Minwiinzannu lé Wezuofe Sɛbɛ 11:3 - Kazambale lé Sebe Sauunu 1979

³ ’Bɛ zo lé Izraɛl lé mi segelenu faa da minwiinzan va Ébrɔn, yé David é gi pa do wo va Ébrɔn, Gakelebale yuɛ va. Wo nyɔnɔ zén David nwiin a kɛlɛle Izraɛl nwiinzan nya we ma, Gakelebale dére lé Samuɛl a fe, a yɛrama.

Minwiinzannu lé Wezuofe Sɛbɛ 11:3 ပူးပေါင်းရင်းမြစ်များ

2 Samuɛl 2:4

Judamunu da yé wo nyɔnɔ zén David nwiin ’bɛna, a kɛlɛle Juda munu nwiinzan blɛn nya we gi. Wo lé David lé léé: Galaad tɛrɛ la Jabɛs munu ɛ Saul pa.

2 Samuɛl 5:3

’Bɛ zo lé Izraɛl mi segelenu faa da minwiinzan va Ébrɔn yé minwiinzan David é gi pa do wo va Ébrɔn, Gakelebale yara. Wo nyɔnɔ zén David nwiin, a kɛlɛle Izraɛl nwiinzan blɛn nya we ma.

2 Samuɛl 5:5

É pla Juda nwiin Ébrɔn lɛɛ sɔrafié moné suiɛdo, yé é pla Izraɛl valé Juda nwiin Jérusalɛm lɛɛ yɔ do wɔlɛ vu ta yaa.

2 Minwiinzannu 11:17

Gakelebale koo, minwiinzan blɛn koo, munu koo, Jéojada wo gi pa do; gi pale do lé éé munu kɛla Gakelebale lé munu nya, yee lé; yé é minwiinzan blɛn valé munu gi pa do é ziin.

2 Minwiinzannu 23:30

A wuozannu a gale si ana goro gi; wo si a nya Mégido yé wo goan Jérusalɛm yé wa pa élé mipana. Ana tɛrɛlamunu Jozias be Joakaz si; wo nyɔnɔ zén a nwiin yé wa dɔ minwiinzan blɛn nya é ti pa gi.

Minwiinzannu lé Wezuofe Sɛbɛ 11:10

Nyanazannu lé wo ke David va, wo ’lɛzannu lé ke ’ko: wo valé Izraɛlnu faa bɔ David va a plale wo nwiin kɛlɛle sɔbɛlawe nya we ma, yé wa dɔ ’wo nwiinzan blɛn nya, dére lé Gakelebale a fe Izraɛl ma we nya, a yɛrama.

2 Minwiinmunu lé Wezuofe Sɛbɛ 23:3

Zén‐ékevamunu faa wo gi pa do minwiinzan blɛn va Bale lé kɔn gi. Yé Jéojada lé wo lɛ léé: Ka ye, minwiinzan blɛn be é dan pla lɛ munu nwiin, Gakelebale a fe David kulu lé we ma fɛan zo, a zo.

Weblezannu 11:11

Yé Jɛfeté valé Galaad mi segelenu go. Munu a dɔ ’wo nwiinzan nya yé wa dɔ ’wo zilɛzan nya yé dére faa lé Jɛfeté a fe kɔɔn, é a fe é ziin Gakelebale lɛ, Misipa.

1 Samuɛl 11:15

Munu faa go Gilgal yé wo Saul dɔ minwiinzan nya Gakelebale ’lɛ, Gilgal. Wo bɔvɔ sarakanu bo Gakelebale lɛ ’bɛna; yé ’bɛna lé Saul valé Izraɛl munu faa wobo nɔ gi nanale baba lɛ.

1 Samuɛl 15:28

Samuɛl lé a lɛ léé: Gakelebale i kɛlɛle Izraɛl nwiinzan nya se si i lee kyɔ yé é a nɔ mi bɛ lé ’bɛ ke é zima é mini bii ta, a lɛ.

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.

1 Samuɛl 16:3

I dan Izai laa lɛ saraka bona; we lé i dan a kɛlɛ lɛ, maa dan a gɔɔn lɛ i lɛ, yé mi lé maa dan a gɔɔn lɛ i lɛ, i dan nyɔnɔ zén lɛ a nwiin an lɛ.

1 Samuɛl 23:18

Wo fiénu gi pa do Gakelebale yuɛ va, yé David vo pɔrɔ gi yé Jonatan go ’é va.

1 Samuɛl 28:17

Fɛan zo lé maa fe i lɛ Gakelebale dére nya, é dan kɛlɛ lɛ i lɛ a zo; Gakelebale i kɛlɛle minwiinzan nya se si i lee yé é a nɔ mi bɛ lɛ, David lɛ.