Minwiinzannu lé Wezuofe Sɛbɛ 15:28 - Kazambale lé Sebe Sauunu 1979

²⁸ Izraɛlnu faa go Gakelebale lé gipawe pagikɛsu nya ginana siaale nya, ’té woo béli gɔnɔ fié fɛɛn, ’té woo kɔanu gya, ’té woo gitaanu valé kɔnɔnu gya.

Minwiinzannu lé Wezuofe Sɛbɛ 15:28 ပူးပေါင်းရင်းမြစ်များ

2 Samuɛl 6:15

David valé Izraɛl munu faa go Gakelebale lé kɛsu nya gi nana siaale valé béli fɛnle nya.

2 Samuɛl 6:5

Lɛrɛvɔafɛ gɔnɔ faa lé wa kɛlɛ siprɛyili nya koo, kɔnɔ koo, kpélé koo, flin koo, yɔyɔ koo, kɔanu koo, David valé Izraɛl munu faa wo gyɛ Gakelebale ’lɛ.

Minwiinzannu lé Wezuofe Sɛbɛ 13:8

David valé Izraɛlnu faa nɛnɛ bo wolé plɛplɛ faa nya Gakelebale ’lɛ, ’té woo lɛrɛ vɔa kɔnɔnu koo, kpélénu koo, flinnu koo, kɔanu koo, bélinu koo, wo va.

Minwiinzannu lé Wezuofe Sɛbɛ 15:16

Yé David lé Lévinu ’lɛzannu lɛ léé, ’wo lɛrɛvɔafɛnu nɔ lɛrɛvɔzannu lɛ; gitaanu koo, kɔnɔnu koo, kɔanu koo, é a lé wo wo gyɛ yé wo we plɛplɛ, gi nanale tɔmase nya.

Minwiinzannu lé Wezuofe Sɛbɛ 15:24

Balebanzannu Sébania, Jozafat, Nétanéɛl, Amasai, Zakari, Bénaja, Éliézɛɛ, woo ɛ béli fɛɛn Kazambale lé kɛsu ’lɛ. Obɛd‐Édom valé Jékija a kɛsu kɔné sizannu nya é ziin.

Minwiinzannu lé Wezuofe Sɛbɛ 15:27

Lɛnsɔ zima a David ta; Lévinu faa lé wo ke Bale lé kɛsu sina koo, lɛrɛvɔzannu koo, lɛrɛ zilɛzan Kénania koo, lɛnsɔ zima a wo faa ta; éfɔdi lé wa kɛlɛ lɛnsɔ nya, ’bɛ a David ta.

Minwiinzannu lé Wezuofe Sɛbɛ 15:29

Dé Gakelebale lé gipawe pagikɛsu wɔra David lé fla, ’té Saul lu Mikal a naginina fɛnɛti la; é minwiinzan blɛn David ye fɔrɔna, ’té éé nɛnɛ bo, yé é lɔlu kplililii bo a ma é bli gi.

Minwiinzannu lé Wezuofe Sɛbɛ 25:1

David valé munu kiɛre ’ko, wo mi kenu dɔ nyanama la é ziin. Azafa benu valé Éman benu valé Jédutun benu lé woo balelawe fé kɔnɔ valé kpélé valé kɔanu gyɛle nya, wo wo dɔ wolé nyanama la.

Néémi 12:27

Jérusalɛm zi gɔrɔ nɔle Bale lɛ bléyi va, wo Lévinu laa wolé fla faa la, léé, ’wo da Jérusalɛm gɔrɔ nɔle Bale lɛ we ma yé wo fɛti kɛlɛ lɛrɛvɔle koo, kɔa gyɛle koo, kpélé gyɛle koo, kɔnɔ gyɛle koo, wo nya.

Lɛrɛvɔ Sɛbɛ 47:6

Bale a guliwuovolɛzannu méléna, ’té woo faa goo siaale nya; Gakelebale éé goo ’é ’lɛzia, ’té woo béli fɛɛn.

Lɛrɛvɔ Sɛbɛ 68:25

Oo Bale, woo i giéna yé, Woo anlé Bale, an nwiinzan lé tawobɛ yé fɛna sauun na.