Minwiinzannu lé Wezuofe Sɛbɛ 10:13 - Kazambale lé Sebe Sauunu 1979

¹³ Saul é yara si Gakelebale ta, amalé é ga; é ’ka a dére ta tawo lɛ lo, yé é go miléli laazannu va, yé é we laa wo lee.

Minwiinzannu lé Wezuofe Sɛbɛ 10:13 ပူးပေါင်းရင်းမြစ်များ

2 Minwiinzannu 21:6

É é be vɔ kyɛ va; éé ’moné dɔa latinu valé ménénu nya wena yele we ma, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

Lɛrɛvɔ Sɛbɛ 25:3

Munu faa lé wo bli ke i lɛ, wo fuu ’ka dan si lɛ wo ta lo. Munu lé wo yuɛ gi éé blaan é boa Wo ɛ fuu é dan si lɛ wo ta.

Lɛrɛvɔ Sɛbɛ 73:27

Naa, bé ye, munu lé woo sié i ma baa, woo zamaga woo; Wo faa lé woo sié i va, i dan wo si lɛ ana tata.

Fwile 22:18

Té ka yokɛlɛlezan vo é yuɛma lo.

Wegɔnévɔlenu 2:22

naa, wo dan mi nyanénu si lɛ tɛrɛ ’ko la; wo dan yuɛiblanzannu nwa lɛ ana.

Ézai 19:3

Éjipiti munu léli fuu é dan si lɛ wo ta, we lé wa plaan ’wo ke lɛ, maa dan ’bɛ faa sɛrɛ lɛ. Wolé miyilinu koo, yokɛlɛzannu koo, miléli laazannu koo, tɛlɛ tɛlama wefezannu koo, wo dan we laa lɛ wo lee.

Ézai 8:19

Dé mi do lé ka lɛ léé: Kaa we laa miléli laamunu valé tɛlɛ tɛlama wefezannu lee, ’monédɔ ’furufɛnzannu valé gungyɛzannu lee, ’ka fe ’bɛzan lɛ léé: Mi ’ka we laan élé Bale lee loo? Woo mi yuɛmalenu lé we laan migalenu lee?

Lévinu 19:31

Té ka go miléli laamunu valé ’monédɔzannu va lo; te ka we laa wo lee lo, dé wo da ka tiri dɔ. Maa a Gakelebale, kalé Bale nya.

Lévinu 20:6

Dé mi do go miléli laamunu valé ’monédɔmunu va, yé é wo kɛlɛwe kɛlɛ, maa dan dɔ lɛ a ma yé maa dan a si lɛ élé munu va.

1 Samuɛl 15:11

Saul diéra an zuo, yé é ’ka tawoo an dére ta lo, amalé an bli nɔla a dɔle minwiinzan nya we ma. Samuɛl bli kyɛ dɔ yé é tu kini wuvɔle nya Gakelebale lɛ.

1 Samuɛl 15:2

Lai sunyanu lé Gakelebale léma: We lé Amalɛk a kɛlɛ Izraɛl lɛ a sile Éjipiti bléyi va, zi dɔle nya a ’lɛ, a sele a an gi.

1 Samuɛl 15:23

Naa, lɛgamale a bélé ’moné dɔle zo, yé dɔle mi ma plɛplɛ a bélé yobanle valé miyilinu zo. I sɔn vɔ Gakelebale dére ma, amalé é sɔn vɔ i kɛlɛle minwiinzan nya ma é ziin.

1 Samuɛl 28:6

Saul we laa Gakelebale lee; yé dé é a nyɛ fla nyaoo, dé é a urim nyaoo, dé é a balelayezannu nyaoo, Gakelebale ’ka a zi pa lɛ ’bɛ do nya lo.