तीतुस 1:4 - गवली उनाई नियम

⁴ मसीह गेन आलेगा विश्वास गा वोजीटे, तीतुस, आम इंजा सच्चो कोण गा बराबोर होय। आलेगा परमेश्वर बाटे एठा उध्दार दडामिठाच यीशु मसीह कोनेटे आपेन कृपा एठा शांती घाटाऊ लज्जू।

ದೆವಾಚಿ ಖರಿ ಕಬರ್ ನವಾ ಕರಾರ್

⁴ ಆನಿ ತಿ ಬಾತ್ನಿ ಸಾಂಗಾಚಿ ಜು಼ಮೆದಾರಿ ಆಮಚಾ಼ ರಾಖನ್ದಾರ್ ಜಾ಼ಲ್ಯಾಲ್ಯಾ ದೆವಾಚೆ ಆಜ್ಞೆಸಾರ ಮಾಜಾ ತಾಬ್ಯಾತ್ ದಿಲ್ಯಾ ಆನಿ ಶಾರ್ಕ್ಯಾ ಯಳಾತ್ ಸಾಂಗ್ ಸಾಂಗುನ್ ಆಪ್ಲ ಸಬಾತ್ ಮನಾ ದ್ಯಾವ್ಲ.

तीतुस 1:4 ပူးပေါင်းရင်းမြစ်များ

लूका 2:11

डीच येटेन टैंज बैतलहम गेन होय, जो कि राजा दाऊद गा पूरा होय, आपे घल्जी म्या उध्दार दडामिठाच डायेन होय। डीचका मसीह प्रभु होय।

ಯೊಹಾನ್ 4:42

एठा कुरकू नी डी जापाएटे मंडीके, “नका आले अमागा मंडीटेका विश्वास बान दडा, चोयाकी आलेनी खुद का आजुम्जे एठा मलूम होय कि इनिज्का सच्चोनका दुनिया गा कुरकू गा उध्दार दडामिठाच, मसीह होय।”

रोमियो 1:12

मतलब इनी कि जब इंज आपे तालान थंदळवा मेटे आले डी विश्वास गा द्वारा इनिज-डीचके बळातिंज्कु, जो इंजेन नी एठा आपेन नी होय।

रोमियो 1:7

इंज इनी चिठ्ठी रोम शहर गेन थंदळ मिंकू आपे सेबाई विश्वासीकु के ओल्बा मेना, दिकुके परमेश्वर प्यार दडावा होय एठा दिकुके हेजा चोखरा कुरकू डाऊ गा घल्जी हाकोलेमी होय। आलेगा परमेश्वर बाटे एठा प्रभु यीशु मसीह आपेके कृपा एठा शांती जे लक्कू।

2 ಕೊರಿಂಥ 12:18

इंज्नी तीतुस के समझातिंजटे दियागा सेंग्गोन डी विश्वासी डाईके कुल्केनेच, मेटे चोच तीतुस नी धोका जीटे आपे कुरकू टे चोच्का फायदा टुलजे? चोच आलेगा म्याका मकसद बाने डा? चोच आलेनी म्याका तरीका टे कामय बान दडुका?

2 ಕೊರಿಂಥ 2:13

पेनो इंज ठायका नराजोके डा, चोयाकी इंज्नी इंजागा डाई तीतुस के बान घाटाडुका। इनिघल्जी इंज त्रोआस शहर गा विश्वासीकु टे बिदाटे, तीतुस के घगाटा गा घल्जी मकिदुनिया गेन जिल्हान ओले मेना।

2 ಕೊರಿಂಥ 4:13

पेनो आले प्रचार दडावाका होय चोयाकी आलेन डीका विश्वास गा आत्मा होय, जो भाजन गा ओलमिठाच गेन डा, जैसा पवित्र ग्रंथ गेन ओल्के मेना होय, “इंज्नी परमेश्वर लिंजेन विश्वास डाके, इनिघल्जी इंज मंडीवा मेना।” आलेभी विश्वास दडावा होय, इनिघल्जी मंडीवा होय।

2 ಕೊರಿಂಥ 7:6

पेनो कासु कुरकू के तसल्ली जिऊमिठाच परमेश्वर नी, आलेके तीतुस गा हेजे टे तसल्ली जीके।

2 ಕೊರಿಂಥ 8:16

परमेश्वर के धन्यावाद, डीचनी तीतुस गा दिल गेन आपे कुरकू गा प्रति डेनोगो आरी ओटके होय, जैसा इंजा इंजेन आपेगा प्रति डा।

2 ಕೊರಿಂಥ 8:23

देटे टाएन तीतुस गा प्रश्न होय, डीच आपे कुरकू गा तालान मसीह गा सेवा गेन इंजा सेंग्गो एठा सथो जिऊमिठाच होय। आलेगा अलग्गो डाई मसीह गा मंडलीनौर गा कुल्केनेच मिठाच पावना एठा मसीह के महिमा जिऊमिंकू कुरकू होय।

2 ಕೊರಿಂಥ 8:6

इनिघल्जी आलेनी तीतुस के समझातिंज्केनेच, कि जेनी इनी कामय के चालुके, इनिके सुरुका डोकी एठा प्यार गा इनी कास सेवा के पुपरा गेन आमगा मदत डाए।

गलातियों 2:3

इंजा सोप्ती तीतुस, जो कि म्या यूनानी होय, यरूशलेम शहर गा मसीह गा मंडली गा अगुवोकु नी डीचके मनेन जेनेच। पेनो दिकुनी खतना दडा गा घल्जी दिया लिंजेन तुनिका दबाव बान येंडाडुका।

गलातियों 3:26

जब आपेके मसीह गा जीमू टे बपतिस्मा जीके मेना, मेटे आपेनी मसीह गा उनाई जीवन के उरीये जैसा म्या कोरो उनाई कपळे के उरेवा होय। इनिघल्जी, आपे सेबाईकु परमेश्वर गा कोणकुटे आरोएन जब आपेनी यीशु मसीह लिंजेन विश्वास डाके।

गलातियों 3:28

नका न मेटे यहूदी एठा यूनानी गेन तुनिका भेद-भाव होय, एठा न मेटे भाग्य एठा आजादी गेन तुनिका भेदो होय, एठा न मेटे सना एठा जापाए गेन तुनिका भेदो होय। आपे सेबाईकु यीशु मसीह गेन म्याजे होय।

इफिसियों 1:2

इंज प्रार्थना दडावा मेना कि आलेगा परमेश्वर बाटे एठा प्रभु यीशु मसीह गा कोनेटे आपेन कृपा एठा शांती घाटाऊ चाले।

ಕೊಲೊಸ್ಸೆ 1:2

आलेगा परमेश्वर बाटे एठा प्रभु यीशु मसीह गा कोनेटे कृपा एठा शांती आपेन घाटाऊ लज्जू।

1 ತಿಮೊತಿ 1:12

इंज, मसीह यीशु आलेगा प्रभु गा धन्यवाद दडावा मेना, डीचनी इंज्के शक्ती जिले होय, एठा डीचनी इंज्के इनी विश्वास लायको समझातिंजटे हेजा सेवा गा घल्जी ठहरातिंज्केमी होय।

2 ತಿಮೊತಿ 1:1

इंज पौलुस, परमेश्वर गा इच्छा गा रोंगो यीशु मसीह गा कलामके मिठाच चेला मेना। इंज्के डी हमेशा गा जीवन गा प्रचार दडा कुलकेमी होय, जो मसीह यीशु लिंजेन विश्वास दडा गा द्वारा परमेश्वर नी जिऊ गा वादा डाके होय। इंज इनी पत्र तीमुथियुस के ओल्बा मेना जो इंजा प्रिय कोण गा रोंगो होय।

2 ತಿಮೊತಿ 1:2

आलेगा परमेश्वर बाटे एठा प्रभु यीशु मसीह गा कोनेटे आपेन कृपा एठा शांती घाटाऊ चाले।

2 ತಿಮೊತಿ 4:10

चोयाकी देमास नी इनी दुनिया गा चीजो के अच्छा चिनाटे इंज्के आराकेमी होय, एठा थिस्सलुनीके शहर गेन ओले होय। एठा डाई क्रेसकेंस गलातिया जिल्हा एठा डाई तीतुस दलमतिया जिल्हान ओले होय।

तीतुस 1:3

एठा नका साही टेमो लिंजेन, डीचनी हेजा मकसद डी सच्चो शिक्षा गा द्वारा घाल्के होय, डेगा प्रचार आलेगा उध्दार दडामिठाच परमेश्वर गा हुकूम गा रोंगो इंज्के जिले मेना होय।

तीतुस 2:13

एठा डी धन्य दिन गा कोरा डोगे, जो आलेगा आसानौर पूराऊवा एठा आलेगा महान परमेश्वर एठा उध्दार दडामिठाच यीशु मसीह गा महिमा ओटजू होना।

2 पतरस 1:1

इंज, शमौन पतरस, मसीह यीशु भाग्य एठा कलामके मिठाच चेला इनी पत्र दिकु सेबाईकु के ओल्बा मेना दिकुनी आलेगा परमेश्वर एठा उध्दार दडामिठाच प्रभु यीशु मसीह गा धार्मिकता गा द्वारा आलेगा सम्मान कास विश्वास हासिलके होय।

2 पतरस 1:11

एठा इनी कि परमेश्वर आपेगा हेजा राज्य गेन खाट आदर गा सेंग्गोन स्वागत डाएवा देटेन यीशु मसीह होय, जो आलेगा प्रभु एठा उध्दार दडामिठाच होय, जो हमेशा गा घल्जी राजा गा रुपो गेन राज्य डाएवा।

2 पतरस 2:20

जब दिकुनी यीशु मसीह के आपना प्रभु एठा उध्दार दडामिठाच गा रुपोन चिनाएजेनेच, मेटे डी कुरकू दुनिया गा बुरा कामय टे बचातिंजटे ओटके। पेनो नका म्या बार डाबोलटे दिकु बुरा कामय दडा गेन लगातिंजे होय एठा दिकु बुरा कामय नका दिकुके काबू डोकुवा होय। इनिघल्जी नका मसीह के इंकार दडा गा बादोन दिकुगा आखरी हाल दिकुगा विश्वासी आरुटे पेला गा हाल टे भी बुरा डाएन होय।

2 पतरस 3:18

बनकी इनी खिजाटे जीवन बितातिंजे, कि आपे आलेगा उध्दार दडामिठाच यीशु मसीह गा प्रति एठा जादाटे जादा कृपा गेल्ला रुपोटे कामय डाए एठा इनी कि आपे डीचके एठा जादा अच्छा तरीका टे चिनाया होना। दियागा का महिमा नका एठा हमेशा डाऊ चाले। आमीन।

2 पतरस 3:2

इंजा मकसद इनी होय, कि आपे डी वचननौर के यादो डोए, डेगा घोषणा पेलाका परमेश्वर गा कोनेटे मंडीमिंकू नी डाके डा। एठा इनी कि आपे डी हुकूमनौर के भी यादो डोए जो आलेगा प्रभु एठा उध्दार दडामिठाच गा कोनेटे हेन होय। आपेनी दियागा हुकूमनौर के आलेटे मतलब दियागा कलामके मिंकू चेलाकू टे आजुम्के होय, जो आपेगा मेरान खाबोर के साटे हेन डा।

1 ಯೊಹಾನ್ 5:14

आबुन परमेश्वर सम्मान जो हिम्मात डाऊवा होय, डी इनी होय, कि अगर आले दियागा इच्छा गा रोंगो चोच्काभी आसिवा होय, मेटे डीच आबुगा आजुम्बा होय।

यहूदा 1:3

हे इंजा प्यारे विश्वासी डाईचो, हालाकी इंज आपेके परमेश्वर गा उध्दार गा बारेन घोनेच चोच्का ओल चाहता डा, डेन आले सेबाईकु बेल्लाके होय, इंज डीके जरुरी समझातिंजेवा मेना, कि आपेके आरी दडा गा घल्जी ओलकी कि आपे डी विश्वास गा रक्षा गा घल्जी पूरा खिजाटे कोशिश डाए, जो म्याका बार हमेशा गा घल्जी परमेश्वर नी हेजा कुरकू के जीके होय, एठा जो चोलाकभी बान बदलाऊ।