Minwiinzannu lé Wezuofe Sɛbɛ 11:5 - Kazambale lé Sebe Sauunu 1979

⁵ Jébusi munu lé David lɛ léé: I ’ka wɔraan ’ko lo. Naa, David fɛna plɛplɛ Siɔn si. David lé fla lé.

Minwiinzannu lé Wezuofe Sɛbɛ 11:5 ပူးပေါင်းရင်းမြစ်များ

2 Samuɛl 5:9

David nyana kli fla plɛplɛ ta yé é a laa David lé fla. É kɔnnu dɔ fɛfaana, Milo boen valé Milo zi.

2 Samuɛl 6:10

É ’ka a va léé, é go Gakelebale lé kɛsu nya é va David lé fla lo, amalé é go a nya Gat mi Obɛd‐Édom lé kɔn ’léé.

2 Samuɛl 6:12

Wo da a fe lɛ minwiinzan David lɛ léé: Bale lé kɛsu we ma, Gakelebale Obɛd‐Édom valé élé fɛnu faa drɔɔ vo. Yé David zi sia yé é Bale lé kɛsu si Obɛd‐Édom lé kɔn gi yé é goan David lé fla gi nanale blɛn nya.

1 Minwiinzannu 8:1

Yé Izraɛl lé mi segelenu koo, bɛn faa nwiinzannu koo, Izraɛl lé guniwuonu koo, minwiinzan Salomɔn wo laa léé, ’wo zén ékeva é va Jérusalɛm, Gakelebale lé gipawe pagikɛsu lé ke David lé fla Siɔn, a sile ana we gi.

Minwiinzannu lé Wezuofe Sɛbɛ 11:4

David valé Izraɛlnu faa go guli dan lɛ Jérusalɛm lé ke Jébusi nya bɛ, a ma. Jébusi munu ana bɛ, wana tɛrɛ la munu nya.

Minwiinzannu lé Wezuofe Sɛbɛ 11:6

David a fe kɔɔn léé: Dé miomian é Jébusi munu gyɛ é vinin, é dan kɛlɛ lɛ minwiinzan valé mi blɛn nya. Séruja be Joab go é vinin, yé é kɛlɛ minwiinzan nya.

Minwiinzannu lé Wezuofe Sɛbɛ 11:7

David nyana fla plɛplɛ ta, bɛwemalé wana laama David lé fla.

2 Minwiinmunu lé Wezuofe Sɛbɛ 5:2

’Bɛ zuo, Izraɛl lé mi segelenu koo, Izraɛl bɛn faa nwiinzannu koo, Izraɛl lé guniwuonu koo, Salomɔn wo zén ékeva Jérusalɛm, Gakelebale lé gipawe pagikɛsu lé ke David lé fla Siɔn, a sile ana we gi.

Lɛrɛvɔ Sɛbɛ 122:5

Ana lé weblena ke, yé woo we blé tegele, David valé é kulunu lé.

Lɛrɛvɔ Sɛbɛ 132:13

Iin, Gakelebale Siɔn si ézé nya, É sɔ a lɛ léé, ’é kɛlɛ é nyanana nya.

Lɛrɛvɔ Sɛbɛ 2:6

’Té éé a fé léé: Maa ɛ nyɔnɔ zén anlé minwiinzan blɛn nwiin, Siɔn, gɔblɛn sauun nwiin.

Lɛrɛvɔ Sɛbɛ 48:2

Gakelebale a blɛn, yee lé wa tɔ zin fé yifaama, Kolé Bale lé fla, ’té é ke gɔblɛn sauun nwiin bɛ, ana.

Lɛrɛvɔ Sɛbɛ 78:68

É Juda bɛn si a va ézé nya, Siɔn gɔblɛn lé, é sɔ a lɛ, é a si.

Lɛrɛvɔ Sɛbɛ 87:2

Siɔn gɔrɔ ’léénu sɔ Gakelebale lɛ, É mini Jakɔb nyanananu faa ta.

Lɛrɛvɔ Sɛbɛ 87:5

Yé wa fé munu ’ko ma léé, wo wo faa yaa Siɔn, Yé Loruzan ɛ ke a dɔ gliglizan nya.

Lɛrɛvɔ Sɛbɛ 9:11

Munu lé wo i tɔ dɔɔ, woo paan bii ɛ ta, Naa, munu lé woo i naginian, oo Gakelebale, I ’ka dan wo vo lɛ lo.

Rom munu 9:33

we lé é ke é gyɛle Bale lé sɛbɛ gi, a yɛrama; wo léé: Ka ye, maa misaangɔlɛ plaan Siɔn gɔ nwiin; Yee lé ke midiéragɔlɛ nya; Naa, mian é bli vo a lɛ, yara ’ka dan a gyɛ lɛ lo.

Ébrunu 12:22

Naa, ka a é biéle Siɔn gɔ sɔnɔ, Bale yuɛmale lé fla lé ke lagi Jérusalɛm nya koo, lanjenu kiɛre lé wo nɔnɔ ’léé ’ka lo, ’té wa fɛti kɛlɛna bɛ, woo koo,

Wegɔɔnle 14:1

Maa a naginina ’té ’Blané dɔ Siɔn gɔ nwiin, ’té mi baa yɔ yaa wɔlɛ vu ta fié lé, a tɔ valé a Ti tɔ ke é gyɛle wo yarapɛla, wa a va.

Weblezannu 19:10

A lu zana ’ka a va léé, é yii lo, é nwa yé é go. Wo bɔ Jébusi lé ke Jérusalɛm nya, a yara, sokofale fié lé nyanalafɛ ke wo punu, ’té yee valé é na a wo ta.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.