Minwiinzannu lé Wezuofe Sɛbɛ 15:25 - Kazambale lé Sebe Sauunu 1979

²⁵ David koo, Izraɛl mi segelenu koo, mi wuru soru soru nwiinzannu koo, wo Gakelebale lé gipawe pagikɛsu si Obɛd‐Édom lé kɔn gi yé wo zén zia ginanale blɛn nya.

Minwiinzannu lé Wezuofe Sɛbɛ 15:25 ပူးပေါင်းရင်းမြစ်များ

1 Minwiinzannu 8:1

Yé Izraɛl lé mi segelenu koo, bɛn faa nwiinzannu koo, Izraɛl lé guniwuonu koo, minwiinzan Salomɔn wo laa léé, ’wo zén ékeva é va Jérusalɛm, Gakelebale lé gipawe pagikɛsu lé ke David lé fla Siɔn, a sile ana we gi.

2 Minwiinmunu lé Wezuofe Sɛbɛ 1:4

É kyɛn David sɔkɔn do dɔ Bale lé kɛsu zé nya Jérusalɛm yé é yee kɛsu si Kiijat‐Jéarim yé é go a nya fɛ lé é ana ma’lɛrɛ bɛ, ana.

2 Minwiinmunu lé Wezuofe Sɛbɛ 5:2

’Bɛ zuo, Izraɛl lé mi segelenu koo, Izraɛl bɛn faa nwiinzannu koo, Izraɛl lé guniwuonu koo, Salomɔn wo zén ékeva Jérusalɛm, Gakelebale lé gipawe pagikɛsu lé ke David lé fla Siɔn, a sile ana we gi.

Ezidras 6:16

Izraɛlnu koo, Balebanzannu valé Lévinu koo, luugimunu pɔnénu koo, wo kɔn ’ko nɔ Bale lɛ ginanale nya.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Mi Nɔnɔle 31:14

Moizi bli fli sunyanu ’lɛzannu ma, sunya wuru soru soru ’lɛzannu koo, sunya yɔ soru soru ’lɛzannu koo, wo ma.

Bélidɔwesɛbɛ Fiézan 1:15

Yé maa mi blɛnnu si ka bɛn lɛgɔnɔ faa gi, ’té wa wedɔɔmunu nya, ’té munu wo dɔɔ, yé maa wo dɔ ka nwiin; maa wo kɛlɛ mi wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya, yé maa a se kɛlɛ wo lɛ ka bɛn lɛgɔnɔnu gi.

Bélidɔwesɛbɛ Fiézan 12:18

Naa, ka dan ’bɛnu ble lɛ Gakelebale, kalé Bale ’lɛ, fɛ lé Gakelebale, kalé Bale é dan a si lɛ a va, ana; ka koo, ka benu valé ka lunu koo, ka wuogɔnénu valé ka wuolomu koo, Lévimi lé ke ka va koo, ’ka a ble wo nya; Gakelebale, kalé Bale ’lɛ lé ka gi é dan nana lɛ, fuafɛnu faa lé ke ka lee, wo ma.

Bélidɔwesɛbɛ Fiézan 12:7

Ka koo, kalé munu koo, ka dan fɛ ble lɛ Gakelebale ’lɛ yee ɛ na, yé ka gi é dan nana lɛ fɛ zinnu faa lé Gakelebale, kalé Bale ka drɔɔ vo wo nya, wo ma.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Bélidɔwesɛbɛ Fiézan 16:15

Ka dan fɛti ’ko kɛlɛ lɛ yi sɔrafié, Gakelebale, kalé Bale bɔle we gi, fɛna do lé Gakelebale, kalé Bale é dan a si lɛ a va, ana; naa, Gakelebale, kalé Bale é dan kalé féinu faa valé kalé nyanama faa drɔɔ vo lɛ, yé ka dan kabo faa nɔ lɛ gi nanale lɛ.

Filip munu 3:3

Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.

Filip munu 4:4

Ka gi ’é nana yifaama Mizan gi; Maa a taa fé léé, ka gi ’é nana ma.

1 Samuɛl 10:19

Yé kyɔ, ka a sɔn vɔna kalé Bale lé é ka si kalé nyanéblele faa valé kalé kleblele faa lee, a ma, yé ka lé a lɛ léé, ’i ’wo nwiinzan dɔ. Sin, ’ka da Gakelebale ’lɛ ka bɛn ma bɛn ma, mi wuru soru soru.

1 Samuɛl 22:7

Yé Saul lé é wuomunu lé wo ke é dɔle é sɔnɔ, wo lɛ léé: Bɛnjamɛnnu, ’ka tɔné dɔ an lɛ! Izai be é dan féinu valé dɔrɔféinu nɔ lɛ ka lɛɛ? É dan ka kɛlɛ lɛ mi wuru soru soru valé mi yɔ soru soru nwiinzannu nyaa?

1 Samuɛl 8:12

é dan mi wuru soru palu valé mi yɔ fié wɔlɛ vu palu nwiinzannu kɛlɛ lɛ, yé é dan wo kɛlɛ lɛ élé féipazannu koo, élé ’sagyɛzannu koo, élé gulidanfɛnu kɛlɛzannu koo, élé goro gi fɛnu kɛlɛzannu koo, wo nya.