ಯೊಹಾನ್ 1:14 - गवली उनाई नियम

¹⁴ डी वचन कोरो आरोएन, देटेन कृपा एठा सच्चाई टे भेट्टी टे आलेगा तलान थंदळके। आलेनी दियागा एगो महिमा डोके, डेंगोका परमेश्वर बाटे कोनेटे हेके मिनी म्याका कोण गा महिमा।

ದೆವಾಚಿ ಖರಿ ಕಬರ್ ನವಾ ಕರಾರ್

¹⁴ ತ್ಯಾ ಸಬ್ದಾನಿ ಮಾನ್ಸಾಚ಼ ರುಪ್ ಗೆತ್ಲ ಆನಿ ತ್ಯೊ ಸಗಳೆ ಕ್ರಪಾನಿ ಆನಿ ಖರ‍್ಯಾನಿ ಬರ್ಲಾ ಹುತ್ತಾ, ಆನಿ ತ್ಯೊ ಆಮ್ಚಿ ಸಂಗ ಹುತ್ತಾ. ಆಮಿ ತ್ಯಚಿ ಮೈಮಾ ಬಗ್ಲಿ, ತೀ ಬಾಚಾ ಯಕ್‌ಲ್ಯಾಸ್ ಯಕಾ ಲೇಕಾಚಿ ಮೈಮಾ ಜಾ಼ಲ್ಥಿ.

ಯೊಹಾನ್ 1:14 ပူးပေါင်းရင်းမြစ်များ

ಮತ್ತಾಯ್ 1:16

याकूब गा कोणटे यूसुफ, जो मरियम गा सानाटे डा। एठा मरियम वोजीटे परमेश्वर गा आत्मा टे यीशु डाएन मेना, जो मसीह मेनबा होय।

लूका 2:11

डीच येटेन टैंज बैतलहम गेन होय, जो कि राजा दाऊद गा पूरा होय, आपे घल्जी म्या उध्दार दडामिठाच डायेन होय। डीचका मसीह प्रभु होय।

लूका 9:32

पतरस एठा दियागा सोप्ती दुनूमेनके डा, एठा जब अच्छा खिजाटे चेव हेन, डोके मेटे यीशु गा तेज के, एठा डी बरी कोरो किंज जो दियागा सेंग्गोन टेंगेनके डा, डोके।

ಯೊಹಾನ್ 1:1

सेबाई दुनिया गा आरुटे पेला वचन डा। एठा वचन परमेश्वर गा सेंग्गोन डा एठा वचन परमेश्वर डा।,

ಯೊಹಾನ್ 11:40

यीशु नी दियाटे मंडीके, “चोच इंज्नी अमाटे बान मंडीडुका डा कि अगर आम विश्वास डोएबा, मेटे परमेश्वर गा महिमा के डोगेवा।”

ಯೊಹಾನ್ 14:6

यीशु नी दियाटे मंडीके, “कोरा एठा सत्य एठा जीवन इंज का मेना। बिना इंजा द्वारा जेका बाटे परमेश्वर मेरान बान आदिरु।

ಯೊಹಾನ್ 14:9

यीशु नी दिकुटे मंडीके, “हे फिलिप्पुस, इंज येटो दिन टे आपे सेंग्गोन मेना एठा चोच आपे इंज्के बान हाडाई? जो कोरोनी इंज्के डोकेमी डीचनी इंजा बाटे परमेश्वर के डोकेनेच होय: आम चोया मंडीवा होय कि बाटे के आलेके घाले?

ಯೊಹಾನ್ 17:22

एठा देटेन महिमा जो आमनी इंज्के जिले, इंज्नी दिकुके जीके होय, ताकी दिकु म्यायु होना, जैसा आले म्याये होय।

ಯೊಹಾನ್ 17:24

हे बाटे, इंज चाहतावा कि दिकुके आमनी इंज्के जिले होय, येटेन इंज मेना, देटेन दिकुभी इंजा सेंग्गोन जू कि दिकु इंजा डी महिमा के डोगेवा, जो आमनी इंज्के जिले होय, चोयाकी आमनी दुनिया के आरुटे पेला इंजाटे प्यार डोके।

ಯೊಹಾನ್ 18:37

पिलातुस नी दियाटे मंडीके, “मेटे चोच आम राजा होय?” यीशु नी जवाब जीके, “आम मंडीवाकी कि इंज राजा मेना?” इंजा जनम सा एठा दुनिया गेन हेजे वाजा इनी होय कि इंज सत्य गा बारेन इथूकोम्बा। सत्य गा पालन दडामिंकू सेबाईकु इंजा बातो आजोम्बा होय।

ಯೊಹಾನ್ 2:11

यीशु नी गलील जिल्हा गा काना पुरान हेजा इनी पेला चिन्हा घाल्टे हेजा महिमा ओटके एठा दियागा चेलाकूनी दिया लिंजेन विश्वास डाके कि देटेन मसीह होय।

ಯೊಹಾನ್ 3:16

“चोयाकी परमेश्वर नी दुनिया गा कुरकू टे येनेगो प्यार डोके कि डीचनी हेजा म्याका कोण के जीकेनेच, ताकी जो जेकाभी दिया लिंजेन विश्वास डोएबा देटेन नशोयु बाकी पेनो हमेशा गा जीवन घटायु।

ಯೊಹಾನ್ 3:18

जो परमेश्वर गा कोणटे लिंजेन विश्वास दोडोवा होय, दिया लिंजेन दण्डो गा हुकूम बान डाऊ, पेनो जो दिया लिंजेन विश्वास बान दोडो, देटेन दोषी ठहरातिंज्के होय। चोयाकी डीचनी परमेश्वर गा म्याका कोणटे जीमू लिंजेन विश्वास बान दोडुका।

ಯೊಹಾನ್ 6:51

इंज जीवन जिऊ मिनी सोकळा मेना, जो स्वर्ग टे आगुरुके मेना। अगर जेका इनी सोकळा टे जोमेबा मेटे हमेशा जीटाका थंदळवा, एठा डी इंजा कोम्बोर होय जो इंज दुनिया गा कुरकू घल्जी जेबा।”

ಯೊಹಾನ್ 8:32

आपे सच्चाई के चिनाएवा एठा सच्चाई आपेके स्वतंत्र डायेबा।”

ಅಪೊಸ್ತಲ್ 13:33

कि परमेश्वर नी यीशु के गोएन मिठाच जाटे जीटाकेनेच डो हेजा गा इनी वादा आलेगा कोणकु घल्जी पुराके होय। जैसा कि भाजन सहिंता बाएरा गेन ओल्के होय, परमेश्वर नी मसीह गा बारेन घाल्ले, ‘आम इंजा कोण होय। टैंजका इंज अमा बाटे आरोएन मेना।’

रोमियो 8:3

चोयाकी जो कामय मूसा गा नियम आलेगा पापोमय स्वभाव टे कामजोर रोंगो टे बान दडुका, डीके परमेश्वर डाके, मतलब हेजा कोणटे के आलेगा रोंगो पापोमय कोम्बोर गेन, आलेगा पापो गा घल्जी बलिदान डाऊ गा घल्जी कुल्केनेच। एठा परमेश्वर नी हेजा कोणटे गा कोम्बोर गा द्वारा पापो गा शक्तीके टुक्काके।

रोमियो 9:5

महान जुना सनाकु अब्राहम, इसहाक एठा याकूब दिकुगा का होय एठा कोम्बोर गा नाते मसीह दिकुका तालाटे होय। परमयाजक परमेश्वर गा हमेशा-हमेशा स्तुति डायु। आमीन।

1 ಕೋರಿಂಥ್ 15:47

आदम, जो कि पेला कोरो होय, डी धरती गा कासा टे आरुके मेना डा। एठा मसीह, जो कि दूसरा कोरो होय, स्वर्ग टे हेन होय।

2 ಕೊರಿಂಥ 12:9

पेनो डीचनी इंजाटे मंडीके, “इंजा कृपा अमा घल्जी काफी होय, चोयाकी इंजा शक्ती कमजोरीनौर गेन ओटबा होय,” इनिघल्जी इंज खाट खुशीटे आपना कमजोरीनौर लिंजेन घमंड डाएवा, कि मसीह गा शक्ती इंजा लिंजेन साईली डोए थंदळे।

गलातियों 4:4

टेमो पुराऊ लिंजेन परमेश्वर नी हेजा कोणटे के कुल्केनेच। डीचनी म्या जापाए गा द्वारा जनम सावे एठा डीच मूसा गा नियम गा हात टाल्लेन ओटजे मेना।

इफिसियों 3:8

अगर भी इंज परमेश्वर गा सेबाई कुरकू गेन सेबाईकु टे सानी कोरो मेना, तोभी इंजा इनी कृपा डाएन, कि इंज अलग्गो जाटोकु के मसीह गा स्यागु बान मिनी डामा गा अच्छा खाबोर घालेवा।

ಕೊಲೊಸ್ಸೆ 1:19

चोयाकी बाटे परमेश्वर खुशी इनिजेनका होय, कि मसीह गेन परमेश्वर गा सेबाई स्वाभव मुयू होना।

ಕೊಲೊಸ್ಸೆ 2:3

चोयाकी दियागा द्वारा परमेश्वर गा ज्ञान एठा मन ओटबा होय, जो म्या उखुके मिनी खजाना रोंगो होय।

ಕೊಲೊಸ್ಸೆ 2:9

चोयाकी मसीह गा कोम्बोर अंगोन परमेश्वर गा पूरा स्वभाव हेजेवा होय।

1 ತಿಮೊತಿ 3:16

येनेन तुनिका शक बाऊ, कि आलेगा भक्ति गा भेदो चोटो गंभीर होय, मसीह कोरो गा रुपोन ओटजे मेना, डीच पवित्र आत्मा गा द्वारा परमेश्वर गा कोणटे साबित डाएन, एठा स्वर्गदूतकुन डोके। महिमा गेन स्वर्ग गेन टूलजेनेच, अलग्गो जाटो गेन दियागा प्रचार डायेन, एठा दुनिया गा कुरकू नी दियागा लिंजेन विश्वास डाके।

ಇಬ್ರಿಯ 1:3

कोंटे परमेश्वर गा महिमा गा उजालाके ओडेवा होय, एठा डीच हर रोंगो टे सेबाई टे महान परमेश्वर गा खिजा होय। एठा डीच हेजा शक्तीशाली वचन गा द्वारा, सेबाई दुनिया के कामय दडा गेन मदत डाएवा होय। कुरकू के दिकुगा पापो गा मापो घाटाऊ संभव आरोए, एठा येनेगा बावजूद स्वर्ग गेन तेजो टे भेट्टिके परमेश्वर गा जेवना एठा सिंघासन लिंजेन सुबांजे मेना।

ಇಬ್ರಿಯ 1:5

परमेश्वर नी हेजा तुनिकाभी स्वर्गदूतकु टे येनोगो बान मंडीडुका, “आम इंजा कोंटे होय, टाइंज इंज आमके इंजा कोण गा रुपो गेन ओटकोम्बा मेना” एठा डीचनी येनोगो भी हेजा तुनिका स्वर्गदूत टे बान मंडीडुका, “इंज दियागा बाटे आरुवा, एठा डीच इंजा कोण आरुवा”।

ಇಬ್ರಿಯ 10:5

इनिघल्जी मसीह नी दुनिया गेन हेन डो इनी मंडीके, “आमनी न मेटे बलिदान मेंके एठा न पेपेळेच, पेनो आमनी इंजा घल्जी म्या कोम्बोर तैयार डाके होय।”

ಇಬ್ರಿಯ 2:11

यीशु का सेबाई कुरकू के दिकुगा पापो टे चोखारकुवा होय, इनिघल्जी जो पवित्रकुवा होय एठा जो चोखरा आरुकुवा होय सेबाईकु गा बाटे म्याखोम का होय मतलब परमेश्वर। इनिका वोजीटे डीच दिकुके डाईचो एठा बोकजाईचो मंडीटे बान सेरोम।

ಇಬ್ರಿಯ 5:5

डीका खिजाटे, मसीह नी खुदके खाटयाजक आरु गा सम्मान बान साडुका। बनकी, परमेश्वर नी मसीह टे इनी मंडी लठ्ठाका डीचके कलामकेनेच एठा सम्मान जीके, जो कि पवित्र ग्रंथ गेन भजनसंहित ओलमिठाच नी ओल्के होय, “आम इंजा कोण होय, इंज घोषण दडावा मेना कि टाइंज इंज्नी आमगा बाटे आरोएन मेना।”

1 ಯೊಹಾನ್ 4:14

आलेनी कोण के डोकेनेच भी एठा गवही जिऊवा होय, कि परमेश्वर बाटे नी कोण के दुनिया गा कुरकू गा उध्दार दडामिठाच डाऊ घल्जी कुल्केनेच होय।

1 ಯೊಹಾನ್ 4:9

जो प्यार परमेश्वर आलेटे दोडोवा होय, डीच इनिजाटे ओटजे मेना कि परमेश्वर नी हेजा म्याका कोण के दुनिया गेन कुल्केनेच होय, कि आले दियागा द्वारा हमेशा गा जीवन घाटाऊवा।

2 ಯೊಹಾನ್ 1:7

इंज आपेके इनी सेबाई बातो इनिघल्जी यादो जिऊ लक्के, चोयाकी घोनेच्का भुबल्ला मिंकू कुरकू दुनिया गेन फैलातिंजे होय, जो इनी बान ममानातिंज कि यीशु मसीह कोरो आरुटे दुनिया गेन हेन। अगर तुनिका कोरो येनेगो बातो मंडीवा होय, मेटे डी कोरो मसीह गा दुश्मान होय एठा कुरकू के भूबल्लावा होय।

ದರ್ಶಾನ್ 19:13

डीच पचना गेन नमुज्के मिनी कपळे उरिके होय दियागा जीमू होय, “परमेश्वर गा वचन,”

ದರ್ಶಾನ್ 21:3

डाबोलटे इंज्के सिंघासन टे म्या खाट आवाज इनी मंडीटे आजुम्के, “डोगे, परमेश्वर कोरोकु गा सेंग्गोन थंदळवा, एठा डीच दिकु तालान हेजा झुपळी आरोएवा। दिकु दियागा प्रजा आरुवा एठा परमेश्वर खुद दिकुगा तालान थंदळ टे दिकुगा इकुगा परमेश्वर डाऊवा।