Minwiinzannu lé Wezuofe Sɛbɛ 11:10 - Kazambale lé Sebe Sauunu 1979

¹⁰ Nyanazannu lé wo ke David va, wo ’lɛzannu lé ke ’ko: wo valé Izraɛlnu faa bɔ David va a plale wo nwiin kɛlɛle sɔbɛlawe nya we ma, yé wa dɔ ’wo nwiinzan blɛn nya, dére lé Gakelebale a fe Izraɛl ma we nya, a yɛrama.

Minwiinzannu lé Wezuofe Sɛbɛ 11:10 ပူးပေါင်းရင်းမြစ်များ

2 Samuɛl 3:21

Abinɛɛ lé David lɛ léé: Maa dan nwa lɛ yé maa dan go lɛ Izraɛl munu faa zén lɛ ékeva anzan minwiinzan zuomunu nya; wo dan ’wo gi pa lɛ do i va, yé i dan pla lɛ wo nwiin fɛan zo lé é sɔ i lɛ, a zo. David Abinɛɛ pa zia drɔɔ.

Minwiinzannu lé Wezuofe Sɛbɛ 11:3

’Bɛ zo lé Izraɛl lé mi segelenu faa da minwiinzan va Ébrɔn, yé David é gi pa do wo va Ébrɔn, Gakelebale yuɛ va. Wo nyɔnɔ zén David nwiin a kɛlɛle Izraɛl nwiinzan nya we ma, Gakelebale dére lé Samuɛl a fe, a yɛrama.

Minwiinzannu lé Wezuofe Sɛbɛ 12:21

Wo bɔ David va, gulidanna ’wiifɛtazannu Amalɛk munu va, naa, wo faa a nyanazannu nya, yé wo kɛlɛ zilɛzannu nya sunya palunu gi.

Minwiinzannu lé Wezuofe Sɛbɛ 12:23

Munu lé wo go David va Ébrɔn, gulidanfɛnu nya wo lee, a kɛlɛle minwiinzan nya Saul pa gi we gi Gakelebale dére yɛrama bɛ, wo ’léé lé ke ko.

Minwiinzannu lé Wezuofe Sɛbɛ 12:24

Juda munu lé botakuunfɛ valé din ke wo lee, ’té wo ma ke é ’lɛrɛle gulidanle we ma bɛ, wa mi baa yaa mi wuru ziɛn.

Minwiinzannu lé Wezuofe Sɛbɛ 12:38

Gulidanmunu faa ’ko, wo go ’wo ma nya é ’lɛrɛle Ébrɔn, wo bli zin nya, David dɔle Izraɛlmunu faa nwiinzan blɛn nya we ma. Izraɛl mi pɔnénu é ziin, wo faa bli kɛlɛ do léé, David ’é kɛlɛ minwiinzan blɛn nya.

Minwiinzannu lé Wezuofe Sɛbɛ 12:39

Wo yi yaa kɛlɛ David va, ’té woo fɛ blé, ’té woo fɛ minian, naa, wo bwenu da wo lɛ wɛɛ lɛ.

Minwiinzannu lé Wezuofe Sɛbɛ 27:1

Guniwuonu koo, mi wuru soru soru valé mi yɔ soru soru nwiinzannu koo, kominu koo, wa minwiinzan blɛn bɛgizannu nya sunya palunu lé we kɛlɛle we gi; wo gole moné ma valé wo dale moné ma lé we a wo ɛ lee, moné faa gi. Sunya palu do a mi baa vu ta fié.

Minwiinzannu lé Wezuofe Sɛbɛ 28:1

David Izraɛl munu nwiinzannu faa laa, léé, ’wo da Jérusalɛm. Bɛn do do nwiinzannu koo, minwiinzan blɛn lé nyanamapamunu palunu nwiinzannu koo, mi wuru soru soru valé mi yɔ soru soru nwiinzannu koo, munu lé minwiinzan blɛn lé fuafɛnu valé alé trubɛnu ke wo lee, ’té wa a benu va, wo koo, miblalenu koo, tɔzannu valé nyanazannu faa koo, David wo laa.

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.