Minwiinzannu lé Wezuofe Sɛbɛ 15:29 - Kazambale lé Sebe Sauunu 1979

²⁹ Dé Gakelebale lé gipawe pagikɛsu wɔra David lé fla, ’té Saul lu Mikal a naginina fɛnɛti la; é minwiinzan blɛn David ye fɔrɔna, ’té éé nɛnɛ bo, yé é lɔlu kplililii bo a ma é bli gi.

Minwiinzannu lé Wezuofe Sɛbɛ 15:29 ပူးပေါင်းရင်းမြစ်များ

2 Samuɛl 6:16

Gakelebale lé kɛsu bɔra David lé fla bléyian va, ’té Saul lu Mikal a naginian fɛnɛti ta, yé é minwiinzan blɛn David ye fɔrɔna, é valé nɛnɛ bona Gakelebale ’lɛ, yé é nyé yéli a ma é bli gi.

Minwiinzannu lé Wezuofe Sɛbɛ 15:28

Izraɛlnu faa go Gakelebale lé gipawe pagikɛsu nya ginana siaale nya, ’té woo béli gɔnɔ fié fɛɛn, ’té woo kɔanu gya, ’té woo gitaanu valé kɔnɔnu gya.

Minwiinzannu lé Wezuofe Sɛbɛ 17:1

David nyana kli élé kɔn gi aan wo, é lé balelayezan Natan lɛ léé: I ’a yé loo? an nyanaan kɔn lé wa dɔ sɛdrɛyili nya, a gi, ’té Gakelebale lé gipawe pagikɛsu a é dɔrale sɔkɔn gi.

Lɛrɛvɔ Sɛbɛ 149:3

’Wo a tɔ zin fe nɛnɛbole nya ma, ’Wa kɛlɛ blɛn poo gyɛle valé kɔnɔ gyɛle nya ma.

Lɛrɛvɔ Sɛbɛ 150:4

’Ka a tɔ zin fe poo gyɛle valé nɛnɛbole nya. ’Ka a tɔ zin fe ginabo gyɛle valé gobé gyɛle nya.

Lɛrɛvɔ Sɛbɛ 30:11

Gakelebale, ’i tɔné dɔ an lɛ; ’i nyanai zén an ta. Gakelebale, ’i bɔ an va.

Fwile 15:20

Arɔn buru, balelayezan Mari yɔyɔ si, yé lomu faa da a zuo, yɔyɔnu nya wo lee, ’té woo nɛnɛ boo.

Bale Lé We Gifezan 3:4

wuvɔbléyi a, yé yérisibléyi a; gyɛ wuvɔbléyi a, yé nɛnɛbobléyi a;

Jérémi 3:16

Gakelebale léma: Dé ka fan yé ka kɛlɛ di tɛrɛ ’ko la, ’bɛ yinu la, wo ’ka dan Gakelebale lé gipawe pagikɛsu lé we fe lɛ é dɛrɛ lo; a we ’ka dan dɔ lɛ mi ’wuo gi é dɛrɛ lo; a sele ’ka dan dɔ lɛ mi gi é ziin lo, yé a sile ana ’ka dan dɔ lɛ mi gi é dɛrɛ lo, yé wo ’ka dan a bɛ kɛlɛ lɛ é dɛrɛ lo.

Jérémi 30:19

Bale bɔvɔle é dan kɛlɛ lɛ wo méléna, ’Té woo siaan ginanale nya; Maa dan wo fan lɛ, yé wo ke ’ka dan so lɛ a ’léé lo; Maa dan wo tɔ bɔ lɛ; wo ’ka dan serele bo lɛ wo ma lo.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Mi Nɔnɔle 10:33

Wo si Gakelebale lé gɔ nwiin yé wo tawo yi yaa. Gakelebale lé gipawe pagikɛsu go wo ’lɛ. Wo tawo yi yaa wo nyanana naginile we ma.

Kelewenu 2:13

Naa, mi kenu we nana wo ma yé wo léé: Wo kan dɔrɔ dɛrɛ nya.

1 Korent munu 2:14

Naa, blami pla ’ka Kazambale Léli lé wenu gi maan lo, wa a yuɛ gi tavowe nya. Mi éé wo gi maan Bale Léli nya, amalé blami pla ’ka wo gi maan lo.

2 Korɛnt Munu 5:13

Naa, dé ko a gwegyɛzannu nya, ’té ko a a nya Kazambale lɛ; dé ko a ’wuoatazannu nya, ’té ko a a nya ka lɛ.

Bélidɔwesɛbɛ Fiézan 31:26

’Ka bélidɔwe sɛbɛ ’ko si, ’ka a pa Gakelebale, kalé Bale lé gipawe pagikɛsu bɛ do la, yé ’bɛna lé é dan kɛlɛ lɛ wenayezan nya ka ma.

Ébrunu 9:4

Balebanna lé wa kɛlɛ kyan nya, ’té é ke lasikɔrɔ zé nya bɛ, é valé gipawe pagikɛsu lé wo kyan sele a ma, wa ’bɛna. Kyanbɔ lé mana ke a gi koo, Arɔn lé tawomayili lé é nɛɛ yé a vwi bi koo, gɔlɛfén lé gipawe ke é gyɛle a ta koo, wa gipawe pagikɛsu gi.

Jozué 4:7

Ka dan a fe lɛ wo lɛ léé: Juudɛn yoro bɔi Gakelebale lé gipawe pagikɛsu ’lɛ; dé é a Juudɛn kinina, ’té ’yi a é dɔle, yé gɔlɛ ’konu é dan kɛlɛ lɛ a sele dɔ Izraɛlnu gi fɛ nya lɛɛfaama.

Weblezannu 20:27

’Bɛ bléyi va Bale lé gipawe pagikɛsu a Bétɛl, ’té Arɔn be Éléazaa be Finé ɛ ke Balebanzan nya, yé Izraɛl lé nénu we laa Gakelebale lee léé: É a lé an guli dan é ziin an bwe Bɛnjamɛn va, taa, té maa go loo? Gakelebale a zi pa léé: ’Ka nwa, naa, tɛlɛ maa dan wo pa lɛ ka lee.

1 Samuɛl 25:44

Saul lu Mikal lé ke David lee, Saul a si yé é a nɔ Galim mi Lais be Palti lɛ.

1 Samuɛl 4:3

Munu nɔla sɔkɔn dɔna yé Izraɛl lé mi segelenu léé: Mɛmalé Gakelebale a nyi si léé, Filisitinu lé guli bɛ é dia ko ta kyɔɔ? Kaa go Silo Gakelebale lé gipawe pagikɛsu si; ’é da ko méléna ma, yé ’é ko si ko nyanézannu lee ma.