Minwiinzannu lé Wezuofe Sɛbɛ 12:8 - Kazambale lé Sebe Sauunu 1979

⁸ Gad munu va nyanazannu go David va fɛna plɛplɛna bwi gi; wa sunyanu lé woo blaboo gulidanle gi, ’té mibotakuunfɛ valé dinnu a wo lee bɛ, wo nya; wa bélé golizranu zo, wo ta a é kelekele bélé gannu zo gɔ nwiin.

Minwiinzannu lé Wezuofe Sɛbɛ 12:8 ပူးပေါင်းရင်းမြစ်များ

2 Samuɛl 1:23

Saul valé Jonatan a mi zinnu valé sɔmilɛzannu nya wolé tɛrɛla gi, Yé wo ’ka wo kini lɛ ékema wo gabléyi nya lo. Woo sié é mini golanu ta, Wa plɛplɛ é mini golizranu ta.

2 Samuɛl 17:10

Yé wo lé wo bli la ke plɛplɛ é mini wo bɔlunu ta, dé wo bli la a plɛplɛ bélé golizra zé zooo, kana é dan zén lɛ wo gi; naa, Izraɛl faa a gi dɔɔ léé, i ti tɔ ye, yé bli la plɛplɛzannu a a va.

2 Samuɛl 2:18

Séruja be yaanu ana bɛ. Joab koo, Abisai koo, Azaɛl koo, woo lé. Azaɛl gane bɛn ’ka tɛrɛ la lo, é a bélé plɛn‐an zo bwi gi.

2 Samuɛl 23:20

Kabiséɛl mi do be Jéojada be Bénaja a do. É a nyanazan nya yé é tɔ ye élé we blɛn kɛlɛle ma. Moab mi fié lé wo mini ’wo bɔlunu faa ta, é wo gyɛ. Yi do nya ’té glasépun a dana, é zun guru gi yé é golizra gyɛ.

Minwiinzannu lé Wezuofe Sɛbɛ 11:16

David a guliyɔɔkɔn plɛplɛ gi, ’té Filisitinu lé sunya palu do a é nyanale Bɛtléɛm.

Minwiinzannu lé Wezuofe Sɛbɛ 11:22

Jéojada be Bénaja lé é si Kabiséɛl, é a nyanazan nya yé a tɔ a é bɔle é kɛlɛwenu ma. Moab mi fié lé wo mini ’wo bɔlunu faa ta, é wo gyɛ. É zun ’yiguru do gi, yé é golizra gyɛ ’bɛna, yian nya lé glasépun a dana, a yi nya.

Minwiinzannu lé Wezuofe Sɛbɛ 12:16

Bɛnjamɛn valé Juda mi kenu é ziin, wo go David va alé fɛna plɛplɛna.

Minwiinzannu lé Wezuofe Sɛbɛ 12:7

Gédɔɔ mi Jérosam benu Joéla valé Zébadia.

Minwiinzannu lé Wezuofe Sɛbɛ 12:9

Ézɛɛ a wo ’lɛzan nya; a fiézan, Abudias; a yaazan, Éliab;

2 Minwiinmunu lé Wezuofe Sɛbɛ 25:5

Amasia Juda munu zén ékeva yé é wo dɔ wo tranu gɔnɔla ma gɔnɔla ma; é mi wuru soru soru nwiinzannu dɔ yé é mi yɔ soru soru nwiinzannu dɔ Juda munu faa valé Bɛnjamɛn faa zé nya. É sia lɛɛ yɔ do munu ma yé é gié ’bɛ ta, é wo nɔnɔ. Yé mi kprakpranu kɛlɛ mi baa yɔ sɔrafié wɔlɛ vu. Wo ma a é ’lɛrɛle gulidanfɛ sile we ma. Woo din vulian ’wo zua, yé woo mibotakuunfɛ kɔné sié ’wo zua.

Wegɔnévɔlenu 28:1

Dé mi do kpen ’ka mi naané zuo bina looo, ’té éé vlan buruwo, naa, mi tegele éé bli ta dɔa plɛplɛ bélé golizra boroné zo.

Wegɔnévɔlenu 6:5

’I si we ’ko gi, bélé gan éé vlan buruwo lupazan lee fɛan zo, a zo; bélé miané éé sié é gyɛzan lee fɛan zo, a zo.

Wegɔné Ma Lɛrɛ 8:14

An sɔlɛzan, ’i fwi, ’I kɛlɛ bélé plɛn‐an zo, ’i kɛlɛ bélé vɔlɛ boroné zo, Gɔnu lé zianbla ginzan éé tin‐é a nwiin, ’bɛnu nwiin.

Jérémi 46:9

’Kaa wisootamunu, ’ka go tuo. ’Kaa gulidangoro vɔzannu, ’ka vɔ kelekele. ’Ka kɛlɛ nyanazannu nya ma. Étiopi munu valé Puti munu lé, botakuunfɛ ke wo lee, ’Wo valé Ludi munu lé wo sa vulile ma we dɔɔ, wo nya.

1 Samuɛl 23:14

David nyana bwi gi fɛna plɛplɛna, yé é mɔn gɔ lé ke Zif bwi la, a nwiin. Saul a a ginina yifaama, naa, Bale ’ka a pa lɛ ’bɛ lee lo.

1 Samuɛl 24:22

’I Gakelebale ’nyɔɔn an lɛ léé, i ’ka dan an kulu ga lɛ an pa gi lo, yé i ’ka dan an tɔ fwi lɛ an ti gɔnɔ la lo.