Minwiinzannu lé Wezuofe Sɛbɛ 17:1 - Kazambale lé Sebe Sauunu 1979

¹ David nyana kli élé kɔn gi aan wo, é lé balelayezan Natan lɛ léé: I ’a yé loo? an nyanaan kɔn lé wa dɔ sɛdrɛyili nya, a gi, ’té Gakelebale lé gipawe pagikɛsu a é dɔrale sɔkɔn gi.

Minwiinzannu lé Wezuofe Sɛbɛ 17:1 ပူးပေါင်းရင်းမြစ်များ

2 Samuɛl 12:1

Gakelebale Natan pa zia David va. Yé Natan da a va yé ’bɛ lé a lɛ léé: Fla do la gɔné fié ana, a do a fuablezan nya yé a do a nyanégyɛzan nya.

2 Samuɛl 12:25

É a pa balelayezan Natan lee yé ’bɛ a tɔ pa Jédija, Gakelebale lé we ma.

2 Samuɛl 6:17

Yé wo da Gakelebale lé kɛsu nya yé wa dɔra ’é dɔrana, sɔkɔn lé David a dɔ azé nya, a méléna; balebanwi lé wa kyɛ blé, é valé bɔvɔ sarakanu, David wo bo Gakelebale lɛ.

1 Minwiinzannu 1:23

Wa fe minwiinzan lɛ léé: Balelayezan Natan lo. É wɔra minwiinzan va yé é yia é bli la minwiinzan ’lɛ, ’té a yara a é buale tɛrɛ va.

1 Minwiinzannu 1:44

Balebanzan Sadɔk koo, balelayezan Natan koo, Jéojada be Bénaja koo, Kérétimunu valé Pélétimunu koo, é wo nwunvɔ Salomɔn va yé wa nyana minwiinzan lé sokofale ta.

1 Minwiinzannu 1:8

Naa, Balebanzan Sadɔk koo, Jéojada be Bénaja koo, balelayezan Natan koo, Siméi koo, Réi koo, David lé nyanazannu koo, wo ’ka Adonija va lo.

1 Minwiinzannu 8:17

É a an ti David gi léé, ’é kɔn dɔa Gakelebale, Izraɛl lé Bale tɔ nya.

Minwiinzannu lé Wezuofe Sɛbɛ 14:1

Tii nwiinzan Iiram munu nwunvɔ David va; yé é sɛdrɛyilinu pa a lɛ zia, gɔlɛnyaamunu koo, yilinyaazannu koo, é wo pa a lɛ zia alé kɔn dɔle we ma.

Minwiinzannu lé Wezuofe Sɛbɛ 15:1

David élé kɔnnu dɔ David lé fla; é fɛna ma’lɛrɛ Kazambale lé kɛsu zé nya, yé é sɔkɔn dɔ a lɛ.

Minwiinzannu lé Wezuofe Sɛbɛ 16:1

Dé wo da Kazambale lé kɛsu nya, wa dɔra sɔkɔn lé David a dɔ azé nya, a wuo, yé wo Kazambale ban winu lé wa kyɛ blé, wo nya, yé wo bɔvɔ sarakanu bo.

Minwiinzannu lé Wezuofe Sɛbɛ 17:2

Natan a zi pa David lɛ léé: Kazambale a i va, amalé we faa lé ke i bli gi, bé kɛlɛ.

Minwiinzannu lé Wezuofe Sɛbɛ 17:5

É sia yian nya lé maa Izraɛl si luu gi fɔɔ kyɔ, maa ’ka nyana lɛ kɔn gi monomono lo; an nyanaan sɔkɔnnu gi nuu, an nyanana kɛlɛ fɛ kiɛre na.

Minwiinzannu lé Wezuofe Sɛbɛ 22:6

David é be Salomɔn laa, yé é lé a lɛ léé, ’é kɔn dɔ Gakelebale, Izraɛl lé Bale zé nya.

Minwiinzannu lé Wezuofe Sɛbɛ 22:7

David lé Salomɔn lɛ léé: An be, é a an bli gi léé, maa kɔn dɔ Gakelebale anlé Bale tɔ gi.

Minwiinzannu lé Wezuofe Sɛbɛ 28:2

Minwiinzan blɛn David dɔ loru yé é léma: Anlé munu, an bwenu, ’ka tɔné dɔ an lɛ. É a an gi léé, ’an kɔn dɔ yé ’bɛ é kɛlɛ Gakelebale lé gipawe pagikɛsu flinna valé kolé Bale gane dɔrana nya, yé maa a anbo ma’lɛrɛna a dɔle we ma.

Minwiinzannu lé Wezuofe Sɛbɛ 29:29

Minwiinzan blɛn David kɛlɛwenu, a vininzannu valé a voélazannu, wa é gyɛle fɛnayezan Samuɛl koo, balelayezan Natan koo, balelayezan Gad koo, wolé sɛbɛnu gi;

2 Minwiinmunu lé Wezuofe Sɛbɛ 1:4

É kyɛn David sɔkɔn do dɔ Bale lé kɛsu zé nya Jérusalɛm yé é yee kɛsu si Kiijat‐Jéarim yé é go a nya fɛ lé é ana ma’lɛrɛ bɛ, ana.

Lɛrɛvɔ Sɛbɛ 132:5

Fɔɔ ’té an fɛna ye izé nya, ’Té an bii, Jakɔb lé Mi Plɛplɛ, nyanana kɛlɛ é wo.

Fwile 26:1

I dan sɔkɔn kɛlɛ lɛ lɛnsɔ vu nya; lɛnsɔ zima lé wa tan lɛn nénéle nya, ’té a yuɛɛ ke glayivayou valé galunaa valé sɔɔn nya; i dan sérubɛnnu foto dɔ lɛ a ta pɛɛ gyɛle nya.

Jérémi 22:15

Sɛdrɛyili lɔrɔ lé i gyɛle we ma lé i ke é plale mi nwiin? I ti ’ka fɛ ble lɛ loo? É ’ka ’yi mini lɛ loo? Naa, é we tegele valé we zima kɛlɛ Yé a gi nana.

Daniɛl 4:4

Maa, Nébukanɛsaa, an vo anlé kɔn gi drɔɔ, yé an gi nana anlé fuakɔn gi.

Agajé 1:4

Kɔn lé alé plafɔn ke, ka nyanale a gi bléyi lé ke ’koo? ’Té anlé kɔn ’ko a é ’wiilee?

Agajé 1:9

Ka bli a fɛ kiɛre lɛ, yé ka ye, fɛ sɛné a ka lee; ka da a nya ka va, yé maa fu fɛɛ a ta. Lai sunyanu lé Gakelebale léé: Mɛmaléé? Anlé kɔn sɛrɛ, azama, ’té ka kabo tunuan kabo lé kɔn dɔle we ma.

Kelewenu 7:46

David kɛlɛ mi zin nya Kazambale yuɛ gi yé ’bɛ a laa Bale lee léé, ’é kɔn dɔa Jakɔb lé Bale zé nya;