Minwiinzannu lé Wezuofe Sɛbɛ 17:21 - Kazambale lé Sebe Sauunu 1979

²¹ Bɛn bɛ a tɛrɛ la bélé ilé munu Izraɛl zoo? I da wo tabo lɛ, wo kɛlɛle ilé munu nya we gi, yé i tɔ nɔ ibo lɛ yé i gyɛzorowe valé we blɛnblɛnnu kɛlɛ bɛnnu binle nya ilé munu lé i wo tabo Éjipiti munu lee, wo ’lɛ. Bɛn bɛ a ’bɛ zoo?

Minwiinzannu lé Wezuofe Sɛbɛ 17:21 ပူးပေါင်းရင်းမြစ်များ

Minwiinzannu lé Wezuofe Sɛbɛ 17:20

Oo Gakelebale, i bɔmazan ’ka lo, bii do kpen lé ke Bale nya, a bɛ ’ka lo, we faa lé ko a ’ma ko tɔné gi, a yɛrama.

Minwiinzannu lé Wezuofe Sɛbɛ 17:22

Ilé munu Izraɛl dɔ gligli, léé, wo kɛlɛ ilé munu nya lɛɛfaama; yé bii, Gakelebale, i kɛlɛ wolé Bale nya.

Néémi 9:10

I gyɛzorowenu valé we blɛnblɛnnu kɛlɛ Faraɔn koo, é wuozannu koo, élé tɛrɛlamunu faa koo, wo lɛ. Naa, nyanénu lé wa pa ko tranu ta, bé gi dɔɔ, yé ilé fuasan bɔra bélé fɛan zo lé bé bɔra kyɔ ko lɛ ’ko, a zo.

Lɛrɛvɔ Sɛbɛ 107:2

Munu lé Gakelebale wo tabo, Yé é wo si wo nyanézannu lee,

Lɛrɛvɔ Sɛbɛ 111:9

É ’élé munu tabo, Alé gipawe a é dɔle é dɔbɛ gi lɛɛfaama; A tɔ ’lɛ a; éé kana zén‐é munu gi.

Lɛrɛvɔ Sɛbɛ 147:20

É ’ka ’bɛ zo wenu kɛlɛ lɛ bɛnnu faa lɛ lo, Yé wo ’ka a déretawenu dɔɔ lɛ pelo. ’Ka Gakelebale tɔ zin fe.

Lɛrɛvɔ Sɛbɛ 65:5

Mian bé si a va yé bé dale i va nyi sié, Léé, é nyana ilé gɔrɔ gi, azé a néné. Ilé kɔn gi fɛ zinnu é dan ko kan lɛ, Ilé kɔn sauun é dan kozé bɔ lɛ.

Lɛrɛvɔ Sɛbɛ 77:15

Bii a Bale lé éé we blɛnblɛnnu kɛla, a nya; I ilé plɛplɛ nagɔɔn munu méléna.

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Ézai 48:9

An tɔ lé we ma, an daan anlé bliflile ma, Anlé fuasan we ma, anbo kun ka vazia, Dé maa da ka kulu ga.

Ézai 63:12

té éé zi gɔɔn‐an Moizi bɛyi lɛ ébo bɛ plɛplɛ nya, é a kyɛɛn? Mi lé é ’yi fén gyɛ wo ’lɛ, tɔ lé a glɛ ’ka lo, a yele we ma,

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Ézai 64:3

Wenu lé i wo kɛlɛ munu lé wo pa i ta, wo lɛ, dé é ’ka bii do kpen nya lo, ko ’ka tan a ’ma lɛ léé, bale bɛ ’bɛ kɛlɛ yé ko ’bɛ ye lo.

Jérémi 32:21

Ilé munu Izraɛl si Éjipiti tɛrɛ la, gyɛzorowenu valé we blɛnblɛnnu kɛlɛle nya, i bɛ plɛplɛ soile nya, é valé kana blɛn zénle nya wo gi.

Bélidɔwesɛbɛ Fiézan 15:15

A sele ’é dɔ ka gi léé, ka a luu nya é vinin Éjipiti tɛrɛ la yé Gakalebale, kalé Bale ka tabo; bɛwemalé maa bélidɔwe ’ko nɔ ka lɛ kyɔ.

Bélidɔwesɛbɛ Fiézan 4:7

Wezen lé, bléyi faa lé ko Gakelebale, kolé Bale tɔ laan a nya, é a ko sɔnɔ fɛan zo, bɛn blɛn kyɛn ɛzé Bale ke ’é sɔnɔ ’bɛ zoo?

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Jozué 10:42

Minwiinzannu ’ko valé ’wolé tɛrɛnu, Jozué wo faa si bléyi do nya, naa, Gakelebale, Izraɛl lé Bale Izraɛl ta guli dan, ’bɛzama.