Minwiinzannu lé Wezuofe Sɛbɛ 17:24 - Kazambale lé Sebe Sauunu 1979

²⁴ I dére ’é vo ana, i tɔ zin bɔle yifaama we gi, yé wo léé: Lai sunyanu lé Gakelebale, Izraɛl lé Bale, é a Izraɛl lé Bale nya. Yé i leezan David kulunu ’é dɔ gligli i yuɛ va.

Minwiinzannu lé Wezuofe Sɛbɛ 17:24 ပူးပေါင်းရင်းမြစ်များ

Minwiinzannu lé Wezuofe Sɛbɛ 17:23

Oo Gakelebale, sin, dére lé bé fe i leezan valé a kulunu lé we ma, ’é vo ana lɛɛfaama ma, yé ’i we kɛlɛ i dére yɛrama ma.

Minwiinzannu lé Wezuofe Sɛbɛ 17:25

Oo anlé Bale, biibozen a gɔɔn i leezan lɛ léé, i dan a kulu vo lɛ ana. ’Bɛlé we ma lé é dɔ i leezan ’wuo gi léé, é dan bazoro lɛ i lɛ.

2 Minwiinmunu lé Wezuofe Sɛbɛ 6:33

’bé ’ma lanu gi, i nyanana, yé we faa lé bɛn ’ko a laa i lee, bé nɔ a lɛ ma, léé, tɛrɛla bɛnnu faa i tɔ dɔɔ kanale i lee we ma, bélé ilé munu Izraɛl zo, yé wa gi dɔɔ léé, munu éé i tɔ laan, kɔn ’ko lé maa a dɔ, a gi.

Lɛrɛvɔ Sɛbɛ 21:13

Yé i wo nwunzi dɔ i ta, Yé i dan sa vɔ lɛ wo ma.

Lɛrɛvɔ Sɛbɛ 72:19

’Wo a tɔ zin bɔle drɔɔ vo yifaama ma! Tɛrɛ faa ’é fan a tɔbɔle nya ma! Amɛɛn! Amɛɛn!

Lɛrɛvɔ Sɛbɛ 90:17

Gakelebale, kolé Bale lé zin ’é kɛlɛ ko ta ma. ’I ko bɛnu panyanama dɔ gligli, Iin, ’i ko bɛnu panyanama dɔ gligli ma.

Jérémi 31:1

Gakelebale léma: ’Bɛ yi ’ko la, maa dan, kɛlɛ lɛ Izraɛl lele faa lé Bale nya, yé wo dan kɛlɛ lɛ anlé munu nya.

Jérémi 38:17

Yé Jérémi lé Sédésias lɛ léé: Gakelebale, sunyanu lé Bale, Izraɛl lé Bale léma: Dé i yɔfalo fu vɔ i bɔrɔ ma yé i go ibo nya Babilɔn munu nwiinzan blɛn lé zilɛzannu lɛ, i dan vo lɛ é yuɛma, yé wo ’ka dan fla ’ko kyɛ ble lɛ lo; bii valé ilé munu é dan vo lɛ é yuɛma.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

Matio 6:9

’Ka bazoro ’ko zo: Ko Ti lé é ke la gi, munu ’é kana i tɔ ma ma;

WENÉNÉ LE JAN A GYE (Évangile selon Jean) 12:28

An Ti, ’i tɔ kɛlɛ blɛn ma. Yé dére do we la gi yé é léé: Maa a kɛlɛ blɛn, yé maa dan a taa kɛlɛ lɛ blɛn é ziin.

WENÉNÉ LE JAN A GYE (Évangile selon Jean) 17:1

We ’konu fele zuo Jézu é yara nwa loru yé é léé: An Ti, a bléyi bɔ. Maa lé ke i Be nya ’ko, ’i an tɔ kɛlɛ blɛn yé maa i é tɔ kɛlɛ blɛn é ziin,

Filip munu 2:11

’té nɛnɛ faa a fé léé, Jézu Krist a Mizan nya, Tibale tɔ bɔle we ma.

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

Ébrunu 8:10

Naa, Mizambale léé: Gipawe lé maa dan a kɛlɛ lɛ Izraɛl munu va Yi ’konu zuo, yee lé é ke ’ko: Maa dan anlé bélidɔwenu pa lɛ wo ’wuo gi, Maa dan wo gyɛ lɛ wo bli gi Yé maa dan kɛlɛ lɛ wolé Bale nya, Yé wo dan kɛlɛ lɛ anlé munu nya.

1 Piɛri 4:11

Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.

Wegɔɔnle 21:3

Yé maa dére plɛplɛ do ’ma, é si webleblin va yé é léé: Kazambale nyanana kɛlɛ munu va sin. É dan vo lɛ wo va, yé wo dan kɛlɛ lɛ alé munu nya, yé Kazambale bozen é dan kɛlɛ lɛ wo va.