Minwiinzannu lé Wezuofe Sɛbɛ 17:11 - Kazambale lé Sebe Sauunu 1979

¹¹ Dé ilé yinu lɛ sɔɔ yé i go i tranu va, maa dan i kulu do nwa lɛ i zuo, i be do nya, yé maa dan a kɛlɛ lɛ mununwiinzan nya.

Minwiinzannu lé Wezuofe Sɛbɛ 17:11 ပူးပေါင်းရင်းမြစ်များ

Wepélisiananu 15:15

Yé bii é dan go lɛ drɔɔ i tinu va; i dan kwa gyɛ lɛ gi nanale nya, ’bɛ zuo yé wo dan i pa lɛ.

1 Minwiinzannu 1:21

Yé dé anzan minwiinzan yi gyɛ é tinu va, wo dan we kɛlɛ lɛ maa valé an be Salomɔn lɛ bélé weanwiinzannu zo.

1 Minwiinzannu 2:10

David yi gyɛ é tinu va yé wa pa David lé fla.

1 Minwiinzannu 8:19

Naa, biian, i dan kɔn ’ko dɔ lɛ lo; i be lé i dan a yaa lɛ, yee ɛ dan kɔn ’ko dɔ lɛ an tɔ nya.

1 Minwiinzannu 8:20

Gakelebale dérean fe, é a lɛ sɔɔ. Maa nwa an ti David pa gi, yé an nyana Izraɛl minwiinzan blɛn lé blin ta, Gakelebale a fe fɛan zo, a zo, yé an kɔn ’ko dɔ Gakelebale Izraɛl lé Bale tɔ nya.

Minwiinzannu lé Wezuofe Sɛbɛ 17:10

bléyian va lé maa weblemunu dɔ anlé munu Izraɛl nwiin ’bɛ bléyi zo lo. Maa ka nyanézannu faa gyɛ yara nya. Gakelebale é dan ilé kɔn dɔ lɛ, maa ɛ fe i lɛ.

Minwiinzannu lé Wezuofe Sɛbɛ 17:12

Yee ɛ dan kɔn dɔ lɛ an lɛ, yé maa ’ka dan a plale munu nwiin glɛ dɔ lɛ lo.

Minwiinzannu lé Wezuofe Sɛbɛ 28:5

Yé é négɔnénu nɔ an lɛ kiɛre, yé é an be Salomɔn si wo va, léé, ’é pla Izraɛlmunu nwiin, yé ’é nyana Izraɛl munu lé webleblin ta.

Minwiinzannu lé Wezuofe Sɛbɛ 29:15

Ko a bɛnnu valé giézannu nya i yuɛ gi, bélé ko tranu faa zo; kolé tɛrɛla yinu a bélé furɔ zo, yé ko bli ’ka we do lɛ lo.

Minwiinzannu lé Wezuofe Sɛbɛ 29:28

É kwa gyɛ ginanale nya yé é ga; a yi a kiɛre yé alé fuafɛnu valé a tɔ bɔle fan. Yé a be Salomɔn pla munu nwiin a pa gi.

2 Minwiinmunu lé Wezuofe Sɛbɛ 6:9

Naa, biian, i dan kɔn ’ko dɔ lɛ lo; i be lé i dan a yaa lɛ, yee ɛ dan kɔn ’ko dɔ lɛ an tɔ nya.

Lɛrɛvɔ Sɛbɛ 132:11

Gakelebale webozen fe David lɛ ébo ’nyɔɔnle nya, É ’ka dan é dére nɔla lɛ lo; é léé: Maa dan ibozen giné nyana lɛ ilé webleblin ta.

Lɛrɛvɔ Sɛbɛ 89:5

I kulu ’ka dan nyaa lɛ pelo. I plale mi nwiin glɛ ’ka dan dɔ lɛ lo.

Jérémi 33:17

Naa, Gakelebale léma: David kululazan lé éé nyanaan Izraɛl munu lé webleblin ta, é ’ka dan vuru lɛ a ma lilo;

Kelewenu 13:36

Naa, dé é a David zé nya, é Kazambale bɔ ’bɛlé blibɔmawe kɛlɛle nya élé tɛrɛla gi, yé é ga yé é go é tranu va yé é vɔn.

Kelewenu 2:29

An bwenu, ’ka zi nɔ an lɛ yé maa kaa tra David lé we fe ka lɛ ma. É ga yé wa pa, yé a vun a kaa va kyɔ.

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.