Minwiinzannu lé Wezuofe Sɛbɛ 12:38 - Kazambale lé Sebe Sauunu 1979

³⁸ Gulidanmunu faa ’ko, wo go ’wo ma nya é ’lɛrɛle Ébrɔn, wo bli zin nya, David dɔle Izraɛlmunu faa nwiinzan blɛn nya we ma. Izraɛl mi pɔnénu é ziin, wo faa bli kɛlɛ do léé, David ’é kɛlɛ minwiinzan blɛn nya.

Minwiinzannu lé Wezuofe Sɛbɛ 12:38 ပူးပေါင်းရင်းမြစ်များ

1 Minwiinzannu 11:4

Salomɔn lé kwagyɛbléyi va, a nanu a bli nɔla bale bɛnu va; yé a bli faa ’ka Gakelebale, alé Bale lɛ, a ti David bli a fɛan zo, a zo lo.

1 Minwiinzannu 8:61

Ka bli faa a Gakelebale kolé Bale lɛ kyɔ fɛan zo, ’é vo a zo ma, kalé tawole alé bélidɔwenu ta valé a sɔnnénu pale we gi.

2 Minwiinzannu 20:3

Oo, Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé é ke é zima i yuɛ gi, yee lé ma a kɛlɛ. Yé Ézékia yuɛ’yi so kiɛre.

Minwiinzannu lé Wezuofe Sɛbɛ 12:33

Zabulɔn munu a mi baa yɔ do wɔlɛ soru; wo ma a é ’lɛrɛle sunya kɛlɛle we ma, ’té gulidanfɛ gɔnɔ faa a wo lee, yé gulidanbli a wo gi.

Minwiinzannu lé Wezuofe Sɛbɛ 12:37

Juudɛn yuu zi zia, Rubɛn munu koo, Gad munu koo, Manasé bɛn lɛ do koo, wa mi baa yɔ yaa, ’té gulidanfɛnu gɔnɔ faa a wo lee.

Minwiinzannu lé Wezuofe Sɛbɛ 12:39

Wo yi yaa kɛlɛ David va, ’té woo fɛ blé, ’té woo fɛ minian, naa, wo bwenu da wo lɛ wɛɛ lɛ.

2 Minwiinmunu lé Wezuofe Sɛbɛ 30:12

Bale nyanama pa é ziin Juda munu bli gi yé wo bli kɛlɛ do yé dére lé minwiinzan blɛn valé mi segelenu a fe Gakelebale dére yɛrama, yé wo dɔ a ta.

Lɛrɛvɔ Sɛbɛ 101:2

Maa dan an yara pa lɛ zi tegele ta tawole ta, Dé i dan da lɛ an va mɛ bléyi vaa? An dan tawo lɛ anlé munu va, Bli lé, gun ’ka a ma lo, a nya.

Lɛrɛvɔ Sɛbɛ 110:3

Dé i ilé gulidanzannu zén ékeva, ilé munu fuu a wo ta, Ilé pɛniɛnnu woo dan i va bélé bladi lolu zo, ’Té gulidanvafɛ ’lɛzannu a wo ta.

Ézékiɛl 11:19

Maa dan wo bli kɛlɛ lɛ do, yé maa dan bli dɛrɛ pa lɛ wo gi; maa dan gɔlɛbli si lɛ wo gi, yé maa dan bli zin pa lɛ wo gi,