Minwiinzannu lé Wezuofe Sɛbɛ 11:2 - Kazambale lé Sebe Sauunu 1979

² Turu é kyɛn, bléyian va lé Saul a ko nwiinzan nya, ’té bii ɛ goo Izraɛlnu nya, ’té i dan wo nya. Gakelebale, ilé Bale lé i lɛ léé: Bii ɛ dan élé munu Izraɛl pa lɛ, yé bii ɛ dan pla lɛ élé munu Izraɛl nwiin.

Minwiinzannu lé Wezuofe Sɛbɛ 11:2 ပူးပေါင်းရင်းမြစ်များ

2 Samuɛl 5:2

É li é kwakwa, bléyian va lé Saul a ko nwiinzan nya, ’té bii ɛ goo Izraɛl nya, ’té i dan wo nya. Gakelebale lé i lɛ léé: Bii ɛ dan fɛblele nɔ lɛ élé munu Izraɛl lɛ, yé bii ɛ dan kɛlɛ lɛ Izraɛl nwiinzan blɛn nya.

2 Samuɛl 7:7

Ta faa lé ko wo Izraɛl munu nya, Izraɛl munu lé maa wo dɔ léé, ’wo anlé munu Izraɛl tabin, maa fe tan do wo va mi do lɛ léé, mɛmalé ka ’ka anlé sɛdrɛyili kɔn dɔ lɛ loo?

1 Minwiinzannu 14:7

’I go, bé fe Jéroboam lɛ léma: Gakelebale, Izraɛl lé Bale léma: Maa i nwa munu méléna, yé maa i dɔ anlé munu Izraɛl nwiinzan nya,

1 Minwiinzannu 3:9

Amalé ’i wedɔɔbli nɔ i wuozan lɛ, ilé munu lé weblele we gi, wezin valé wenyané va sile we gi. Naa, ilé munu kiɛre ’ko, de ɛ bɔa wolé we blele lɛɛ?

Lɛrɛvɔ Sɛbɛ 78:71

É a si ’blanu lé wo nyɔ no ’wolé nénu lɛ, wo zuo, Léé, é fɛblele nɔ élé munu Jakɔb lɛ, É valé Izraɛl munu lé wo ke alé munu nya, wo lɛ.

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 55:4

Maa a dɔ wenayezan nya munu lɛ, Maa a dɔ munu nwiinzan valé wo bélidɔzan nya.

Jérémi 3:15

Maa dan ka tabinzannu nɔ lɛ ka lɛ an bligiwe yɛrama, yé wo dan ka pa lɛ gikinile valé wedɔɔle nya.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Misé 5:4

Yee ɛ dan munu vo lɛ drɔɔ. Dé Asirinu da kolé tɛrɛ la, dé wo wɔra kolé fuakɔnnu gi gla nya, ko dan munu pazannu sɔrafié valé mi blɛnblɛnnu sɔraa nwa lɛ wo ma.

Mi Nɔnɔle 27:17

’té éé goo, ’té éé dan wo yuɛ va, ’té éé goo wo nya, ’té éé dan wo nya, léé, té Gakelebale lé munu é vo bélé ’blanu lé wo tabinzan ’ka lo, wo zo lo.

Matio 2:6

Yé bii Bɛtléɛm, Juda tɛrɛ la, I tɔ ’ka kiéné Juda fla blɛnnu méléna lo. Naa, bii ta lé wo dan minwiinzan yaa lɛ, Yee ɛ dan fɛblele nɔ lɛ anlé munu Izraɛl lɛ.

WENÉNÉ LE JAN A GYE (Évangile selon Jean) 10:4

Abozen lé ’blanu faa bɔrale zuo, éé tawoo wo ’lɛ. ’Blanu a dére dɔɔ, amalé woo goo a zuo.

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.

1 Samuɛl 16:13

Wibéli lé nyɔnɔ ke a gi, Samuɛl a si, yé é nyɔnɔ zén a nwiin a bwenu yuɛ va. É sia yi ’ko ma, Gakelebale Léli éé David kunwo yifaama. Samuɛl nwa yé é go Rama.

1 Samuɛl 18:13

É David si é ma baa, yé é a kɛlɛ mi wuru soru zilɛzan nya. David éé goo ’té éé dan munu zilɛzan nya.