɛ 44:2

Nyanamanu lé i wo pa é vinin, ko tranu bléyi va Wa zuo fe ko lɛ. Oo Bale, ko wo zuo ’ma ko tɔné nya.

Lɛrɛvɔ Sɛbɛ 89:22

Maa dan a kun lɛ an bɛ nya kli, Yé an bɛ é dan a dɔ lɛ plɛplɛ.

Lɛrɛvɔ Sɛbɛ 92:13

Mi tegelenu éé tin‐é bélé yɔ zo, Woo toroan bélé Liban lé sɛdrɛyili zo.

Fwile 2:23

’Bɛ zuo namɔn yé Éjipiti mununwiinzan blɛn ga, ’té Izraɛl lé nénu éé dunnuan é ziin plale mi wuo we ma, ’té woo siaan. Siaa lé wa wona kɛlɛle luu gi we ma, wo nwa fɔɔ yé wo bɔ Kazambale va.

Ézai 49:17

I benu é dan é kele; Munu lé wo i sɛrɛ yé wo i guru zana a gi, Wo dan si lɛ i méléna.

Ézai 60:18

Wo ’ka dan glawe ’ma lɛ ilé tɛrɛ la é dɛrɛ lo, Wo ’ka dan ’wiile fɛ ta valé fɛ sɛrɛle vun ’ma lɛ ilé fɛna é dɛrɛ lo; Wo dan i gɔrɔ laa lɛ, sile we gi; Wo dan i gɔrɔ ’léénu laa lɛ, tɔzinfele.

Ézai 61:3

Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

Jérémi 24:6

Maa dan an yuɛ vɔ lɛ wo ta bli zima nya, yé maa dan da lɛ wo nya tɛrɛ ’ko la é ziin; maa dan wo nyana lɛ ana, yé maa ’ka dan wo kulu ga lɛ é dɛrɛ lo. Maa dan wo nyana lɛ kli, yé maa ’ka dan wo nwa lɛ é dɛrɛ lo.

Jérémi 32:41

Wezin kɛlɛle wo lɛ é dan an gi nana lɛ, yé maa dan wo nyana lɛ kli tɛrɛ ’ko ta, an bli faa valé an boen faa nya.

Ézékiɛl 28:4

ilé wedɔɔle valé i gikinile lé we ma lé i fuafɛnu ye izé nya. I kyan valé gɔɔlifu téé ilé fɛwezannu tééna.

Ézékiɛl 34:13

Maa dan wo si lɛ bɛnnu méléna, maa dan wo si lɛ tɛrɛ do do ta yé maa dan go lɛ wo nya wobo lé tɛrɛ la; maa dan wo pa lɛ Izraɛl tɛrɛla gɔnu nwiin, ’bɛ valé ’yiyoronu sɔnɔ, fɛ faa lé munu ke é nyanale ana, wona.

Ézékiɛl 37:25

Tɛrɛ lé maa a nɔ an leezan Jakɔb lɛ, yé wo tranu nyana a ta bɛ, wo dan nyana lɛ a ta; wo koo, wolé nénu koo, wo nénénu koo, wo dan nyana lɛ a ta lɛɛfaama. Yé an leezan David é dan kɛlɛ lɛ wo nwiinzan nya yifaama.

Amɔs 9:15

Maa dan wo nyana lɛ kli wolé tɛrɛ la, Yé tɛrɛ lé maa a nɔ wo lɛ, wo ’ka dan wo si lɛ ana lo. A zo lé Gakelebale, ilé Bale a fe.

Éfez munu 5:6

Té mi do é ka saan dére boanu nya lo ma. We ’konu ɛ dan Kazambale lé bliflile nya tɔnégiplɛplɛzannu ma.

Wegɔɔnle 21:4

É dan wo yuɛyi si lɛ yé mi ’ka dan ga lɛ é dɛrɛ lo; wo ’ka dan gyɛ bo lɛ é dɛrɛ lo; wo ’ka dan wuvɔ lɛ é dɛrɛ lo; wo ’ka dan nyané ble lɛ é dɛrɛ lo, naa, we vininnu faa gié.