Minwiinzannu lé Wezuofe Sɛbɛ 12:18 - Kazambale lé Sebe Sauunu 1979

¹⁸ Amasai lé ke sunyanu nwiinzan blɛn do nya, Léli a kun yé é léé: David, ko a izé nya, Izai be, ko a i va. ’I vo drɔɔoo, ’i vo drɔɔ, yé munu lé wo bɔ i va, ’wo vo drɔɔ, naa, ilé Bale bɔ i va. Yé David wo si yé é wo pa sunyanu nwiinzannu va.

Minwiinzannu lé Wezuofe Sɛbɛ 12:18 ပူးပေါင်းရင်းမြစ်များ

2 Samuɛl 15:21

Itai lé minwiinzan lɛ léé: Gakelebale a é yuɛma yé anzan minwiinzan a é yuɛma. Fɛana lé azan minwiinzan ke, dé gawe léoo, dé vole é yuɛma we léoo, ana lé i wuozan é dan kɛlɛ lɛ.

2 Samuɛl 17:25

Abusalɔm Amasa dɔ sunyanu nwiinzan nya Joab pa gi; Izraɛl mi do lé wa laama Jitra, é go Nakas lu Abigal lé ke Joab bu Séruja buru nya, a va, Amasa a ’bɛ be nya.

2 Samuɛl 19:13

É ziin, ’ka fe Amasa lɛ léé: I ’ka an wɔlɛ valé an nɛ nya loo? Dé i ’ka kɛla anlé sunyanu faa nwiinzan nya Joab pagi lɛɛfaama lo, Gakelebale ’é we kɛlɛ an lɛ élé plɛplɛ faa nya ma.

2 Samuɛl 5:2

É li é kwakwa, bléyian va lé Saul a ko nwiinzan nya, ’té bii ɛ goo Izraɛl nya, ’té i dan wo nya. Gakelebale lé i lɛ léé: Bii ɛ dan fɛblele nɔ lɛ élé munu Izraɛl lɛ, yé bii ɛ dan kɛlɛ lɛ Izraɛl nwiinzan blɛn nya.

1 Minwiinzannu 9:22

Naa, Salomɔn ’ka Izraɛl lé nénu kɛlɛ lɛ luu nya lo; naa, wa sunyanu koo, a wuozannu koo, munu nwiinzannu koo, sunyanu nwiinzannu koo, alé goronu valé alé wisoota sunyanu nwiinzannu koo, wo nya.

2 Minwiinzannu 10:15

É si ’bɛna yé Rékab be Jonadab lé ke dana a ’lɛ mi, wo kee a nya. É we a va yé é lé a lɛ léé: I bli a tegele, bélé anzé a tegele i vazia fɛan zo, a zoo? Yé Jonadab a zi pa léé: Iin. Jéu léé: Dé é a ’bɛ zo, ’i bɛ pa an lee. Yé Jonadab é bɛ pa a lee. Yé Jéu a vɔ élé goro gi ’é va,

2 Minwiinzannu 10:5

Yé kɔn ’léézan koo, fla nwiinzan koo, mi segelenu koo, né pazannu koo, wo we pa Jéu lɛ zia léé: Ko a i wuozannu nya, yé we faa lé bé fé ko lɛ, ko dan a kɛlɛ lɛ; ko ’ka dan mi do kpen dɔ lɛ minwiinzan blɛn nya lo, dé wean dɔ i gi wezin nya, bé kɛlɛ.

2 Minwiinzannu 9:32

Jéu é yara nwa fɛnɛti vazia yé é léé: Ka lé ka ke loru bɛ, de ɛ ke an vaa? Yé dé mi blale fié léé, dé yaa léé, wo bɔrai fɛnɛti ta yé wa nagini.

Minwiinzannu lé Wezuofe Sɛbɛ 11:11

Sunya nyanazannu lé wo ke David lé nyana la, wo tɔ lé ke ’ko: Akamoni be Jasobéam a sunyanu nwiinzan blɛn do nya. É élé din vɔ mi wuru do yɔ soru ma, yé wo faa zamaga wo fɛ duona.

Minwiinzannu lé Wezuofe Sɛbɛ 12:17

David bɔra wo va yé é lé wo lɛ léma: Dé ka da an va ka bli zima nya léé, ka bɔ an va, kaa bli é dan kɛlɛ lɛ do; naa, dé ka da dabli kɛlɛle an lɛ we ma, bɔle an nyanézannu va we gi, dɔlé ’té an ’ka glawe do kpen kɛlɛ lɛ lo, kaa tinu lé Bale ’é ana ye ma, yé ’é we gi bɔi tegele ma.

Minwiinzannu lé Wezuofe Sɛbɛ 2:17

Abigail Amasa yaa; Amasa ti a Ismaɛl mi Jétɛɛ nya.

Ézai 59:17

É dan wetegele zén lɛ ’é ta gɔlɛtayɔɔfɛ nya, yé é dan silewegi wɔra lɛ ’é ’wuo ma bélé kanakoro zo; é dan welɛgipale zén lɛ ’é ta varɔ nya, yé é dan maawole zén lɛ ’é ta sɔ zo.

Zakari 8:23

Lai sunyanu lé Gakelebale léma: ’Bɛ yinu nya, tɛrɛ faa la dére do do vɔ bɛnnu va mi vu é dan kun lɛ Juifi mi do lé sɔ lɔlu ma yé wo dan a fe lɛ a lɛ léé: Ko dan go lɛ i zuo, naa, ko ’ma léé, Bale a ka va.

Matio 12:30

Mi lé é ’ka an va lo, é a an mazan nya, yé mian é ’ka fɛ tééan an va lo, éé fɛ nwɛɛn‐an.

Galasi munu 6:16

Munu faa lé wo ke tawona bélidɔwe ’ko ta, é valé Kazambale zé Izraɛlnu, Bale ’é wo vo drɔɔ yé a nyanai ’é zén wo ta ma.

Weblezannu 13:25

Yé Gakelebale Léli kun we kɛlɛle ma a nya Masané‐Dan, Soréa valé Esitaol méléna.

Weblezannu 3:10

Gakelebale Léli a a ta. É kinin Izraɛl lé weblezan nya, yé é go guli dan lɛ. Gakelebale Mézopotami nwiinzan Kusan‐Riséataim pa a lee, yé a bɛ plɛplɛ mini Kusan‐Riséataim lɛ.

Weblezannu 6:34

Gakelebale Léli a é zénle Jédéɔn ta bélé sɔ zo; é béli fɛn yé Abiézɛɛnu da a zuo.

RUT (Ruth) 1:16

Rut lé a lɛ léé: Té i an si i ma gla nya lo, té an si i ma baa lo. Fɛana lé i dan go lɛ, ana lé maa dan go lɛ; fɛana lé i dan nyana lɛ, ana lé an dan nyana lɛ; ilé munu é dan kɛlɛ lɛ anlé munu nya, izé Bale é dan kɛlɛ lɛ anzé Bale nya;

1 Samuɛl 16:4

We lé Gakelebale a fe Samuɛl lɛ é a kɛlɛ yé é go Bɛtléɛm. Fla mi segelenu da a va kana nya wo gi yé wo léé: I da ginanawe ɛ fe lɛɛ?

1 Samuɛl 16:5

É a zi pa léé: Iin, an da saraka bo lɛ Gakelebale lɛ. ’Kabo kɛlɛ tegele yé ’ka da an va saraka bona. É lé Izai valé é benu lɛ léé, ’wo kɛlɛ tegele é ziin, yé é wo laa saraka bona.

1 Samuɛl 22:7

Yé Saul lé é wuomunu lé wo ke é dɔle é sɔnɔ, wo lɛ léé: Bɛnjamɛnnu, ’ka tɔné dɔ an lɛ! Izai be é dan féinu valé dɔrɔféinu nɔ lɛ ka lɛɛ? É dan ka kɛlɛ lɛ mi wuru soru soru valé mi yɔ soru soru nwiinzannu nyaa?

1 Samuɛl 24:12

An ti, bé nagini, ilé sɔ lɔlu lé ke an lee ’ko, bé ye. Maa ilé sɔ lɔlu bɔi, yé maa ’ka i gyɛ lɛ fɛan zo lo bɛ, bé ye yé bé gi dɔɔ léé, weple valé nwale mi ma ’ka an giébɛ nya lo, yé an ’ka wenyané kɛlɛ lɛ i lɛ lo. Yé bii, i an ma we ble, anlé tɛrɛla nyaale we ma.

1 Samuɛl 24:13

Gakelebale é dan maa valé bii lé we ble lɛ, yé Gakelebale é dan anlé we lɛgi pa lɛ i ma; naa, an ’ka dan an bɛ nwa lɛ i ma lo.

1 Samuɛl 24:16

Gakelebale é dan kɛlɛ lɛ kolé weblezan nya, é dan maa valé bii lé we ble lɛ; é dan an nagini lɛ yé é dan anlé we fe lɛ, yé é dan we tegele kɛlɛ lɛ an lɛ an sile i lee nya.

1 Samuɛl 8:12

é dan mi wuru soru palu valé mi yɔ fié wɔlɛ vu palu nwiinzannu kɛlɛ lɛ, yé é dan wo kɛlɛ lɛ élé féipazannu koo, élé ’sagyɛzannu koo, élé gulidanfɛnu kɛlɛzannu koo, élé goro gi fɛnu kɛlɛzannu koo, wo nya.