Minwiinzannu lé Wezuofe Sɛbɛ 17:12 - Kazambale lé Sebe Sauunu 1979

¹² Yee ɛ dan kɔn dɔ lɛ an lɛ, yé maa ’ka dan a plale munu nwiin glɛ dɔ lɛ lo.

Minwiinzannu lé Wezuofe Sɛbɛ 17:12 ပူးပေါင်းရင်းမြစ်များ

1 Minwiinzannu 5:5

Bé ye, é a an gi léé, ’an kɔn dɔ Gakelebale, anlé Bale tɔ nya, Gakelebale a fe an ti David lɛ fɛan zo, a zo. É léé: I be lé maa dan a nyana lɛ i pa gi, ilé webleblin ta, yee ɛ dan kɔn dɔ lɛ an tɔ nya.

1 Minwiinzannu 8:19

Naa, biian, i dan kɔn ’ko dɔ lɛ lo; i be lé i dan a yaa lɛ, yee ɛ dan kɔn ’ko dɔ lɛ an tɔ nya.

Minwiinzannu lé Wezuofe Sɛbɛ 17:11

Dé ilé yinu lɛ sɔɔ yé i go i tranu va, maa dan i kulu do nwa lɛ i zuo, i be do nya, yé maa dan a kɛlɛ lɛ mununwiinzan nya.

Minwiinzannu lé Wezuofe Sɛbɛ 17:13

Maa dan kɛlɛ lɛ a ti nya, yé é dan kɛlɛ lɛ an be nya, yé maa ’ka dan an yuɛ si lɛ a ta, bélé fɛan zo lé maa a si mi lé ke i ’lɛ, a ta, a zo lo.

Ezidras 5:11

Wa zi pa ko lɛ léé: Bale lé ke tɛrɛ valé la kɛlɛzan nya, ko a a wuozannu nya, yé kɔn lé wa dɔ a lɛɛ kiɛre lo, ko a yee ɛ bɛ dɔna é ziin. Kɔn lé Izraɛl minwiinzan blɛn do a dɔ, yee kɔn lé.

Lɛrɛvɔ Sɛbɛ 72:17

A tɔ é dan kɛlɛ lɛ ana yifaama, A tɔ é dan vo lɛ ana bélé yiri mɔnle zo, A tɔ gi lé wo dan wo ke drɔɔ vo lɛ, Yé bɛnnu faa é dan a fe lɛ léé, azé a néné.

Lɛrɛvɔ Sɛbɛ 89:29

Maa dan anlé zin tadɔ lɛ azé nya yifaama, Yé anlé gipawe é dan vo lɛ é dɔbɛ gi yifaama.

Lɛrɛvɔ Sɛbɛ 89:4

Maa an gi pa do munu lé maa wo si a va anzé nya, wo va; Wean maa anbo ’nyɔɔn a nya an wuozan David lɛ, yee lé ke léé:

Lɛrɛvɔ Sɛbɛ 89:5

I kulu ’ka dan nyaa lɛ pelo. I plale mi nwiin glɛ ’ka dan dɔ lɛ lo.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

1 Korent munu 15:25

Naa, é a lé é pla mi faa nwiin fɔɔ yé é nyanézannu faa pla é wuo.

Kolɔs munu 2:9

Naa, Krist kɔlɛ gi lé Kazambale dɔbɛ bozen lɛsɔɔlenu ke,

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.